download GirlStyle 女生日常 app
港女被男友阿媽當外人兼狂鬧!坐梳化被當眾怒斥:外人坐番圓凳!

港女被男友阿媽當外人兼狂鬧!坐梳化被當眾怒斥:外人坐番圓凳!

Trendy 人氣熱話
By Hannah on 13 Oct 2021
Digital Editor

婆媳關係一向是世紀難題之一,若然未過門已被伴侶的母親惡意相待,大家又會如何處理呢?最近一位女網友於討論區發文,指中秋節時到男友家做節時不但被對方媽媽冷淡對待,更在眾人面前責罵自己:「當呢度自己屋企啊?」,而男友對此竟沒有任何反應,令她相當難受!

廣告
廣告

婆媳關係一向是世紀難題之一

#被男友媽媽當外人狂罵

不少情侶都會在特別節日拜訪對方家人以表誠意,而一位港女就於 Dcard 分享了她中秋節到男友家晚飯時的不愉快經歷。她指當晚男友家中除了對方父母外,還有幾位親戚在場。因為男友媽媽負責下廚,於是她就與其他親戚一起在廳「打機」等候開飯。期間一位女親戚因看到她從入屋後便一直站立著,於是便貼心地讓出一點梳化位給她坐,怎料男友媽媽看到後便大聲喝罵她:「企起身!做咩啊你依家?當呢度自己屋企啊?外人坐番圓凳!」

坐梳化被男友媽媽當眾怒斥:外人坐番圓凳!

事主表示當下被嚇到「冇聲出」,尊重起見已立即站起來,但對方仍然繼續罵:「嚟到我哋屋企都唔識主動幫手,一嚟就響度玩,一啲貢獻都冇!」其後不論是吃飯還是聊天時,男友媽媽都對她「眼超超」。事主直言還有更多,但就不作多說「再講對眼又開始濕...」。

港女被男友媽媽當外人狂罵

#事主慘被責罵:好hurt

廣告
廣告

事主坦言男友媽媽的話語令她大感受傷,自問自己算是做足了基本禮儀,例如當日買了蛋糕上去請大家吃、入屋有逐一向長輩親戚打招呼等,之所以沒有入廚房幫忙,是因為看到廚房已有男友媽媽和工人兩個人,怕自己入去會添亂,加上自己比較擅長與小朋友相處,才會留在廳陪表弟妹打機。

事主坦言男友媽媽的話語令她大感受傷

事主表示若然男友媽媽要求幫忙定必會做:「只要你開聲我點會 say no,點解要咁強調我係外人?」而她男友目睹一切竟然沒有幫她說過一句話:「第一個出黎幫我嘅,竟然係讓梳化俾我嘅姨姨... 」她認為這麼小事對方媽媽已罵得如此狠,不知道以後該怎樣相處下去。

事主認為這麼小事對方媽媽已罵得如此狠,不知道以後該怎樣相處下去。

#網民直斥事主男友+媽媽過份

不少網民都相當心痛事主的經歷,紛紛指責男友媽媽的說話十分過份:「你去到人哋屋企過門都係客人,唔係去賣身做妹仔」、「好難譜,完全唔識尊重唔比面人」、「樓主你要記住你都係你屋企人嘅寶貝女,唔好咁委屈自己」。

網民直斥事主男友+媽媽過份

網民斥男友媽媽過份

另一方面亦有網民認為事主男友應負上大部份責任:「你男朋友見你比人鬧都完全唔幫口,你地都唔洗旨意有將來架啦」、「你當下男朋友聲都唔聲,就應該起身即刻走」、「當刻佢即時冇護航,任由自己親人去侮辱你,你喺佢心目中嘅地位可想而知,就算佢尊重屋企人,都唔可以攞你當作犧牲品。」

「你男朋友見你比人鬧都完全唔幫口,你地都唔洗旨意有將來架啦」

另一方面亦有網民認為事主男友應負上大部份責任

大家又點睇呢?

Text:Girlstyle Editorial
Photo Source:劇照,Dcard討論區

延伸閱讀:

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載