朱庭萱指MIRROR「呢啲樣旺角大把」惹公憤！力撐內地歌手有樣有才華，狠批鏡粉是井底蛙！

香港人氣男團MIRROR出道兩周年演唱會剛剛完結，不但吸引大批粉絲為票爭崩頭，圈中不少藝人好友亦前往捧場，可見MIRROR的人氣絕對是不容忽視！最近，自稱是黃宗澤前度的朱庭萱（玻璃朱），就突然出POST指MIRROR外貌普通，更狠批一眾「鏡粉」是井底之蛙惹起公憤！

指MIRROR「呢啲樣旺角大把」

數到近期人氣最旺的必定非男團MIRROR莫屬，不論是否「鏡粉」都必定認識他們，不少人都表示MIRROR重新喚起大家對廣東歌的喜愛，重燃起香港的追星熱潮，對香港樂壇有莫大的影響。

最近就有媒體於MIRROR演唱會完結後發起名為「六場MIRROR演唱會完結，大家感受最深係乜？」的投票，並有四個選項供大家選擇，分別有：「香港終於有偶像啦」、「姜濤真係係好靚仔」、「十二人缺一不可」、「一代不如一代真係冇興趣」。

而玻璃朱則選擇了最後一項，並留言：「呢啲樣行落旺角大把啦，真係好大驚小怪囉。究竟咩叫靚仔有才華？內地歌手王一博、張藝興呢啲就係啦！成班井底蛙。」

力撐內地歌手比MIRROR優勝

此舉惹來網民熱烈討論，之後她又再於自己的Facebook出文表示不希望傳媒把自己與MIRROR一起報導：「好心啲傳媒就唔好攞我同MIRROR放埋一齊抽水啦，我係民調留個言都要大造文章。我唔想幫佢地宣傳呀！亦都唔駛幫我宣傳啦唔該。」

之後她再於底下留言表示自己只是講事實：「我話呢啲樣旺角大把，都冇話過佢地醜樣！但我真係覺得王一搏靚仔好多呀嘛～又識唱又識跳仲識排舞編曲。叫佢哋走出去個井睇吓呢個世界有幾多靚仔有才華都係錯。」還hashtag＃言論自由已死，＃唔鍾意塊鏡就要被公審批鬥。火藥味相當濃！

自爆曾與黃宗澤交往

綽號「玻璃朱」的朱庭萱曾自爆與黃宗澤十多年前交往過，因此不少人都會稱她為黃宗澤舊愛。

另外，她曾因介入莊思明涉洩露他人隱私事件及詛咒航空公司結業而引起關注。事緣莊思明因乘搭飛機期間未能借筆而在社交媒體表示不滿，並公開了該航班的所有機艙服務員的資料，此舉受到網民批評指責她不應洩露他人隱私。其後朱庭萱在微博指責航空公司，並詛咒它早日結業而引起爭議。

大家又點睇呢？

Text: GirlStyle Editorial
Photo Source: IG@mirror.weare，FB@朱庭萱