有錢媽媽對未來新抱擁高要求！唔啱心水會逼分手！港女嘆：嫁入豪門唔簡單！

不少人認為嫁入豪門的女生可以享盡榮華富貴，成為少奶～不過，現實生活中，嫁入豪門可能並非易事！近日，有女生在Dcard討論區發文，憶述有錢同事對於囝囝女友的要求，不禁思考究竟做有錢人的新抱到底是甚麼感受，引發熱論！

樓主憶述，返工時認識一位有錢媽媽，對方表示囝囝帶女朋友回家一定要靚同識打扮，更指：「如果唔係，見佢行出行入都督眼督鼻」！

有錢媽媽又表示就算家中有請工人，但囝囝的女友都一定要幫手洗碗，更認真表示：「如果個女仔唔啱佢心水一定逼佢哋分手」！

聽完有錢媽媽對未來新抱的要求後，樓主不禁好奇「呢啲仔知個呀媽咁高要求會有咩反應」！又質問：「如果個女朋友比較窮，或者比較樸素，係唔係就會同個女仔分手？」而女仔又應不應該放低自我，來迎合奶奶的口味？

樓主續指，「我覺得生在有錢家庭都無得自由戀愛都幾慘，不過呢個可能只係我窮人思維嘅諗法，可能有錢仔本身都唔會睇得起啲窮女仔？」

網民認同嫁入豪門唔簡單！

樓主的發文掀起網民熱論，有網民認同嫁入豪門當然唔簡單！表示除了樣要標緻、好生養、無重大黑歷史、背景正常、達大學學歷、識衣著打扮外，說話還要得體！網民認為女生如果立志要嫁入豪門，當然要迎合奶奶，但如果純粹為真愛，咁就可以繼續做自己～

網民：富二代眼光隨時高過呀媽？

又有網民分享與富二代前度拍拖的經歷，表示他們其實自小已經知道屋企好有錢，識女朋友時，就算未到媽媽個關，佢哋自己都識做！

不過，亦有網民認為要視乎不同的家庭，「其實都係睇人嘅性格，未必個個咁睇重呢啲嘢」～

Text：Girlstyle Editorial
Photo Source：劇照、Dcard

延伸閱讀：

港女IG打卡，追求者半小時後出現 希望再續前緣？樓主警世：離開左個地方先好po story！

港女因放假遲起身惹未來奶奶不滿！表面關係良好，原來暗地裡講新抱壞話？