UA-75313505-1
G-F8Z8Z7JGRZ
girls
CLARINS全新第9代DoubleSerum試用活動｜GirlStyle 女生日常
網友好評心得
MoMo
36~40歲
女
最困擾我既肌膚問題係毛孔粗大及鬆弛,隨著年齡的增長,毛囊缺乏支撐令皮膚彈性減少,容易令毛孔顯得更粗大,而粉刺更是幾乎所有人都會面對的問題為了令肌膚無毛孔無粉剌望落滑一滑,所以我每日都會塗粉底液同粉底化個厚妝先敢返工,因為真係無勇氣素顏見人,點知有一日早上因為鬧鐘無響,所以攪到唔知醒,但係又有個緊急會議要開,一定唔可以遲到,所以只好9秒9刷牙洗臉沖出門口飛的返工,諗住返到公司先化妝,點知一返到公司,所有高層都已經係會議室準備開會,而我又未化妝點算好,唯有死死地氣入會議室,點知一踏入會議室,老細就話"清潔姐姐,我地而家開緊會,唔駛你清潔住"所有人都同一時間望住我真係勁尷尬,我行埋老細身邊講聲早晨..見佢目定口呆甘望住我,從佢既眼神睇得出佢終於知道我係佢秘書而唔係清潔姐姐😅...個日之後佢叫左我入房,神神秘秘甘俾左個大紙袋我,原來佢買左Set名牌化妝品同護膚品俾我😍,話有效收細毛孔同護膚,仲問我攪個乜d皮膚毛孔又粗又大甘鬼殘,仲入吩咐我一定要好好護膚,最後就叫我以後一定要化好妝先至好返工😞..原來因為無化妝既我真係似個清潔姐姐😭😭😭
免費體驗第9代Double Serum
渴望擁有全新第9代Double Serum嘅原因因為我要努力對抗開始衰老既皮膚產品以革命性「水+油」雙效配方,水油黃金比例剛剛好,因為我的肌膚係乾燥肌,所以一年365皮膚都係乾乾的,由其有幾年冬天肌膚乾到嚴重甩皮,塗很多精華素都好似唔夠滋潤,後來先知道肌膚係欠缺油份,而Double Serum塗上後好像給皮膚貼上一層保護膜,瞬間被肌膚吸收之餘膚質也即時變得光澤再塗上面霜鎖緊水份及油份,這樣便可以加長保濕時間同效果以有效減淡,虎紋,額頭位置既乾紋,質感輕盈滋潤而不油膩,更有效提升緊緻同彈性,修復外來環境造成的侵害令肌膚得到全方位既保護時時刻刻都保持水潤光澤,期待全新第九代雙萃精華 Double Serum既效果比之前既Double Serum更好幫我全面抗老修護讓肌膚比昨天更見年輕
Gigi Chau
41歲以上
女
每逢轉季，天氣變得忽冷忽熱，時而潮濕時而乾燥，在這個時候最困擾我的莫過於敏感問題，乾燥、泛紅、痕癢等問題經常出現，情況令人非常困擾！
原本我的皮膚是很健康很好易保養照顧的，但不知道為什麼一過了25歲以後,皮膚狀況感覺真的大不如前，這樣還沒關係，但卻不知道甚麼原因，我的皮膚竟慢慢走向「敏感」這條路 。
皮膚敏感是一直是轉季時最困擾我的問題，若不是敏感肌膚的人或許沒有太大的感覺，否則的話一定會有所共鳴，每次受外界環境影響時，泛紅、痕癢、脫皮等統統出現，日常生活亦大受影響，單是面對乾燥和痕癢問題，忍受半天都覺得痛苦，而最主要原因就是肌膚不夠強壯，防禦力不足以致容易敏感，所以對我來說選擇能有效保濕舒緩的產品相當重要，曾經試過好多市面上的護膚品大都未能滿意，當中也浪費唔少時間同金錢。
CLARINS的Double Serum賦活雙精華是一款專為壓力肌而設的修護精華，有效修護日常壓力帶來的各種肌膚問題，能一夜調整肌膚狀態，喚醒肌膚自我修復力量，最近還升級至第九代，升級版功效比前代更勝一籌，它最吸引之處是能從肌底改善膚質，强化肌膚屏障，由內而外徹底調理肌膚，讓肌膚從易敏變強健，為肌膚打好健康基礎，從根源改善肌膚敏感問題，相信有咗CLARINS第9代Double Serum賦活雙精華，我都唔需要再為敏感而煩惱，以後都可以平安渡過每一個轉季的日子！
完全顛覆了我對油的先入為主想法
這個Double Serum賦活雙精華是一款半油半水的精華液，起初一聽見是「油」，第一個的反應係會不會好油膩？但當我親身試過這個精華後，才發現它比我想像中輕薄易推，完全顛覆了我對油的先入為主想法！
塗在面上，感覺保濕度即時大大提升，當然初時會有點油，但過一會皮膚吸收後已經沒油的感覺，摸上去感覺皮膚軟軟嫩嫩，Feel 到塊面滑咗，肌膚變得水潤嫩滑、透亮得來好有光澤感，夜晚睡前用到朝早起身感覺塊面仍然好柔軟！而最貼心的是它可以根據肌膚類型、需求及喜好轉動壓頭來調整用量，使用起來會比較易掌握份量，在每次塗抹護膚品時，我都會配合10分鐘按摩，先搓熱雙手，利用掌心的熱力，幫助肌膚吸收，同時促進血液循環、加速新陳代謝，吸收效果更理想！
用到大概1星期，明顯感覺肌膚變得緊緻透亮，整體膚色都因膚質改善而均勻亮澤起來，毛孔亦因補水和調節水油平衡而變得細緻水潤，看起來肌膚都變好，皺紋都減淡了，可說是全方位提升肌膚質感，最值得一讚的是它擁有極佳的親膚性，敏感膚質亦可安心使用！
Zoe
31~35歲
女
踏入30歲後肌膚抗衰老能力愈來愈低，加上香港人生活壓力大，有番工無收工，加速皮膚老化。用過Clarins Double Serum後皮膚明顯變得緊致水潤，有效抗衰老，外表顯得更年輕。
Clarins double serum 第9代版本
今次試用Clarins double serum 第9代版本，之前一直都有用開，今次轉埋新包裝，外觀上更可愛。
夏天時一直用開輕盈版賦活雙精華，今次試用賦活雙精華第9代，開頭用2泵會覺得比較油，之後轉用一泵，份量就啱啱好。
香味方面，依然好聞，帶點花香味令人感覺好舒服。
質感上比輕盈版厚身，比較潤。輕按上面，好快就吸收了。
試用7日後，皮膚感覺有比較水潤，透亮有光澤，面部皮膚緊致左比較有彈性。
Jsly
26~30歲
女
青春期時出了很多暗瘡，不懂得護膚，直到畢業後出嚟工作，學會化妝，慢慢開始懂得怎樣正確潔面、補濕，早幾年，朋友介紹我用Clarins，令我願意選用Clarins的原因是因為 Clarins的產品孕婦都可以用的，孕婦都可以用的，適逢現在計劃懷孕，能夠在懷孕期間，也不需要轉換護膚品，這是非常好的👍🏻
