黎耀祥重提當年衝動買豪宅發現唔夠錢！幸得陶大宇提攜登台，分一半騷錢助他供樓！

58歲的陶大宇近日因在內地商演時獻唱《倒轉地球》一曲而爆紅，其獨特的「水撥式」舞姿及朗讀式唱腔令一眾網民難忘！曾在演藝界打滾多年的陶大宇原來與視帝黎耀祥有着深厚的兄弟情，陶大宇更曾提攜黎耀祥，協助對方供樓，當中的情義令黎耀祥至今難忘！

陶大宇入行38年，拍下多套深入民心的劇集，《壹號皇庭》、《刑事偵緝檔案》、《青出於藍》、《掌上明珠》等劇集大受歡迎，當年更獲封為「師奶殺手」！

陶大宇、黎耀祥相識21年！

陶大宇跟視帝黎耀祥原來有着深厚的兄弟情，兩人識於微時，於2000年因合拍《影城大亨》一劇而認識，陶大宇比黎耀祥年長一年，身為哥哥的他不時在黎耀祥有需要時伸出援手，助他度過難關！陶大宇曾在TVB訪談節目《最佳拍檔》中作客，談及與黎耀祥之間的兄弟情！

重提當年提攜黎耀祥，助他供樓～

陶大宇憶述兩人同樣曾經離開TVB一段時間，到外面發展～更大爆黎耀祥有一日重返廣播道，發現TVB已經搬到清水灣，而原址已經變成豪宅！黎耀祥當刻想起自己對TVB的愛，衝動之下就立即決定買下該豪宅，搬進去！

誰知，黎耀祥買完豪宅才發現原來自己不夠錢，「我問佢咁點算，佢話『有咩點呀，等出糧囉』」～黎耀祥接着亦憶述當年的慘況：「大宇哥真係好好，佢去登台，話『祥仔，上嚟幫我做一part，我分一嚿畀你」！

原來，當年陶大宇為了提攜黎耀祥，不惜人工照舊，但帶埋黎耀祥一齊登台，更將自己一半的騷錢分給他！陶大宇當年的情義，黎耀祥至今都記得！

陶大宇買襪畀黎耀祥？

陶大宇亦曾在訪問中提及與黎耀祥之間的另一件趣事！當年，兩人一同合拍民初劇《影城大亨》，穿着吊腳褲的黎耀祥拍攝時要翹起腳坐，陶大宇發現他穿着一雙有牌子logo的襪，因為拍影響拍劇效果，看不過眼的陶大宇就索性買半打白襪給黎耀祥拍劇時穿！

大讚黎耀祥優點值得學習！

陶大宇更表示當年跟黎耀祥一同捱過、相處過，發現其實對方有很多優點值得學習，不時被人誤會性格火爆的陶大宇解釋自己因為太著緊工作，生自己氣時會不經意黑臉，而黎耀祥的EQ正正值得他學習，「我亦好欣賞佢對工作嘅態度同熱誠」～

可見，陶大宇跟黎耀祥20多年的兄弟情，不單是患難之交，更能互相學習成長，令人羨慕！
Text：Girlstyle Editorial
Photo Source：劇照、節目截圖

延伸閱讀：

陶大宇《倒轉地球》爆紅，重溫抖音騎呢藝人片！羅嘉良表演塞拳頭入口/曾志偉惡搞扮女人？

傳陳展鵬要求加人工惹怒TVB被減戲份，即睇6大小生身價！黎耀祥不及王浩信？第一位被指不值？