女乘客搭的士講電話，眼濕濕話「老公BB有事」！司機深感無奈：原來講緊姜濤？

人氣男團Mirror成員姜濤早前出席活動時突然暈倒，雖經理人花姐已立即更新姜濤的狀況，但情況依然令姜糖擔憂！有的士司機發文，表示姜濤暈倒當日在尖沙嘴接載了一位女乘客，對方表示「老公BB有事」，仲講到「眼濕濕」！後來才知道乘客口中的「老公BB」原來是指姜濤，令司機頓感無奈～

人氣男團Mirror成員姜濤早前出席品牌活動時，懷疑因胃痛及現場環境焗促已不堪暈倒，要由工作人員扶起，中途離場！從現場片段可見，姜濤當時面青口唇白，眼神空洞，全身乏力，嚇壞隊友及一眾鏡粉！

現場更有姜糖目擊偶像突然暈倒，嚇到嚎哭！雖然事後經理人花姐已極速在IG更新姜濤的狀況，表示他休息過後已無大礙，安撫一眾粉絲！但鏡仔工作操勞，缺乏休息的情況依然令人擔憂！

# 女乘客坐的士：老公BB有事！

有的士司機日前在Facebook群組「的士司機資訊網 Taxi」發文，指姜濤暈倒當日在尖沙嘴接載了一名女乘客，對方由上車開始全程講電話，表示「老公BB有事」！

的士司機不時留意住乘客的狀態，形容女乘客當時「講到眼濕濕又唔知點咁」，司機原以為乘客是在擔心伴侶的情況！

# 原來是指姜濤？

誰知道後來再聽女乘客的對話，才知道對方口中的「老公BB」原來是指姜濤，「講講下原來係嗰個後生仔姜B」，令他相當錯愕～

# 網民回應兩極！

的士司機的經歷立即掀起網民回應，有網民同樣不解姜糖的擔憂，表示：「死老豆都無咁傷心」、「又唔係特別靚仔，唔知點解咁多人鍾意」～

但亦有粉絲為偶像護航，認為偶像工作期間突然暈倒確實令人擔心，直斥司機多事，「專心揸車啦，關你咩事」～

大家又點睇呢件事呢？

延伸閱讀：

Lokman、Anson Kong稱姜濤已無大礙，AK試過唱戶外騷腳軟險暈？原來鏡仔拍MV超費時！

姜濤突暈低惹粉絲憂心！IG持續抑鬱疑因「2件事」致情緒崩塌，早於歌詞埋藏求救訊號？

Text：Girlstyle Editorial
Photo Source：IG @keung_show, 劇照