江嘉敏爆被女同事借10萬扮傻唔還！直認小氣公開對方3大特徵+網上追債
＃江嘉敏爆公司女同事借錢唔還
新一集《代溝關注組》以儲錢和借錢作為討論主題，當談到「一次過最多借幾多錢畀朋友？」時，肥媽表示曾借高達70萬給朋友，而蔡嘉欣則試過借10萬給弟弟買車。江嘉敏就透露曾多次借錢給同一朋友，但對方一直借故不還令她大感不悅，直言與對方已經「無freind做」！
借錢女同事專食貴嘢要她埋單
她直言若然對方是因為急事而需借錢的話絕不是問題，但如果是用作買袋買車等用途則不能接受。她笑言該名朋友借錢招數相當高超：「我覺得呢個朋友其實都幾聰明，因為每次出街食飯佢都唔會帶任何現金，又會同我講電話壞咗、撳唔到、上唔到網、嘟唔到卡，所以每次出街食飯就...（唔俾錢）我唔係記仇，雖然我係啦，哈哈。」
她又指對方更是唔貴唔食：「佢仲要唔係食平嘢，一定要食米芝蓮，甜品啦、油錢啦、停車費、增值卡都係我埋單，加加埋埋，其實我諗10萬都有。」
主動追債對方竟扮傻唔還？
當被問到對方是男是女時，她就透露是女生而且是公司同事，自己更曾借錢予對方交弟弟的學費！她憶述自己試過在公司遇到對方，於是厚著面皮問她：「食飯嗰啲就當我請妳食啦，妳細佬讀書讀成點？」對方：「好好！」她再問：「咁啲學費...」怎料話未說完對方立即表示：「啊！埋位啦！」她當刻心想：「電話妳唔聽、message妳唔覆，我真人問到妳都咁？」
＃爆對方特徵兼網上再追債
江嘉敏於節目播出後再次在 IG 上乘勝追擊，出 Post 不開名地向對方追債：「希望欠我哋錢嘅朋友，睇完呢集《代溝關注組》會自動還錢比我哋啦！」
＃網民憑特徵猜女同事真身？
對於江嘉敏的爆料，有網民再次搬出她過往的傳聞，直指她自己也其身不正喜歡到處「?著數」，質疑她說話內容的真偽：「一個成日周圍r（?）著數嘅人，真係會肯借十皮俾人?」
亦有網民根據她爆出的特徵，紛紛推測該名借錢唔還的女同事的真身。有網民猜是有弟弟的吳若希和馮盈盈，更認為愛吃米芝蓮的似是馮盈盈居多，亦有人猜是曾供弟弟到外國讀書的糖妹！
但這些都只是網民的猜測，江嘉敏亦沒有再透露對方的其他特徵，所以真相恐怕只能靠大家去推測了～
Text: Girlstyle Editorial
Photo Source: TVB，IG@江嘉敏
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
