出道28年個樣完全冇變過！童顏女神唐寧11個經典角色，你又最鍾意邊個？

近日因為TVB嘅《蘭花刼》播出，而令到劇中飾演蘇菲一角嘅唐寧再次彈起，成為咗大家心中嘅童顏女神，事實上，唐寧8歲就出道，出演過唔少大大小小嘅電視劇同電影，唔知以下唐寧曾飾演嘅11個經典角色，你哋又記得幾多呢？

1. 《縱橫四海》(飾幼年紅豆)－1989年

唐寧8歲時就因為參演咗經典電影《縱橫四海》，喺劇中飾演小紅豆深得大家鍾意，所以當時電影播一出街，佢就被封為最可愛嘅童星，細個仲被發哥欽點為「小機靈鬼」！

2. 《戇夫成龍》(飾凌彩蝶)－2002年

而喺當年大熱劇集《戇夫成龍》中，唐寧就飾演咗一個性格柔弱嘅溫室花朵，唔識艱難世故，喺個無機心、無主見、容易受人唆擺嘅純真少女！

見到佢後來係劇中嫁入豪門後，學做人媳婦，就要受盡白眼同刁難，當時都有瞪佢唔抵呀！

3. 《戀愛自由式》(飾游穎Rain)－2003年

最青春嘅角色絕對喺唐寧喺《戀愛自由式》飾演過游泳了得、性格倔強嘅Rain一角，當時一身健康嘅古銅膚色唔單止迷到男仔，連女仔都大讀唐寧係自然系美女呀！

4. 《大唐雙龍傳》(飾師妃暄)－2004年

而最最最為人熟悉一定就喺佢於《大唐雙龍傳》飾演仙氣滿滿嘅師妃暄，當年的確有唔少少男都被佢哩個角色迷倒，無論舉手投足都盡現女神特質！

而家要搵返哩種清新脫俗嘅古裝美人都真喺唔容易，TVB已經買少見少啦～

5. 《天涯俠醫》(飾夏曉晴)－2004年

喺《天涯俠醫》入面換咗一個清爽短髮look，俾到人一種新鮮感，短髮仲突顯到佢精緻嘅輪廓～

而係劇中佢飾演嘅活潑開朗護士角色，仲鍾意做義工幫人，觀眾都好buy哩個正面形象，而係現實中嘅唐寧不時都會做義工，同劇中不謀而合，難怪吸納到咁多粉絲支持！

6. 《牛郎織女》(飾布喜兒（喜鵲）)－2005年

而喺《牛郎織女》飾演嘅喜鵲做造型充滿少女感，雖然冇師妃暄嗰種仙氣，但喺就多咗份可愛純真味道～

7. 《聊齋之小謝與秋容》 (飾小謝)－2005年

唐寧出演過唔少古裝劇，除咗師妃暄一角，小謝一角都被網民礐為最有仙氣嘅古裝角色之一，喺劇中無論造型、服飾都已經加哂分，再加上佢帶俾人一種清純感，真係好難令人會唔鍾意佢～

8. 《亂世佳人》(飾鄭月鳳)－2007年

而《亂世佳人》喺一套抗戰愛情劇，以20世紀30年代為時間背景，所以唐寧喺劇中造型會著旗袍，完全完美展現出古典美嘅特質！

劇中仲有好多動盪、混亂、屈辱嘅悲慘畫面，講述當時嘅歷史，又喺一套令人喊嘅戲！

9.《我的最愛》飾演呀蚊－2008年

唐寧其實飾演過嘅電影作品唔多，但係《我的最愛》所飾演呀蚊一角相信都令人留下過好深刻嘅印象，劇中一場精湛嘅喊戲，仲講出咗女人喺愛情上嘅共嗚，一句句令人直揪心嘅對白，真喺每睇一次都會想喊一次！

10. 《施公奇案II》(飾陸小蝶/陸小鳳/丁美人（六奶奶）)－2010年

而唐寧喺《施公奇案II》飾演嘅丁美人最初就以男扮女裝亮相，化名為陸小鳳，就咁睇都幾有白臉書生嘅氣質感～

後來佢成為人妻，成個造型都唔同哂，相比之前嘅少女路線，哩個的確增添咗唔少幾分成熟嘅女人味！

11. 《蘭花刼》(飾蘇菲)－2017年

而近期人人都一定熟悉嘅蘇菲一角，雖然套劇拍攝時間喺十年前，但都被網民大讚個樣同而家一樣，完全無變過，簡直喺完美示範咩叫真正嘅童顏女神呀！

睇完咁多個經典角色，真喺咩回憶都返哂嚟，唔知你哋又最鍾詫唐寧飾演嘅邊個角色呢？

Source：Instaram/TVB screen cap/Google