大小姐幾時正式做宋太呀!大小姐當正自己係Philip仔媽媽,臨尾對望個眼神Sweet到痴線~

大小姐幾時正式做宋太呀!大小姐當正自己係Philip仔媽媽,臨尾對望個眼神Sweet到痴線~

Trendy 人氣熱話
By PressLogic on 12 Jun 2018

大小姐和送水輝每次上演《初戀無限Feel》都會令到觀眾爆笑!噚晚播出嘅《愛回家之開心速遞》再次有佢地嘅初戀套餐,不過今次初戀套餐唔係重點,因為大小姐今集就好似做咗Philip仔媽媽咁,陪佢去面試、搵學校!而大小姐同送水輝嘅感情亦都邁進一大步~

今集講到大小姐同送水輝玩《初戀無限Feel之失業篇》,輝Dee比人炒咗,而大小姐就不斷從旁鼓勵佢~本身仲係好溫柔嘅大小姐,一聽到途人話「接龍集團」係地產霸權、扼殺小市民就即刻變臉!

Screen Shot 2018-06-12 at 12.22.13 PM

喺《初戀無限Feel》入面扮窮嘅大小姐話要「慳得一蚊得一蚊」,但係又買咗「隔夜長島麵包」,唔連戲到連輝Dee都忍唔住出聲!

Screen Shot 2018-06-12 at 1.13.53 PM

之後突然收到Philip仔來電,原來Philip仔跑步好快,老師仲話只要悉心裁培就仲可以入到港隊添!但呢間學校因為著重培養學生品格,課外活動都只係得一種「道德研習班」,冇田徑隊令到大小姐對學校非常不滿!

Screen Shot 2018-06-12 at 12.24.05 PM

校長仲話因為Philip仔跑步跑到心散,要佢放學抄一次校訓先可以走~呢個時候大小姐就即刻反駁校長,幫Philip仔講說話,呢啲呀媽真係好好呀!!

Screen Shot 2018-06-12 at 12.30.57 PM

為咗幫Philip仔轉去名校,大小姐仲幫Philip仔搵咗好多課外補習班,但呢啲補習班太貴,連送水輝都要學德文去面試,令到送水輝要去秘撈先可以負擔得起~

Screen Shot 2018-06-12 at 12.38.47 PM

當大小姐聽到送水輝要做侍應送外賣,就去咗佢做嘢間餐廳,仲嘈起上嚟!送水輝仲要手指指鬧大小姐:「你做人咪就係咁囉,剩係活喺自己嘅世界入面,連做戲扮窮人你都要買一個成舊水嘅長島麵包!你知唔知窮人食嘅隔夜特價麵包係點㗎?」呢一幕可以睇到送水輝同大小姐之間嘅差距!

Screen Shot 2018-06-12 at 12.45.45 PM

鬧交嘅時候,送水輝仲要眼泛淚光,完全演出窮爸爸嘅心酸呀!但係呢段對話亦都可以令兩人更加了解對方嘅處境,彼此了解先係維繫愛情嘅重點呀嘛~

Screen Shot 2018-06-12 at 12.44.25 PM

其實當小編睇到呢一幕嘅時候,仲以為佢地會因為身份差距而遠離對方T^T不過都有觀眾話:「送水輝肯對大小姐發脾氣,即係開始唔當大小姐係客啦」

Screen Shot 2018-06-12 at 12.48.23 PM

好彩大小姐有參與之後Philip仔入學面試,兩人一個眼神就冰釋前嫌,大小姐仲真係好似做咗Philip仔嘅媽媽咁~

Screen Shot 2018-06-12 at 12.51.19 PM

佢地對望嗰個眼神真係Sweet到震!不如大小姐同送水輝快啲結婚啦,成班觀眾都頂唔順佢地咁Sweet啦~~~

Screen Shot 2018-06-12 at 1.02.58 PM

一班Fans仲喺林淑敏IG留言:「今集真係好甜好有初戀感覺,大小姐眼神充滿愛呀!感覺佢一定會係個好好的媽咪」、「今集大小姐完全當正自己係飛立媽媽,好錫飛立仔,同阿輝好似兩公婆,大小姐幾時正式做宋太呀?」

Screen Shot 2018-06-12 at 12.34.41 PM

仲有啲Fans話要推大小姐再次爭奪最佳女配角添,今年如果大小姐再次入圍,各位Fans記得要投佢一票啦!

Text:Girls Editorial

Photo Source:TVB


【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girls.presslogic

Share to Facebook