港男供女友外國讀碩士，畢業後拒絕回港提移民！男方拒絕竟被分手，驚覺：原來我只係提款機？

近年不少人計劃移民，如果伴侶之間得不到共識，有可能會分手收場！有男生在討論區發文，表示自己供了女友到外國讀碩士，沒想到女友畢業後表示習慣了外國的生活，打算移民！樓主不願放棄香港的一切，拒絕移民，竟被分手？樓主驚覺原來自己一直只是女方的提款機！

近日，有男生在香港討論區發文，表示自己跟女友自中學已經認識，大學更讀同一間～女友畢業後想讀碩士，但因為屋企環境比較差而未能成事。愛錫女友的樓主不忍女友因為經濟問題而放棄，於是提出供她讀碩士的提議～

誰知，女友表示對外國一間大學的課程有興趣，又因為香港呢方面發展得比較慢，所以想去外國讀！樓主當時有猶豫，「去外國就好貴，如果畀阿媽知道我資助佢去外國讀書，一定同我反面」！

不過，樓主計過條數，表示自己份人工再加平時的投資，都足夠送女友去外國讀書，所以答應她的請求，「就係咁，我做咗一個令我後悔一世嘅決定⋯⋯」

樓主的女友到了外國讀書後，初頭大家都會堅持每日視像，但慢慢女友就以好忙做籍口，幾日、甚至一星期才視像一次，「有時見面都只係同我講返學嘅事，或者問我拎錢」～等到女友終於畢業，樓主催她回港，但女方卻一直以疫情為由，繼續留在外國，拖下拖下就過了一年！

最近，樓主再跟女友談起這個話題，沒想到女方竟突然提出想移民，「佢話習慣咗呢邊生活，唔想再返香港」！女友亦叫樓主一齊移民，但樓主卻表示：「我當然唔肯，我份工做得幾好，點解要拋棄一切同佢去其他地方？」

於是，樓主就直接拒絕女友！誰知，女友竟表示「唔移民就分手」，之後就再不回覆樓主！後來，兩人之間的共同朋友更跟樓主說，原來女方一直都有移民的打算，仲計劃咗好耐！

樓主終於醒覺，原來自己「做咗好多年傻仔」，「其實所有野都係有預謀，佢有預謀咁走，喺佢眼中，我只係一部atm.....」

樓主的慘痛經歷掀起不少網民熱論，不少網民都表示樓主蠢，認為「感情不應與金錢掛勾」、「用錢追女，錯誤用法」！

亦有網民分析女方的心態，認為女人不單需要錢，亦需要感情生活，樓主放她到外國，兩人慢慢變成只有錢的關係，失去感情生活，變得生疏，容易出軌！

亦有網民安慰樓主，表示：「宜家止蝕，好過第時蝕得仲多」，亦有網民認為樓主依家用少少錢可以睇清一個人的本相，「當豪畀佢囉」！

雖然樓主有經濟損失，但可以睇清一個人都係一件好事～
Text：Girlstyle Editorial
Photo Source：劇照、香港討論區

延伸閱讀：

港女懷疑自己做第三者，跟蹤男友發現驚人真相！得知男友正印真實身份，無法接受？

台女連生3女，被奶奶怨只生「賠錢貨」！痛斥新抱生唔到仔，好吃懶做、拖累兒子？