李佳芯否認跟余詠珊過檔！民選視后Ali易滿足唔恨攞獎，反而恨嫁想搵老公？

近日有傳TVB前助理總經理余詠珊自4月離職後﹐有意回巢有線電視出任高層，著手搞綜藝節目，對撼TVB及ViuTV！更有指「有線幫」藝人李佳芯、黃翠如、洪永城等隨時跟她再過檔～李佳芯日前出席活動時就否認傳聞，更表示比起攞視后，更希望搵到老公！

有指當年余詠珊離巢有線，過檔TVB時，一眾「有線幫」藝人，包括李佳芯、黃翠如、洪永城、譚凱琪等亦紛紛跟她過檔！今次有傳余詠珊回巢有線，令外界眾說紛紜，「有線幫」隨時會跟隨余詠珊再次過檔！日前，余詠珊的愛將之一李佳芯（Ali）出席活動時，就親自回應有關傳聞！

# 澄清跟余詠珊無聯絡！

Ali澄清表示：「傳啫，未係事實！」，她又指當時對方在TVB擔任高層時，大家只是同事關係，「佢都應該無我電話，所以私下從未試過聯絡。」Ali又透露自己2017年才跟TVB續約，還有好幾年才約滿～

# 攞獎是Bonus～

Ali早前的電視劇《智能愛人》大受觀眾歡迎，問及有沒有信心再奪視后時，就表示「依家言之尚早，年尾仲有好多大劇、台慶劇會出街！」

她又透露其實由開拍時已經「無咩信心」，坦言自己不懂演機械人，只能換着石頭過河～最後劇集出街，獲得觀眾喜愛對Ali而言已經滿足，「唔會諗攞獎，有獎就係Bonus」！

# 想搵老公多過攞視后！

Ali自從5月初跟交往7年的男友陳炳銓分手後，一直未遇上真命天子，感情生活備受關注～有記者問到Ali希望找個男朋友，還是希望再奪影后？誰知Ali竟直接表示「我想搵個老公，唔係想搵個男友！」

她解釋指，事業當然重要，但自己滿足於現時事業的狀況，「感情就難控制啲，如果有得揀，緊係揀樣控制唔到嘅」！

睇嚟Ali真係好希望快啲遇到自己嘅真命天子！

延伸閱讀：

李佳芯否認求婚不遂致分手！自加AI「這神髓」獲封「教科書級」演技

Text：Girlstyle Editorial
Photo Source：IG@aliaime