懷孕因為荷爾蒙影響，皮膚質素會變差，幸好遇到Clarins,無論是面部肌膚，甚至身體護膚，Clarins都一應俱全，我不需要再轉換其他品牌護膚品了。
最近知道新出了第九代的皇牌double serum,，希望藉着今次機會，能夠試用，自己本身已用了幾年第八代double serum, 皮膚質素，真的有改善，特別是因年輕時的暗瘡導致毛孔粗大等問題，這幾年真的慢慢修復了，我也會繼續一直使用這品牌的護膚品😊
值得回購精華之一👍🏻
好開心第一次參加GirlStyle的產品試用活動，就被抽中使用自己一個很喜歡的品牌Clarins❤️Thank you so much🥰
適逢最近Clarins新推出第九代double serum，本身自己也是Clarins的fans🤣 經朋友介紹，用了Clarins踏入第3年👍🏻
當初知道這個品牌成份天然，適合敏感肌，連孕婦也用得，令我很放心咁用佢地既產品，尤其是現在踏入輕熟年紀，不能再好像以前十幾廿歲只用保濕產品，現在要開始使用一些抗皺、去斑、滋潤的產品。
本身自己年輕時不懂護膚，導致出了很多暗瘡，令到依家毛孔粗大，造成敏感性皮膚，普通洗完面，也會很容易紅，更不用說去做facial 每次做完吸吸機，都會紅晒敏感，所以現在寧願用多少少錢，買好一啲嘅護膚品🫶🏻
一開始接觸Clarins，就是買了第八代Double serum, 尤其依家好hit「以油養護」，只要使用有質素的精華油，便不會令到皮膚過度滋潤而出暗粒，Clarins的double serum就做到呢點，夠補濕而不笠，足夠秋冬乾燥時使用，而輕盈版都好適合夏天使用🫶🏻
今次第九代double serum加入了法國巨型蘆葦，有效中和100%源自生活習慣造成的肌膚表觀老化跡象。
使用手法：
以按壓形式上面，然後用排水手法，由下巴推上面部，令精華更能讓皮膚吸收👍🏻
亦可以配搭粉底或其他功能精華一起使用🫶🏻
想獲得提拉效果 - 集中抗老：將一滴賦活雙精華混合V輪廓緊緻精華使用。
想打造明亮肌膚 - 加倍活氧：將一滴賦活雙精華混合透亮光感淡斑精華使用。
想擁有光澤肌膚 - 瞬間美肌：將一滴賦活雙精華混合絲滑透薄精華粉底液使用。
附上第一天洗完面的皮膚狀況，是毛孔粗大，感覺有點缺水。
清楚看到double serum泵出嚟時精華和油是分開的，流動性非常高，所以做到潤而不笠🫶🏻上面前，必須將兩者混合及在雙手和暖後，便能在面上按壓，令使皮膚吸收❤️
使用第七天，實測clarins精華油不會令到皮膚出暗粒或暗瘡，而且潤而不笠。做到減淡皺紋，緊緻拉提，透亮光澤，細緻毛孔。
有些小tips：如想於化妝前使用double serum，必須讓肌膚完全吸收，才能上妝👍🏻
Meo
41歲以上
女
自從Covid-19出現至今，我長其戴上口罩，兩邊面頰、整個鼻、下巴的皮膚都出現不同程度的問題：
1. 被口罩覆蓋的皮膚嚴重出油，油脂分泌令鼻翼長出大量粉刺；有時帶上口罩後會聞到油脂發出的異味；
2. 面頰兩邊經常與口罩磨擦，皮膚出現泛紅的痕蹟，毛孔也變得有點粗糙；
3. 面部出現膚色不均勻情況，前額明顯較深色；
4. 為了控油，洗面較頻繁，也因此皮膚越來越乾，即使有再塗上慣用的護膚品，
也感到皮膚狀況大不如前。
5. 為了滋潤皮膚，使用質地較厚的護膚品，令皮膚好像穿了盔甲那樣「重」，也更易令毛孔閉塞而生暗瘡，得不償失。
有日，突然有客人上來公司拜訪，基於禮貌我也把口罩脫下。天呀，我整塊面都是油光，又來不及去洗面，真的好尷尬。
口罩後遺症
長期戴口罩, 令面部出現好多問題, 兩邊面頰因口罩磨擦, 肌膚出酒, 且變得粗糙泛紅, 鼻翼及下巴也出現好多粉刺, 沒完沒了, 只要鼻上油脂戴上口罩, 就會聞到鼻上的酒脂氣味, 超嘔心, 為了去油, 就用洗臉GEL, 用吸油紙, 結果令皮膚越來越乾, 毛孔也越來越大, 為了急救毛孔, 用了些比較水滋潤的面霜, 結果適得其反, 令毛孔截了而生暗瘡。
使用了Double Serum 第9代, 肌膚有明顯改善, 面上常自帶一層光甚, 在往後幾天, 發現毛孔也變得細緻起來, 啖啖清香聞起來讓人很舒服。這支Double Serum質地較以前薄, 輕輕一推, 就能推勻整塊面, 沒有以往那樣Heavy的質感。
Ellena Ng
41歲以上
女
日常生活中，最令我困擾嘅肌膚問題是肌膚容易缺水，以致經常出現外油內乾的現象，因此最需要全效的補濕產品來解決各種缺水「危肌」。
即使在夏日的濕度雖然未及秋冬季般乾燥，但經常大量排汗、長時間處於室內冷氣環境或經常進出室內外而出現溫差變化，都會讓肌膚輕易流失水分，令肌膚缺水問題嚴重，所以無論春夏秋冬四季都需要做好保濕鎖水工作。
本身屬於混合性肌膚，T 字位容易出油，兩頰卻比較乾燥，再加上每日長時間處於辦公室內工作，室內的冷氣往往把肌膚水份抽乾，令乾燥缺水問題更加嚴重，容易出現乾燥、粗糙、敏感等不穩定的「危肌」狀況，而外油內乾的情況更日益嚴重，因此最需要一個產品能夠為我做到全天候補水鎖水，而全面性的保濕工作絕對是護膚首要的，而我希望將這方面交比CLARINS第9代Double Serum賦活雙精華幫我全天候Back Me Up！
CLARINS第9代Double Serum賦活雙精華以2：1 的[水+油] 黃金配方，揉合21種高效水溶性及油溶性的修護植物萃取，能極速修復肌膚，只需1泵的份量，肌膚水潤光澤感即時秒UP，瞬間重拾細緻彈嫩肌，同時又化身鎖水磁石，達致72小時鎖住肌膚水份不流失，只有它能夠滿足我缺水肌膚的需要，讓我可以moist住渡過來每一個的春夏秋冬，為我肌膚送上最貼心的呵護！
質感、效果各方面表現都相當出色
這個賦活雙精華是用過的抗皺精華中，無論在質感、效果等表現都相當出色，絕對值得大家去試！
