【賽後報告 (下) -Ironman 70.3 Taiwan Relay Team】

早一日嘅 Bike Check-in

驚完星期六嘅5150，哈，星期日呢場完全唔緊張，組左一隊全女子嘅接力，知道有機會衝獎，當然要盡全力啦~

之前一直都只顧住5150，其實都冇點睇過70.3嘅車路係點，但我知大部份都係平路，而且5150衝得好爽，好，set個target 3小時完成90K~

一早起身，去到轉項區，如常check下單車，整理一下行裝，就去落水區睇人落水，尋日嘅呢個moment，我仲極度不安，今日我就響度食花生

"水腳"雖然話佢游慢左，但其實都好快…

到我接棒，一拎車就著住lock鞋跑去上車區，起步好快，快到連錶都唔記得㩒……

私殺mode啟動~

過左大約8K，開始前後都冇咩人嘅時候，先發現自己未開錶…ar…

北行>U-turn>再返到到轉項站大約27K，再睇睇錶，計計數，嗯~52分鐘，on track wor~keep住先，唔知大家係唔係warm up左，過左呢個灣位，
個個都好似快左好多，不停俾人超車，冇左尋日嘅爽YY感覺，睇住人地明明都係大餅，又係中間嘅飛輪，踏頻都唔係差好遠姐，點解我咁慢嘅…
好有啱啱踏鹿頸嘅感覺，又係轉頭冇曬尾燈…..

咬住咬住，唔可以俾車群離我太遠!

我同自己講，唔好理人地，keep住自己pacing…keep住自己pacing…
默默地就踩到42K，咦…點解咁塞車嘅…咦…點解係上斜嘅….唔係平路黎咩…
雖然上斜，但係都有好多人超車，好，我又試下跟著先，坐下企下坐下企下，終於淆到上去，
之後嘅路就爽啦，終於可以俾我超車啦，因為落斜啦~

其實冇咁輕鬆law，不過...無獎都要有相 XP

去到58K左右，就係U-turn嘅位置，上少少就會見到第二個補給站，不過可能我遇上人群最多嘅時間，去到補給站冇志工遞Gel，大叫能量飲品，都冇人應到我，我亦都唔想停車去拎補給，所以最後是但拎左樽野，就繼續上路~
結果我係拎左樽水…

睇睇時間，2:05…慢左10分鐘…心裡面好急，好想追返多d時間，不斷踩，不斷踩，頭先落得好爽嘅位，移家就要上返去，車群又漸遠，望一望一望無際嘅海洋，喂丫，頂埋佢啦~
keep住密密腳，耷低頭，踩踩踩，太陽愈來愈猛，加上有d感冒，愈踩愈頭痛，好想快d返去！

密密腳，耷低頭，踩踩踩

最後10K用大餅踩到尾，追返隊尾嘅尾燈，呢個時候，就見到好多裁判不斷穿梭，O…臨尾幾K不斷捉犯規，我都唔敢太貼車群，繼續ITT到終點

最後1K，未落橋已經除定鞋，準備掉車，未試過踩到咁攰，不過最後交棒，唔係唔衝丫，落地照舊推住車跑曬成個轉項區，係咁叫讓一下，後面唷，唔知係唔係好有氣勢，老遠嘅人都讓俾我

單車上面除定鞋，可以減少轉項嘅時間

衝線啦！

最後3:14’12″完成~雖然比目標慢，但都算PB ar~

交完棒之後，我就即刻搵個樹陰躺，狂飲水，食返d野，終於回返魂，真係好鬼熱…
終點嘅食物好好食，全部都係一d台東特色食物~

休息夠就返去終點前等埋"跑腳"返黎，一齊衝線~

多謝我嘅接力腳，令到我嘅收藏品裡面多左Ironman嘅獎盃，我相信以自己嘅能力，練多幾年都係唔會拎到嘅，有幸成為其中一隻腳，有幸可以連賽成功~

我嘅隊友~

第一次踏上Ironman的頒獎台~