馮盈盈疑暗諷醫生前度「閃婚實出事」！更暗踩前度職業唔夠體貼，網民：有啲小家！
最近，馮盈盈的醫生前度與公開交往數月的女友正式拉埋天窗。而馮盈盈則被傳與緋聞男友鄭衍峰已經暗地分手，更被拍到與疑是新歡的地產界才俊Bobby在米芝蓮三星餐廳共進午餐。在最近一集的《後生仔傾吓偈》中，請來堪輿學家麥玲玲做嘉賓，其間馮盈盈疑似暗窒前度與女友交往數月就閃婚，更明言不會再選醫生做男朋友！
馮盈盈與醫生男友鍾文浩（寶寶）拍拖四年，後來更買樓實行同居試婚，可惜最後仍未能開花結果，於2019年底宣布分手。其後馮盈盈被傳與主持鄭衍峰撻著，而男方則傳出與有「翻版徐子淇」之稱的圈外女生交往中，二人更於近日正式結為夫妻。
在最近的一集《後生仔傾吓偈》裡，馮盈盈的一句說話就被認為是話中有話，暗諷前度閃婚？
「閃婚實出事」被指暗諷前度
在節目中馮盈盈突然問麥玲玲師傅：「點解呢所有對我有意思嘅對象都好想即刻同我訂終生嘅？」麥玲玲就表示男人說的話不要盡信，馮盈盈立即笑言：「我太天真信哂啊」麥玲玲繼續說道：「男人只係想表明自己係好認真，真係想結婚嘅係唔會出聲嘅，會反覆思量咖嘛。」更表示閃婚很易出事，馮盈盈立即表示認同：「係，閃婚實出事咖，我都係咁話！」
拒再選醫生作為男友
其後他們提到另一半最穩定的職業時，馮盈盈就認為最理想的就是「公務員」，麥玲玲亦同意表示有固定工作的公務員與醫生等職業就最穩陣，馮盈盈聞言「醫生」兩字反應甚大地把手上道具掉下並大呼：「醫生，唔要呀﹗個啲咩on call 360喎！真係激到我！」似乎相當抗拒再選醫生作為另一半。
揚言不接受辭職嫁入豪門相夫教子
因為這集以「嫁入豪門」作為討論主題，麥玲玲就指出豪門揀新抱有三大條件，包括樣靚、有學識、以及不會拋頭露面。馮盈盈就表明自己難受不到嫁入豪門後辭職相夫教子的生活：「我覺得太過浪費咗自己價值，呢個年代公一份婆一份，兩個一齊做嘢會好啲。就算嫁到個好老公可以養起你，生活唔使憂。但係轉頭有啲咩發生好難講，要確立自己價值，唔好俾佢覺得咩都靠佢，隨手將我掟埋一邊。」間接否認「釣金龜」傳聞！
有不少網民就認為馮盈盈的說話意有所指，似在暗指前度與新歡拍拖幾個月便閃婚：「人地結婚就恭喜人啦，小家到..」、「耿耿於懷？」大家又點睇呢？
Text：Girls editorial
Photo Source：Instagram@crystalfyy，《後生仔傾吓偈》，網絡照片
更多相關文章
馮盈盈醫生舊愛Martin甩拖1年，火速與新歡結婚？曾揚言出席前度婚禮會「扮到最靚」！
馮盈盈在參選港姐時便已公開自己非單身的狀態，而另一半正正就是2015年的「十優狀元」、在瑪麗醫院任職的醫生鍾文浩（Martin）。可是3年後馮盈盈正式出道為藝人，而二人亦展開了半年的同居生活，最後卻發現「相見好，同住難」，導致感情生變，最後分手收場。
不過事件過去僅僅一年，早前鍾文浩就已經宣布結交了樣貌標誌的新女朋友。日前，更被爆出鍾文浩與女方短短交往數月便已認定對方，將會在本月底完婚，而他們的婚照亦隨之而曝光。
另一邊廂，馮盈盈的經歷就大為不同。近日有傳因為她不希望公開戀情，因而令她的緋聞男友、TVB主播鄭衍峰不滿，最後面臨分手。
馮盈盈曾經在節目《後生仔傾吓偈》中參與有關「前度結婚了」的話題，一向快人快語的她更表示若獲邀出席，一定會「扮到最靚」。
Text：Girls editorial
Photo Source：Instagram@crystalfyy，《後生仔傾吓偈》，網絡照片
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