精華液是以[水+油] 黃金配方而成，呈淡淡黃色，水油質地，聽落比人感覺好似好油膩，實際上相當輕盈，而且出奇的好推，只需輕輕在掌心搓勻，高效水溶性及油溶性的成分將轉化成絲滑質感的精華，推開後觸感水潤柔滑，感到肌膚即時得到滋潤，塗抹後吸收得好快，感覺好保濕而又一點都唔黏笠，薄薄一層已經迅速滲透肌膚，單塗已經感到皮膚好水嫩，一點都唔乾，說實在這個質感非常合我心意，我一向不喜歡一些像水般的精華液完全沒有感覺，也不愛Gel狀或乳液狀的精華液般黏笠感，而這點我不能不大讚這方面做得出色。
最重要是用後即時肌膚即時變得嫩滑，很彈潤，好有光澤感，這令我經常忍不住一直在摸自己細滑的面龐，夜晚睡前用直至朝早起身，塊面仍然感覺好柔軟。用了大慨一星期感到皮膚變得緊緻嫩滑有彈性，而皺紋也逐漸減淡，明顯覺得塊面皮膚緊緻咗，感到沒有之前咁鬆弛，短短七天內能夠得到明顯改善，達至淡紋緊緻、提升彈力、收細毛孔、高效保濕、細緻肌理、強化肌膚屏障及美白亮膚，效果比想像中快速和明顯，至少之前用的產品也沒有達到這麼的效果，特別是淡紋緊緻效果相當出色，絕對值得一試！
Kelly Lee
26~30歲
女
年紀開始增長，已經唔會再好似以前咁修復咁快，同埋工作時間長，容貌開始出現疲態，幼紋，令到外貌跟實際年齡已有相距！
超有驚喜 新一代更優勝
連續使用CLARINS第9代Double Serum賦活雙精華14天後，肌膚質感明顯改善🤩🤩🤩肌膚會變得更明亮有光澤，👁️眼既細紋位都有所改善，肌膚看起來更加平滑。這款精華比起上一代更加容易吸收，保濕💧得來又唔笠，真係咩天氣都咁適🈴🫰🏻
Celia Y
41歲以上
女
自己一直係油性皮膚，特別係T位毛孔有D粗大，會畀人油立立、唔够乾淨嘅感覺。有次跟朋友一齊去做facial，個美容師全程喺度話我皮膚有幾差、平時點解唔注意保養、黑頭咁多又唔處理等等。。。叫我多啲去做清潔，開多幾個course，又話你咁係唔夠嘅，要做多啲保濕、提亮、去黃、收毛孔、抗皺等等。我當時覺得佢咁樣講，令我既尷尬又冇曬自信，我自己知自己事，其實皮膚係遺傳性油質，本身就已經有啲難處理，再加上自己細個嗰陣，唔太識護膚用咗錯誤手法去處理油份和黑頭，令皮膚一直都冇改善到！當時我冇同美容師爭辯，因為覺得佢講嘢誇大咗，自己冇佢講得咁嚴重，所以一直搵緊能夠自己處理返皮膚問題嘅方法和好嘅產品，希望呢支CLARINS第9代Double Serum賦活雙精華，可以幫到我改善皮膚，可以比以前美麗、重拾自信！
Clarins第9代Double Serum賦活雙精華
十分幸運被抽中試用CLARINS第9代Double Serum賦活雙精華, 喜愛佢擰蓋設計, 方便易用.
每次兩泵就够全面, 味道清新方香, 一抹即融，迅速滲入肌膚底層，零負重感嘅護膚體驗.
用左7天, 覺得肌膚緊緻, 去黃, 透白，顯著收細毛孔!
特別喜歡佢糅合眼部精華同眼霜, 有效減淡皺紋，緊緻眼周肌膚.
Momo
31~35歲
女
越來越相信女人過了25歲，皮膚狀況開始變差這個魔咒！ 現在30歲頭，但是皮膚狀態越來越差，失去的彈性，浮現的細紋，難祛的
斑點，還有日漸鬆弛的皮膚狀態！基本上是不敢素顔上街，因爲
皮膚年齡與生理年齡極不相符!有時因爲工作休息不足，第二天的
狀態更差，化妝也不能改善疲態，寧願帶著口罩遮醜！用過不少
產品效果都不顯著，是進來最困擾我的問題！
CLARINS第9代Double Serum賦活雙精華30m
第一次使用Clarins這個品牌的產品，對於賦活雙精華可說是久仰大名，在網上見到很多人使用，也是很多護膚達人必入手的一款精華！很開心今次可以一試賦活雙精華的魅力！
因為真正使用時間不算長，大概一星期多一點，但整體效果說得上滿意！使用感上很不錯，塗在皮膚上容易吸收，保濕力不俗！能夠撫平皮膚粗糙感，摸起來膚感有變得細膩。最大的改變應該是可以有助提亮膚色，令泛黃的膚色得到改善！
我相信持續使用可以令皮膚變得更好，會考慮購買Clarins其他產品配搭使用，期望令皮膚狀態越變越好！
Emma
26~30歲
女
最困擾我的肌膚問題係黑頭，毛孔粗大。可能係細個時不恰當地擳暗瘡，又冇用收縮水，太陽好曬又唔塗防曬，令到毛孔愈來愈大，加上進食唔節制，皮膚又係混合性肌膚，令到情況每況愈下。那時，連鏡都唔敢照，令到自信心低落。
幸好，大個女，知道毛孔變化的原理，就識得要保養，著重保濕同清潔，因為依2樣野係最基本，也是最重要的。每次都唔想擳佢。若真係要擳暗瘡，都會熱敷10分鐘，再開始擳，然後立即用收縮水同冰敷。最緊要係每日面部清潔，唔同部分打圈10下，然後每星期2次做深層清潔，1次做peeling，然後隔日敷mask。另外，每日不論室外室內，都會塗防曬，同進行物理防曬。依家都唔太飲甜野同牛奶。粗大毛孔少左，黑頭少咗，令我自信心返左來。
回復信心，照返鏡的我
首先要感謝Cosme 邀請我試用「Clarins 賦活雙精華」。我相信，只有一件產品係好的，就會不斷創新，令到件產品由好，變得完美。
而依支第9代賦活雙精華，主要針對抗老化、減淡皺紋、收細毛孔、緊緻提拉。令皮膚透亮光澤，更細緻。之前錯誤擳黑頭，令到毛孔粗大，又留有印，加上對於日夜返工不定時，肌膚又不再年輕的我來講，就是一救星。法國使用新科技，新研究，使用EPI抗老逆時科技，萃取法國巨型蘆薈中的物質，能激發細胞治瘉再生，100% 抵銷生活對皮膚的蹉跎與歲月嘅痕跡；薑黃激活肌底物質傳播，令皮膚殘留的廢物，快速排出。仲有其他20種植物萃取精華，幫助提升抗老化、提亮、收細毛孔功效。令肌膚輕熟嘅我變得更年輕。
我早晚都會使用。因為會開冷氣，所以早上pump 一下，晚上pump兩下。pump 出嚟時，有淡淡香味。睇上去有2個不同物質，好似水油混合物。但塗上面上質地輕盈，一推開易於吸收，不會感覺油膩，感覺好似冇塗過野咁。
