王浩信Ｘ唐詩詠組CP無得輸！劇中8招暖男甜蜜必「撒」技，直陷不懂撒嬌的港女都表示好冧呀！

TVB劇集《不懂撒嬌的女人》成為了全城話題！而戲中暖男王浩信(飾演Saving) X100分女友唐詩詠(飾演Cherry)組成嘅CP絕對無得輸！劇中8個暖男甜蜜必「撒」技，直陷不懂撒嬌的港女都表示好冧呀！

暖男必「撒」技1: 未做情侶就已經處處為Cherry著想

「賤Han」帶埋小三進駐Cherry同佢當時合買嘅新居，真係睇到全城人都嬲！不過有暖男係佢身邊開口鬧爆賤HAN，仲為佢出謀獻策趕走衰人，未成為情侶，就咩都為佢著想，又點會有女仔唔心動丫！

暖男必「撒」技2: 「我話過攬你就攬你，我Saving做得到先講得出！」

天呀！聽到有個暖男對著你講哩句說話，再堅強嘅港女都一定會冧到爆啦！暖男為咗幫Cherry，自己一個搵賤Han傾，最後一向慳家嘅佢都願意用最珍惜嘅錢買咗賤Han嘅半份業權！其實有賤HAN做對比，絕會更加突顯出暖男嘅好！

暖男必「撒」技3:  係台南大樹下表達心跡，超浪漫愛的告白！

暖男同Cherry講緊自己愛情過往時，就突然順勢同Cherry黎咗個愛的告白：「你知唔知你訓覺時有少少鼻鼾聲，我覺得好可愛，令我好想保護你，我諗哩種感覺就係叫做有FEEL...」當佢講緊哩返說話時，仲全程都唔敢望Cherry，有啲怕羞但又大膽表白嘅個性完全無得輸！

暖男必「撒」技4:  用手臀為Cherry擋太陽，仲要同時俾Cherry挨著訓覺

哩件事真係唔知世上會唔會發生呢？（笑）不過其實好多女仔睇完暖男哩招，都真係大讚Saving係百分百好男人！

暖男必「撒」技5: 願意不惜一切去補償返前度

哩種有情有義嘅男友，真係絕種嘅好男人呀！暖男同前度阿凝走到去要結婚嘅階段，但佢選擇咗悔婚，為咗償返俾佢，就儲錢為去咗美國留學嘅阿凝交學費！雖然悔婚、浪費咗人地青春哩個行為，真係會覺得扣哂分，不過之後都願意盡力彌補返過錯，都係一種貼心嘅表現！

暖男必「撒」技6:  一吻定情，曖昧感覺最令人心動

暖男同Cherry唔相信對望5秒後會有野發生，所以就一齊對望5秒測試下，最終就係一吻定情，完全睇到一眾不懂撒嬌的港女都心動！

暖男必「撒」技7: 「我蝕(走光)唔緊要，最緊要你唔好蝕（走光）」

Cherry發現暖男聽到自己講嘅野後，怕醜到未拉好裙嘅鏈就即刻走，暖男見到驚佢蝕底，就攬著條浴巾，追到9條街提坐緊小巴嘅Cherry拉返裙鏈，唔好走光！咁完美嘅護花使者去邊度搵～

暖男必「撒」技8: 了解到Cherry心思，仲自彈自唱表白

琴日兩人嘅愛情線就講到暖男Saving係辦公室拎著結他大玩自彈自唱<陪着你走>，同啱啱返辦公室嘅Cherry勇敢表達心意，仲用「西瓜論」作寓意，向Cherry承諾會做一個有承擔嘅男人，令到兩人關係即時大躍進，成功組成辨公室CP，開會時都仲要係枱底下拖手，真係睇到一眾不懂撒嬌的港女都表示好冧呀～

Source: Google/TVB cap screen