【21世紀經理委屈逸事】

番工，唉！

邊個話管理層就鐘意番工，我其實都不過同你一樣，係打工既！

近排 Car 姐好頭痕。

有同事做錯野無 solution 都算，我有責任去補鑊。

但佢出事後又話病又唔番工，番左工喺我面前就死哂，喺我後面就開心玩哂咁。喂！大佬呀！我放左針?實你架喇，你唔好當我低能得架！

最慘係你連扮吓出力解決問題場戲都唔做比我睇，果吓令我堅著火喎！

其實，管理層唔係你地諗得咁風光。

除左執屎，Car 姐成日都有啲辦公室委屈，你又知多少？

光纖年代，而家啲同事係變左用 whatsapp 告病假既。

OK，Car 姐唔係變態，病假我OK既。但我希望同事d message 可以nice d。

一句「發燒要請病假」，完！

無上款無唔好意思無唔該，何其精簡有氣勢。

我不得不屈服啦，仲敢出聲？

另外有一次，同事B番工掂行掂過，視我如無物。

我半講笑半點寸咁話「呀！講吓出晨好喎」

「我有喎」佢反駁

「我聽唔到喎」我反擊

1分鐘後，聽到拍打 mouse，攞紙巾聲。

我已經估到喇，佢發脾氣！

身為一個高佢4級既管理層，我下馬威，行去佢個位「做咩呀？發脾氣呀？」

「我覺得自己好委屈囉！」然後就見到呢個同事爆喊。

跟住我就要攪HR最鐘意叫人做既野 - 「傾吓」！

我下删一小時「傾吓」既對話......

好多人覺得佢地「呀姐呀哥」又衰又變態。

但唔太衰同變態既呀姐呀哥，你又有無珍惜過？

自問比起多年前初做經理既霸氣，我實在收斂不少。

大家都係搵啖飯食，比條路大家行得舒服啲丫！