另外，運用Clarins獨創使用方法：使用排水手法，以指尖在兩側面頰、前額和頸部兩側分別按摩3次。再用手掌心溫度一邊暖full 面部，一邊聞住香味，感覺身心都得到沉澱、放鬆。
使用後肌膚能立即感到緊緻左，保濕效果明顯提升。持續用左差唔多兩星期，毛孔感覺細左，冇咁明顯。另外肌膚的膚色變得更加均勻，亮度有所提升。之前留有的暗瘡印，都減退咗唔少。使用差唔多兩星期，就有這樣的成果，我深信，若果持續使用數週，數月後，細紋和皺紋都會減少好多，達致抗老化的最佳成果，信心都返左來。
Cherry Cheung
31~35歲
女
一個最令我困擾的肌膚問題是皺紋。這個問題影響我的生活日常之小故事是隨著年齡增長及不良的生活習慣讓我面上開始出現皺紋，無情的歲月逐漸在我面上留下痕跡，儘管我依舊是娃娃臉，卻出現與其不相配的皺紋。往日我總自豪自己比年紀更小的同事們的面上更少皺紋，現時我卻不敢再暗地裡取笑她們了。以往我踏進投注站或澳門賭場時，總會被保安攔截並要求出示身分證來核實年齡而使我沾沾自喜；現時可是再也沒有被攔截的機會，憑著我面上的皺紋而前路暢通無阻，我可懷念從前經常被堵截在入口的時光。可惡的皺紋讓我看起來衰老不少，與比我年長兩歲的丈夫走在一起時總被誤會成年齡相差數年的姊弟戀而被投以懷疑的目光，更遑論是日常被小孩子稱呼作姨姨了。縱使我的衣著顏色再鮮豔，光是面上的皺紋，也未能讓我成功裝嫩裝年輕了。皺紋這傢伙讓我徹底地暴露真實年齡，同時與年齡增長成正比，化妝也於事無補，總不能何時何地也戴著帽子、太陽眼鏡和口罩來自欺欺人吧，可見皺紋對我影響深遠，更影響我的生活日常了。
有誰還未使用CLARINS第9代Double Serum？
儘管歲月催人老卻不等於我要被動接受現實，也許面上隨著年齡增長而出現肌膚衰老的跡象，我卻能使用CLARINS第9代Double Serum賦活雙精華來回復青春。它有別於一般抗衰老的護膚品，只能在某方面達到效果，反之是一款全方位的產品，有效使肌膚重回嫩滑細緻、減淡最讓人顯老的皺紋、緊緻提升鬆弛的肌膚、收細憑肉眼可見的毛孔、提亮暗淡無光的肌膚等等。我尤其喜歡它的清爽質地，毫不黏膩，是一種不會使人抗拒的質感，加上其適合各種肌膚使用，完全不怕不適合自己的肌膚類型而出現敏感或暗瘡等不適，亦容易推開，瞬間被肌膚徹底吸收，以確保其到達肌膚底層，還為我帶來補濕鎖水的驚喜效果，大大提升妝容在極端高溫的天氣下的持久度。那些便宜但欠缺效果的護膚品往往是最浪費金錢，然而，這一瓶多功效的CLARINS第9代Double Serum賦活雙精華反倒值得我一直花錢回購，畢竟它果真能帶給我肉眼可見的效果及名副其實為我的肌膚賦予活力且回復年輕。一款護膚品能持續進步至今並推出至目前的第九代版本，可見其功效顯著，也深得用家們的喜愛。要逆轉肌膚年齡，我信賴CLARINS第9代Double Serum賦活雙精華。
Anne
31~35歲
女
我嘅皮膚屬於係敏感加水油不平衡，而水油不平衡好容易導致生痘痘，毛孔粗大等各種問題，試過用市面不同嘅控油去痘產品，企圖改變膚質，但係往住一用完即時感覺好控油，點知朝早一起身都係油光滿面，有種外油內乾嘅感覺，再吾係就因為化學成份太重，搞到皮膚敏感，塊面成日又紅又痕。
而且香港空氣污染情況好嚴重，有時無啦啦出出下街塊面會又紅又熱，搞到啲人以為我發燒，或者以為我見到佢地就面紅，好似成日面紅怕羞咁！
Clarins Double serum
年紀大左, 發現皮膚比年輕時更容易敏感, 好易紅同痕, 生完暗瘡啲紅印又好難退, 而且皮膚底層好似越嚟越乾，水油平衡度更差。一路都好想試護膚油, 但係好多都會太油, 皮膚好似吸收吾到咁, 跟著就會搞到我爆暗瘡。直至我用左CLARINS賦活雙精華, 佢入面雖然有油份, 但質地好薄, mix埋佢入面嘅精華, 滋潤保濕度好足夠, 但吾會太油, 夏天我只用佢, 吾洗用cream都ok! 用完第二朝, 皮膚出油情況仲少左。用左一段時間, 皮膚有光澤左, 同埋無之前咁易敏感面紅, 啲暗瘡印都淡得快啲, 水油平衡度好左,整體膚質都有改善。
KK
31~35歲
女
最困擾我的肌膚問題應該係面上有好多細紋，成日俾人誤會比真實年紀大好多！
每次我同家姐一齊出街，啲sales雖然睇得出我哋係兩姊妹，但每次都以為我係家姐，真係好鬼尷尬……😢
好希望試吓用Clarins第九代Double Serum改善吓皮膚問題！
最近大愛嘅Double serum❤️誠意推介～
只係用咗CLARINS 第九代Double Serum賦活雙精華短短一星期多啲，keep住日日早晚用，皮膚亮澤度顯著提升！🆙
本身塊面好容易出油同生暗瘡，即使用住有水油配方嘅Double serum都唔會覺得油膩，仲可以自己較大細用量，十分之貼心～皮膚感覺水潤飽滿，話咁快就吸收晒！😍
最令我驚喜嘅係佢提拉效果超強勁，d虎紋、眼尾表情紋通通減淡哂！連困擾我多年嘅眼袋都縮細咗，成個人望落精神咗好多～❤️
睇嚟遲啲要入手埋CLARINS 賦活精華眼霜 2 In 1一齊用，逆轉時光power DOUBLE up🙌🏻
Bee
36~40歲
女
最令我困擾嘅肌膚問題係滿臉細紋既皺皮問題。做Sales嘅我日日返工戴住口罩都要擠出笑容，一笑見到我啲魚尾紋就算戴住口罩都知道我係真誠待客啦，可惜成日笑搞到魚尾紋、笑紋、虎紋日趨嚴重，人未到三十歲就比人稱呼做「阿姐」。加上捱夜多令肌膚缺乏彈性同佈滿皺紋。我好幚肌膚進行大逆齡，燙平煩人嘅皺紋，全面緊緻提升肌膚，抹走歲月痕跡，搵返電燈泡滿佈光澤又細滑嘅肌膚啊！
CLARINS Double Serum賦活雙精華
CLARINS第9代Double Serum賦活雙精華30ml能幫我肌膚抗皺，令我唔使成日滿面皺紋。質地水盈柔滑，擦上臉後輕推就很快地被皮膚所吸收，而且輕透清爽，不會為肌膚增加負擔，皮膚好像即時飲飽了水，你會感到皮膚變得水潤，用咗佢差不多2個星期一段時間，原本皺皮淡了不少。我相信長期使用就能keep住緊緻。
