港男與女友青梅竹馬鄰居「啊哥」成好友！與對方父母上契，契爸媽親揭女友出軌「啊哥」？
女友有青梅竹馬的鄰居「啊哥」
近日，有網民在Dcard討論區分享自己慘遭女友出軌的經歷，掀起網民熱論！樓主表示自己跟女友拍拖一年，女友自小有一個青梅竹馬的鄰居「啊哥」，雖然沒有血緣關係，但兩人關係相當好！
樓主與「啊哥」成為朋友，仲同對方父母上契？
樓主跟女友開始交往後，女方亦有帶樓主跟「啊哥」見面，樓主坦言「『啊哥』好好人﹑好talkative，同佢相處會覺得佢好有魅力」，加上兩人同齡，所以樓主跟「啊哥」都相處得很好，不時一齊打機﹑傾計~
樓主和「啊哥」相處融洽，更有時候會上「啊哥」屋企一齊玩，久而久之亦與「啊哥」的父母混熟！兩老對樓主和女友都非常好，「見到我同女朋友一齊過去玩就會煮餐好，慢慢開始覺得我同兩老仲friend過佢哋個仔，所以我基本上生活大小事都會分享比兩位老人家聽」，其後樓主更認了兩老為契爸﹑契媽！
契媽透露女友頻繁到「啊哥」家中過夜
直至一個月前，契媽傳訊息給樓主，透露樓主的女友最近經常在「啊哥」家中過夜。樓主表示女友以前都習慣一星期在「啊哥」家中過夜一至兩夜，所以樓主不感到奇怪，沒想到原來當時女友去得好頻繁，甚至一星期去足5晚！
契爸﹑契媽揭發女友出軌！
一星期後，契爸更打電話給樓主，表示最近在屋企的垃圾桶發現有安全套。樓主形容當下「腦袋一片空白，其實契爸講嗰下我唔係好信，我心諗應該係兩老講笑啫」！
當晚，契爸更請樓主上到他家中，表示想跟樓主當面傾下計！誰知，樓主到達後，竟發現女友﹑女友的父母和「啊哥」都在場！女友和「啊哥」更跪在地上，目擊這個場面的樓主深感驚訝！契爸更隨即問樓主︰「啊仔，你想點處理？」
樓主因一原因當場痛哭？
樓主形容自己當下「原地喊咗出嚟」，更指「我唔係因為女朋友同啊哥而喊，我係因為兩位老人家而喊」！樓主解釋指︰「其實佢地絕對可以咩都唔理，比我地年輕人自己處理」，但契爸知道樓主的性格不會採取任何行動，只會慢慢淡出，「契爸覺得敢做敢當，佢覺得錯就要認，打就要企定，所以先幫我去教訓佢地」！
當晚，樓主只問了女友一句「點解」，女方一直表示「對唔住」，而「啊哥」則一直卸膊，「話係女朋友嘅問題」，而契爸隨即「一掌車埋去」，質疑「啊哥」事到如今依然卸膊！最後，樓主向契爸表示︰「你地想點處理就點處理啦 依兩個人已經同我零關係啦」，隨即就與女友分手~
網民激讚契爸﹑契媽！
樓主的慘痛的經歷掀起網民熱論，有網民讚揚樓主的契爸﹑契媽好好人﹑懂得明辨是非，不會偏袒親生仔，認為經過呢件事之後樓主跟兩老相處會尷尬，但失去咗仲可惜！
網民質疑父母介入子女感情？
不過，亦有網民質疑唔明白父母點解要介入子女的感情，覺得奇怪！亦有網民反駁其實並沒有對錯之分，「只係有家教同冇家教嘅問題，家有家規，有啲屋企人覺得專一好重要」~
無論如何，都希望樓主可以盡快走出情傷，向前行吧~
Text：Girlstyle Editorial
Photo Source：抖音﹑微博﹑小紅書@方媛Moka﹑郭富城
延伸閱讀：
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
