【選擇權】

【選擇權】

Bloggers 專欄
By on 21 May 2017

29+1。。你睇咗未?
電影好睇與否好個人化
結論係套戲帶咗啲咩信息比你

人。。最緊要活得開心
開心又係咁過。。唔開心又係咁過。。
呢個係一個選擇!咁點解唔選擇前者?
擁有正能量嘅人。。永遠臉上掛著笑容
而呢個笑容無言中感染到身邊嘅人
當你被人嘅言行舉止影響嘅時候。。有冇諗過其實你都可以影響到人?

曾經同朋友有以下對話
朋友: 點解你可以成日都笑?
我: 唔通成日喊好?
朋友: 見到你嬲都變唔嬲,唔開心都變開心,你好感染到人
我: 咁咪好囉!做朋友嘅。。就係互相感染。。發放正能量。。最緊要開心嘛

當然。。我係人。。唔係神。。

我都有感覺,我都會有唔開心,但通常都唔會表露喺人面前,自己知咪算囉,無謂要人陪你苦嘛

曾幾何時我唔係成日比人話每日都黑口黑面又目露凶光?!
當不斷聽到有人同你講: 你好串/你好惡嘅時候。。我當然繼續“我有我性格”。。
笑?有乜好笑?痴線㗎?無端端笑乜春?
我係咁串㗎喇。。你咪唔好同我講野囉!
然後再擺出一副“生人勿近”嘅姿態。。
當呢個模式跟隨我無數歲月嘅時候
久而久之。。就會發現自己成為“絶緣體”
然後經過一年嘅時間去自我反省
局勢逆轉乾坤。。已經轉換成“導緣體”
當然。。我仍然係“我有我性格”
對咩人。。用咩笑容。。呢個係我嘅選擇?

image4

【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: girls@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girls.presslogic


Share to Facebook