Little Lemon
31~35歲
女
我最困擾嘅肌膚問題係皮膚乾燥。每到冬天，乾冷嘅空氣令我嘅肌膚變得特別緊繃，甚至出現脫皮。記得有一次，我參加一個同學聚會，原本好期待可以同朋友們聚一聚，但因為皮膚太乾，面部出現咗好多細紋，令我好唔自在。
聚會嗰日，我特意早啲化妝，希望可以遮掩住乾燥帶來嘅不適。不過，當我見到朋友們一個個皮膚光滑、神采奕奕，心裡更覺得自卑。聚會期間，我不斷用手撫摸自己嘅臉，因為感覺到皮膚好癢，根本無法專心享受同大家嘅聊天。
回到屋企，我開始尋求改善方法，試過唔同嘅保濕產品，甚至改變飲食，飲多啲水。漸漸地，我嘅皮膚開始改善，唔再咁緊繃。雖然冬天仍然會有乾燥情況，但我學會咗點樣去應對，唔再畏懼社交場合。
呢段經歷令我明白，保養肌膚好重要，因為健康嘅肌膚可以影響我嘅自信心。最終，外表嘅瑕疵唔應該阻礙我享受生活。
轉季必須品❤️
我好開心參加咗Clarins Double Serum嘅試用活動。當我收到呢款第九代Double Serum時，第一感覺係它比之前嘅版本更適合拎上手，樽底圓圓的，好得意！同埋而家無蓋，成件事更加環保！👍
身為乾肌，踏入9月皮膚變得愈黎愈乾，重有d 位置甩皮。🥺用新一代嘅Double Serum 只需要簡單一泵到底，就岩岩好夠全面使用。😊
同上一代相比，呢款Double Serum明顯吸收更快，而且濕潤感同保濕效果更明顯！連續使用一個禮拜，我嘅毛孔變得更加細緻，原本好乾嘅皮膚變得滋潤有光澤，上妝貼左好多！皮膚質感亦提升咗，脫皮嘅位置亦都平滑返。最開心係當中嘅油分無令到我生暗瘡或者出粒粒。❤️
我會形容Double Serum 係轉季時嘅必須品，新一代係各方面表現都比上一代更出色（上一代已經好好用），相信keep 住用效果一定更加好！✌🏻
Venus
26~30歲
女
新年前仲因為連續幾星期OT，啲皮膚又乾🍂又痕，面紅紅仲有少少甩皮，攪到一副殘樣出席朋友婚禮。
出發前，諗住化妝遮下醜💄，點知因爲皮膚太乾上唔到妝，攪左一輪，化完都唔貼，自信心跌到落零完全唔想出門。
殊不知到現場，撞正中學時期嘅男朋友，打招呼後，佢同我講塊面污糟左，我去照鏡抹啦，點知原來我甩緊啲皮屑，嗰時直頭瘀到冇朋友！
最慘係完左婚禮後，我啲皮膚太乾🍂加埋化妝品啲化學🧪成份，我睇醫生先好返😭！完全係「人財兩失」💸😂！
一支多功能性精華！
最近天氣又濕又熱，突然又轉涼熱返，肌膚頂唔順就好似我咁敏感泛紅，搽咩精華面都被針拮咁。
好彩今次有呢支第9 代CLARINS全新賦活雙精華，一按泵足以塗抹全面。只要輕輕手心搓勻水油精華，按摩面部。
翌日已經冇泛紅，十幾日之後，佢好似修復咗我D粗大毛孔，眼下方細紋都減淡咗，膚質柔軟咗。
早上用佢都唔因為有油份而滿面油光，可能佢好快吸收到皮膚底層。連6字頭媽洣都話想用，用完都大讚買支size放屋企長用！不禁讚嘆係一支任何年齡都適用嘅多功能性精華！
青春肌定熟女肌，還是初老肌...都可以買支30ml試下，相信會我一樣想即刻加單買75ml特大裝放屋企備用！
Grace Yeung
36~40歲
女
因為要照顧家庭又要返工，所以me time時間只有係夜晚！每晚睇Netflix 睇到唔想訓，第二日又要一早起身返工，返到屋企又要照顧家庭，日復一日！皮膚可想而知有幾差！暗黃係肌膚年齡的殺手，真係好需要瓶高效的好幫手，令我肌膚回復青春！網上評價高的clarin精華，真係好想試用！
效果顯著
首先感謝獲邀參加此體驗，連續使用六日以及每次配合短片的排水按摩方法，明顯感覺膚色有光澤，毛孔感覺也有逐漸收窄，而且獨特的香味使心情放鬆，精華的滲透力也很強，皮膚可迅速吸收，並不會覺得有有黏立感！
WY
41歲以上
女
年紀漸長，從前嫩滑的肌膚開始出現細紋，拍照的時候尤其明顯，好多時都要美圖一下才放心上載至社交媒體 👉🏻👈🏻希望Clarins全新賦活精華能夠改善我的肌膚狀況，減少細紋，令我可以輕輕鬆鬆即拍照即上載 😜
高效雙精華
原本皮膚有明顯的細紋和毛孔，使用Clarins全新 賦活雙精華後帶來驚人的蛻變，皮膚變得滑嫩又透亮的狀態，值得推介！
Wing
31~35歲
女
最困擾嘅肌膚問題係過咗「29+1」皮膚急速老化，皮膚鬆弛，虎紋一紋老10年，毛孔大到嚇親人，攪到喪屍咁嘅樣，見客化妝越嚟越厚。想apply升職位都唔敢，前排仲比上司叫休息多啲，個樣好攰！
1️⃣第9代有法國巨型蘆葦＋薑黃萃取，幫我緊緻肌膚，提升輪廓，猶如擁有混血兒的深邃輪廓，輪廓sharp啲，公司影大合照都冇有怕！
2️⃣ 佢可以keep 住皮膚24小時#水噹噹同有光澤，望落 #零毛孔， #嬰兒肌膚一樣！
3️⃣ 幫我慳返facial錢！佢係 #神級急救精華 ，放工唔得閒去做facial都唔洗怕！啱曬我呢啲大忙人 ，放工幾夜都可以自己屋企為肌膚 #補水 ，#重拾亮麗肌膚，光滑肌膚從此擁有！用完後，唔洗成日去做Facial，#慳返啲錢買靚衫！ 訓醒第二朝，肌膚細緻又晶瑩剔透🌟，老闆見到我素顏都唔會嚇到走😂，神采飛揚返工， #升職加薪 實有機！
從相學上，光澤飽滿嘅面相有助提升運程，隨時新年利是都逗多幾封🧧！工作見客順風順水，事事如意！
精華不斷upgrade! 肌膚同時upgrade!
唔經唔覺Clarins嘅皇牌精華已經去到第9代，完全感受到佢不斷改良為肌膚帶嚟嘅好處！
新包裝，一唧已經二合為一，仲可以調較份量，非常方便！
我呢啲麻煩肌膚，兩頰乾到毛孔盡現，T字位又易出油，太油潤又會爆粒粒！
佢嘅水油比例非常好，縱然最近忙到毛孔大到化妝都遮唔住，用一晚已經第二朝見到毛孔收細曬，上妝好貼服！
第二朝用佢，佢都好快吸收，之後搽粉底液都絕無擦膠碎！
最緊要係中午T字位冇泛油，忙到冇時間去補妝都冇有怕！
一星期左右，皮膚明顯感受到緊緻咗，乾紋Bye Bye!
用前膚色唔均勻，比較暗啞，毛孔都比較粗大，面頰冇咁脹卜卜！
用後皮膚富有光澤感毛孔細咗，膚色透亮咗，兩邊面頰都唔脹卜卜咗！
加上佢嘅香氣有種令人好relax嘅感覺，晚上搽完佢特別好瞓！
旅行想影靚相都要帶埋佢飛！
dada
31~35歲
女
受住天氣又乾又濕既環境，皮膚長期處於會起敏感嘅狀態真係幾困擾，唔知有冇人試過指甲輕輕一刮﹑頭髮輕輕一碰，皮膚就即時紅同敏感？我無誇張，仲要係一紅，用乳液都未必可以即時有效停止敏感落去，特別係轉季，乾與潮濕之間徘徊，皮膚每分每秒都處於一個「未知之數」既恐懼當中。有時個敏感幸運地可以用lotion或抗敏面霜降到紅，有時搽乜都控制唔到呢啲突發性敏感🫣。有次出街上妝時都好地地，出到去見到成班好耐冇見嘅朋友食食下飯塊面突然好敏感，當下勁無力，因為無望鏡都感覺到皮膚開始局部漲起而且發熱，個熱力會好驚令粉底局部溶咗，衝去廁所搵遮瑕膏遮一遮都暫時性遮到個紅但遮唔到個凸🙈🙈。點遮都遮唔住😌，有時敏感位置仲要唔只一個位置🥲，如果唔係要見人一敏感就寧願戴返口罩，有時lunch食飯都寧願帶飯，去個廁所都要戴叔個口罩廢時嚇親啲同事🥲，但經常性戴口罩又會俾同事問係咪唔舒服。唔化妝皮膚狀態好差見唔到人，化妝又會遇到浮粉問題，頭頭碰着黑嘅感覺很不好受😵💫 敏感真係為我帶來大量既煩惱！
穩定膚況好物推介
呢期皮膚因轉天氣而敏感泛紅，有紅點粒粒敏感瘡仔，膚色好唔均勻暗暗沉沉，毛孔都變得粗大，（圖一）、好彩粉底都遮蓋到咁嚴重嘅泛紅問題，亦好幸運得到girlstyle嘅試用clarins第九代賦活精華去急救一下皮膚。呢款精華升級之後注入嶄新EPI抗老逆時科技及稀世植萃 可以100%中和由生活習慣造成嘅表觀老化，精華質地輕盈唔油膩，同舊版精華一樣嘅經典香氣，上面後可以感受到精華滲入基底非常舒服，用完第二日（圖二)睇到皮膚整體膚色均勻咗好多，紅印痘痘都冇咁嚴重，毛孔有輕微細咗啲啲。再用多一日（圖三)，皮膚泛紅淡咗7成，紅印少左好多，毛孔明顯細緻咗，皮膚更顯得通透，頭3日令到整體皮膚都得已經有好大改善，用左第9日，皮膚整體變得穩定，冇再泛紅﹑敏敏瘡仔﹑膚色都變返白淨，毛孔細緻，肌膚猶如重新一樣，好滿意今次體驗！
Janjanpole Sept 2024
41歲以上
女
一個常常困擾我嘅問題一般都係乾，薄，所以容易敏感，所以肌膚需要特別護理，用的產品需要溫和不可以刺激因為本身有玫瑰痤瘡底，濕疹底！但嘗試過這精華覺得適合的皮膚喜歡他😉😉🤍不刺激👍
Seven days after 😉😉
隨着年齡，皮膚會變得薄乾容易敏感，皮膚較脆弱！使用了Double Serum 有改善👍由於水油平衡皮膚變得滋潤👍由於亦較溫和，沒有強烈的香味，所以我的較弱皮膚亦適合使用！相片中只是用了數天的效果，期待持續使用皮膚會變得更穩定！thanks Clarins 💜
Suye Choi
31~35歲
女
我嘅皮膚問題係皮膚開始出現下垂，法令紋開始深，輪廓開始模糊，面部看似浮腫鬆弛！如果有節日聚會連住由朝去到晚就由其明顯，個樣睇落會好攰同影相時會好明顯，皺紋、缺水、暗啞等老化問題出晒嚟跌晒Watt，後生時就話塊臉漲卜卜好似充滿氣嘅氣球姐🎈但當變咗輕熟女空氣就開始漏走！
其實皮膚老化都幾影響日常生活，有次約小學受學去間新開嘅餐廳食飯，餐廳裝修得好靚，特別係啲射燈打落枱面好有feel，但當我坐低嗰陣，我突然間感覺到朋友嘅目光集中喺我塊面度😳 原來係啲射燈打落佢塊面度，將我平時見唔到嘅皮膚問題全部都照到出晒嚟😭 皮膚凹凹凸凸唔平滑就算啦，連帶啲法令紋都好明顯咁暴露咗出嚟，朋友問我呢幾年返工係咪好chur？我覺得好尷尬，成晚都忍唔住遮遮掩掩😖 食完飯之後，我即刻衝返屋企照鏡，先發現原來自己嘅皮膚真係鬆弛咗咁多！我開始驚咗出街食飯，就算出街都要搵啲燈光柔和啲嘅餐廳😔 加上下巴線條唔再咁緊緻，連笑起上嚟都覺得無以前咁靚，以前成日笑住同人打招呼，而家反而開始避開同人eye contact，影相嗰陣亦唔敢用以前鍾意嘅角度📸 成個人無晒自信，連Instagram都無咩更新，皮膚鬆弛真係影響咗我嘅自信同生活質素。
皮膚鬆弛突然間成為我嘅社交殺手，殺我一個措手不及，我都希望正面面對呢個問題，因為以前我護膚多數都係注重保濕同美白，但其實優質嘅皮膚除咗膚色同質感外，仲要抗老先有年輕健康嘅吸引力～所以想試用CLARINS第9代Double Serum賦活雙精華🙏🏻
係初期嘅抗老好選擇！
首先個瓶口設計到可以精準取量，仲有鎖定功能，唔使擔心會浪費同污染，可因應肌膚及個人感覺而增加/減少份量～
我亦好鍾意佢嘅2:1黃金水油配比，因為流動性同吸收力都好強，精華係橙色嘅水油狀，質地輕盈得嚟唔厚重，仲好快入到肌底，而且唔會好笠，唔會堵塞毛孔起油脂粒，對我呢啲油性肌膚都冇負擔。另外精華帶有淡淡香味，用後心情都好啲！
我每日早晚使用，配合埋按壓手法，用完即時會見到肌膚更有光澤，膚色感覺亦越見透亮～keep住用咗一排，兩邊面額毛孔都收細咗，化妝覺得更貼服之外，一整日在外都無咩出面油或者浮粉情況出現，最驚喜連法令紋都好似變淺咗，成個感覺緊緻不少，係初期嘅抗老好選擇！
BonBon
41歲以上
女
皮膚鬆弛是最令我困擾肌膚問題,因為年紀愈來愈大,再加上日常生活少不免接觸紫外線,紫外線穿透至皮膚真皮層, 加速肌膚老化和肌膚的膠原流失,令我容易出現苦紋而顯得衰老,而這個問題亦令我面相上亦顯得不夠福氣及氣息上不夠好,而為了吸收更多膠原蛋白,我平日已經餐餐食多食用蛋及綠葉蔬菜,可惜效果依然不明顯,更令飲食習慣變得好單調。
「水+油」黃金比例的雙效配方初體驗
很高興有機會試用CLARINS 全新第 9 代賦活雙精華,感受一下「水+油」黃金比例的雙效配方的威力!
CLARINS 全新第 9 代賦活雙精華含有多種植物萃取,令精華本身充滿植物的清新香氣,而輕輕一按已經可以按出水、油雙精華的合適比例,用手指輕輕一推,雙精華已經完全混合,用雙手以按壓的手法將精華塗上面後,精華已經快速地被肌膚完全吸收。當皮膚吸收精華後,令我本身因缺水而略紅及暗啞的肌膚亦變得有光澤,而且肌膚表面好似有層保護膜,保持著滋潤的質感。
持續使用7天後,肌膚滑左又滋潤左之餘,連平時易出油脂粒的額頭T字位亦沒有再出油脂粒,改變了我一直怕用有油份護膚品的習慣,感受到以植物油護膚的好處。
Chole
36~40歲
女
最令我困擾嘅肌膚問題係塊面啲紋愈來愈多！原來皮膚老化唔係老人家先會面對，連我都要面對了，因為我生活節奏極快，皮膚都跟唔上腳步！作為打工仔，成日OT到深夜，日日對住電腦，仲要成日食外賣。每日望住鏡都覺得自己慢慢變老咗，皺紋愈嚟愈多，連笑都唔敢大力笑，驚皺紋會更加明顯😰當中法令紋就最令我苦惱，因為感覺面頰鬆弛咁，一笑紋更明顯及深！點化妝都掩飾唔到年齡嘅秘密，而且唔似其他種類皺紋可以遮掩、如額紋可用瀏海髮型遮掩，眼紋可帶眼境...
本身我份人由細到大笑點好低，咩都會大笑一餐，笑到朦晒眼嗰種，搞到眼尾都咀兩側都有很深嘅法令紋，依家一笑就飛晒出來同你say Hi！加上年齡漸入中年，下巴肌肉鬆弛，法令紋更明顯，即時個樣都老左幾年，街坊細路同我打招呼叫我Auntie！最深刻有次老細開會講咗個爛gag，想笑又唔敢笑，驚皮膚一笑就現形😂 其實真係唔係唔比面，係係怕皺紋暴露年齡🙈
所以話皮膚老化真係煩，成日令我喺人前都戰戰兢兢。笑又唔得唔笑又唔得，搞到好似成日黑臉神咁生勿近😠 但係咁樣唔開心，皺紋更加多喎！其實皺紋係人生必經階段，最緊要係保持心境年輕，笑多啲開心啲，皮膚都會靚啲～不過都係要注意護理下皮膚啦！用適合嘅PRODUCT都可以令皮膚慢啲老化，最重要係希望唔洗再因為驚皺紋而唔敢笑，老細嘅爛gag值得笑住捱過去🤪
大大減底浮粉問題！
隨著年紀增長，覺得時間飛逝，慢慢覺得自己好似唔再後生！皮膚保養嘅步驟更加唔可以偷懶喇。一支好用嘅精華係好值得投資！就好似呢支Clarins Double Serum 賦活雙精華，係最全面抗老修護精華，能令肌膚保持住年輕狀態！
Clarins Double Serum 賦活雙精華呈油狀質地，好易就推開，推開無耐已被迅速吸收，感覺就好似為肌膚添上一層薄膜般保護著皮膚，即時感到滋潤，真心唔錯！我嘅用法係先潔面及爽膚水軟化肌膚，然後搓熱雙手，再用一泵份量嘅 Double Serum喺掌心輕輕搓開，輕輕按壓喺面上，直到完全吸收。
連續使用後，肌膚變得水潤光澤、緊緻有彈性，膚色更為均勻，如果細緻啲睇，會見到額頭細紋乾紋明顯減少，鼻頭粗大嘅毛孔亦縮細咗唔少，早上起身肌膚無泛油無繃緊，上妝容易咗好多，慳返啲時間。日常仲可將精華混入面霜或粉底液使用，即時滋潤肌膚同時令妝容更貼服，大大減底浮粉問題。
Yen
41歲以上
女
隨著皮膚膠原和水份流失，從前簡單擦點口紅便外出的我，現在每天都要多花時間作妝前修飾，減少上妝後乾燥和細紋的出現。我期望Clarins新推出的雙賦活精華能夠令我重拾水油平衡的膚質，讓我可以輕輕鬆鬆打做水潤妝感。
一步到位的雙精華
這支Clarins賦活雙精華，輕鬆令肌膚達至水油平衡，增強肌膚防禦及修復能力，讓肌膚水亮飽滿，令肌膚乾燥、皺紋及水油不均等，迅速消失，是值得回購的產品。
Kathy
26~30歲
女
踏入30歲，肌膚開始出現細紋，皮膚都開始鬆弛，而毛孔多越嚟越變得粗大。肌膚初老的問題令到肌膚吸收護膚品的能力亦逐漸下降。每天化妝出門的時候，亦因皮膚問題，底妝而變得比以前沒有那麼貼服，未過半天已經會浮粉。
double serum 7天使用用後感
用完Double serum 明顯皮膚充滿彈力，而且第九代都比過往版本更易吸收。雖然使用七天是一個很短的時間，但是感覺毛孔沒有以往粗大，亦令後繼的化妝品更易吸收。
這段時間早上化妝時，也覺得皮膚比較貼妝，驚喜到很高。
Yuen
26~30歲
女
我日常覺得最困擾係細紋、皺紋、法令紋，即使好努力用盡保濕，都無補於事。化妝就會唔堆顯露哂出黎，現哂形！呢啲都怪我自己有不良壞習慣，例如：側身訓、托頭之類～好想改善皺紋方面，因為睇落會老左好多！
抗老去皺好幫手！
多謝邀請我試用CLARINS全新賦活雙精華～首先講吓呢個泵裝，可以好好咁控制份量，唧出嚟係有淺啡色同埋透明嘅精華。精華嘅質地流動性唔算好強，我將兩個精華Mix埋一齊用手心搓開先至再上面。用後覺得精華好易推開同易吸收唔黏笠。用咗七日之後，覺得皮膚彈性好咗好多，而且面上面嘅毛孔都有改善，細紋減淡咗，尤其是法令紋嘅位置。我去咗一間品牌專門店做皮膚測試出嚟個效果我都好滿意。尤其係皮膚細緻度方面嘅表現好好算好高分！我會keep住用呢支精華，推薦大家使用
Vicky
31~35歲
女
多謝Girlstyle同Clarins!!❤️
好開心第一次參加GirlStyle的產品試用活動就被抽中，多謝Girlstyle同Clarins!!❤️
平日我一直為油光問題所困擾，番工到午後，額頭開始現油光 (圖一) 所以特別期待這次的試用效果。
第1次使用時，對這款精華的雙瓶設計印象深刻。按壓後混合的質地清爽不黏膩，推開後很快就能吸收，不會在臉上留下任何負擔感。使用後皮膚即時呈現水潤感，非常舒適自然☺️
連續使用3天後，明顯感覺到肌膚油脂分泌得到改善，特別是額頭和鼻子等容易出油的部位。到了第5天，觀察到毛孔似乎變得較為細緻，素顏的膚質尤其是額頭看起來更加通透有光澤 (圖2使用前，圖3使用後)
使用一週後，最驚喜的是即使沒有使用任何粉底或遮瑕產品，膚色也變得更加均勻，整體氣色明顯提升。9月份香港天氣仍然好熱，即使整天在外，臉部依然能保持清爽，油光明顯受控。最重要的是，這款精華完全不會造成毛孔堵塞，反而讓肌膚變得更加健康有彈性😙
作為一個素顏愛好者，這7天的使用體驗讓我非常滿意。Double Serum不只解決了我的油光問題，更提升了我的素顏質感。推薦給所有想皮膚有健康光澤感的朋友，這款精華確實能帶來明顯改善！
Helen
36~40歲
女
令我驚艷的CLARINS Double Serum
好多謝你地送贈的產品 , 起初對CLARINS Double Serum產品的名字嚇怕，當中主要成份係水 + 油 , 而我的皮膚比較油，易於敏感，容易起粒粒或者生暗瘡。
參透呢枝水油精華背景 之後 , 發現原來大有來頭，含有天然、柔合22種植物萃取成分 , 有效令肌膚變得緊緻﹑細嫩，有效撫平皺紋 , 重拾肌膚光澤，膚色更均勻透亮，顯著收細毛孔。
當一pump上手 . 水油分配相應份量 , 搓匀之後 ，用掌心熱力按壓在面上 ，初初有點油，但經過推及按壓後， 皮膚慢慢吸收，面上沒有"忟忟緊" 既感覺 , 感覺頓時充滿水份，柔軟飽滿 , 而且沒有無油膩感 , 同時也可以推出毛孔的污糟物 , 一舉兩得呢
現在已用左2/3 , 剛好達入寒冷天氣 , Double Serum 滿足晒我多個願望(延緩老化痕跡 , 改善皮膚質素 ) 而架埋少少睇，都覺得毛孔都細膩 , 減少左搽不同產品係面上，自然荷包💰同皮膚的負擔細左，產品又能擊退" 攰" "老" "殘" 態，達到WIN WIN 雙贏 😍
Ka Yi
36~40歲
女
推介解決乾肌問題
我係乾性的皮膚, 踏入轉季時節, 皮膚開始變得更加不穩定同乾燥。女性過咗25歲後身體修復機制會開始衰退,膠原蛋白亦會開始流失,原本緊緻既肌膚逐漸失去彈性而變得鬆弛下垂 。「CLARINS全新賦活雙精華」含有21種高效植物萃取成分，令我敏感皮膚可以穩定下來,每天都沒有泛紅和痕癢的困擾, 皮膚更亮澤水潤😘 而且更有助再生美顏機助肌膚去黃抗衰老，從而喚醒肌膚活力，修復我受損的、不健康的肌膚，全面提升肌膚緊緻度，減淡皺紋，令肌膚回復緊緻，重現輪廓。令我脫離塞爾維亞做黃面婆行列，幫我完成擁有透光緊緻肌的夢想😘
【Clarins 第9代Double Serum 全新賦活雙精華試用活動】活動條款及細則
GirlStyle 女生日常為是次活動之主辦單位(下稱「主辦單位」)。
主辦單位於活動時間內提供免費產品試用(下稱「活動」)。
活動日期由2024年8月28日下午6時正開始 至2024年9月27日晚上11時59分結束；活動分三階段進行，分別為申請試用、入選公布、產品試用及提交試用心得。
申請試用：
2024年8月28日下午6時正 至 9月4日晚上11時59分
入圍通知：
2024年9月6日或以前
產品試用：
2024年9月7日 至 9月27日
提交試用心得：
2024年9月27日晚上11時59分或之前
若參加者未有按上述指定日期及時間內提交申請及相關資料，則未能成功參與是次活動。參加時間以本專頁伺服器後端記錄之遞交時間為準。
若參加者未有按上述指定日期及時間內提交申請及相關資料，則未能成功 參與是次活動。參加時間以本專頁伺服器後端記錄之遞交時間為準。
產品會經順豐速運寄出，可填寫工商/家居地址/順豐速運收件站點，如因偏遠地區𧗠生之額外費用會由順豐直接向收件人收取。
參與活動即代表你同意本活動之條款及細則。
如有任何爭議，GirlStyle 女生日常會保留一切最終決定權。
主辦單位會按參加者是否符合是次試用的資格，而揀選合適的試用者。獲選的參加者將收到電郵確認。
每位參加者只限參加活動一次，如發現重覆申請的參加者會被取消資格而不作另行通知。
閣下同意無償、無限期及不可撤回地授權及同意主辦單位及有關商戶（以下統稱「獲授權機構」）於獲授權機構及其關聯公司的任何社交平台/網站/年報/刊物/產品宣傳品中，播放/刊登/轉發閣下分享的試用心得(包括上載的文字、圖像及短片)以及閣下同意公開閣下的個人資料和相片，作為是次活動及獲授權機構日後的其他宣傳用途(不論以任何時間、媒體、形式及於任何國家/地域)。
報名參加活動時，資料必須清楚填寫及真實正確，並且不涉及未經同意的第三方資料，否則閣下的參加資格將被取消，如引致主辦單位、獲授權機構及/或任何第三方權利或利益受損，閣下應負一切相關責任。如主辦單位無法透過所提供之電郵、電話或Whatsapp與閣下取得聯絡，或無法透過所提供之郵寄地址成功送出試用品，閣下則被視為放棄論，試用品將不會補發。
試用品不可轉售、轉換或兌換現金。所有試用品之圖片及短片只供參考，一概以實物為準。主辦單位非試用品供應商，故不對任何試用品之質量作任何保證，及不會就任何試用品之內容及信息的準確性、有效性或完整性作出任何聲明或保證，亦不承擔任何直接或間接引致的責任。在任何情況下，閣下須自行決定閣下或相關人士是否適合使用試用品及評估相關風險。閣下豁免主辦單位對閣下及相關人士因參加試用活動或試用品所引致的任何不適、疾病、傷亡及損失之任何法律責任(不論任何原因)，以及放棄任何有關權利、索償及追究行動，但獲香港法例保障不得卸除或局限法律責任者除外。
本活動的試用品，寄送地區僅限本港地區。
閣下(如獲選為試用者)必須在指定期間進行試用，以及按指示提交試用心得。閣下若未能在指定期間內提交試用心得，將被列入黑名單，喪失參與其他試用的資格。
閣下提交的試用心得（包括文字及相片）必須為原創內容，如有違反，將被列入試用中心黑名單。抄襲內容如引致主辦單位出現任何損失及損害，閣下必須負上賠償責任（包括但不限於法律費用）。
主辦單位有權就試用心得內需要修正的內容 (例：品牌產品名稱有誤或錯字等) ，在不變更內容的範圍內進行修改後公開，恕不另行通知參加者。
如因網絡、技術、駭客入侵或不可抗力的理由，而導致任何損失或延誤，主辦單位不負任何法律責任。
閣下須留意手機數據用量及費用，主辦單位不會對此承擔任何責任。
閣下同意遵守活動之規則、安排及相關條款。如有違反，主辦單位可取消閣下参加資格，所產生之損失及損害，閣下須負上賠償責任（包括但不限於法律費用）。
閣下所提交的個人資料只供主辦單位跟進活動之用。在未經閣下的同意下，本公司不會使用閣下的個人資料，或向任何其他第三者披露閣下的個人資料，以達致直接銷售的目的。
如發現有任何欺騙、駭客破壞或不當行為，包含但不限於提供虛假資料，或撰寫和分享的內容涉及誹謗、辱罵、宗教、歧視、淫褻或不雅、色情、脅迫、騷擾、商業宣傳、提供有損主辦單位商譽或形象、政治性或非法的資料，或侵犯第三方權益（包括但不限於知識產權、隱私，不論任何地方）之言論，主辦單位有權取消閣下的參加資格而毋須作任何解釋及賠償。如引致主辦單位出現任何損失及損害，閣下必須負上賠償責任（包括但不限於法律費用）。
主辦單位有權在適用法律所允許的限度內隨時撤回或修改試用活動內容及試用品，恕不另行通知。
主辦單位可隨時對本條款及細則作出修改而毋須另行通知。如有任何爭議，主辦單位擁有絕對及最終決定權。