Lucas大個仔喇！張柏芝囝囝完美繼承超強大基因，盡得霆鋒CHOK樣真傳 ～

擁有男神女神謝霆鋒同張柏芝超強大嘅基因，大囝Lucas同細囝Quintus一直都係大家關注嘅對象～近日柏芝就帶住大囝Lucas去遊樂場玩，大個仔嘅Lucas愈嚟愈有星味，但唔少網民竟然話Lucas好似陳冠希！大家又覺得似唔似？

柏芝雖然生完兩個但仍然都係keep得咁好，不過亮點就落咗係大個咗好多嘅Lucas身上！有網民就話Lucas嘅神情同外型都同陳冠希好似有啲似......

小編都覺得只係角度問題啫！嚇我唔到嘅～

睇返其他相對比之下，其實Lucas絕對係同霆鋒係餅印嚟架，由其係笑起上嚟嗰陣時～

柏芝兩個囝囝Lucas就行型仔路線，細囝Quintus就行可愛路線，兩個都完美繼承爸爸媽媽嘅超強大基因，絕對係嬴在起跑線！

人仔細細嘅Lucas已經古露精怪表情多多，似足霆鋒一樣咁鬼馬！唔知會唔會繼承爸爸嘅「chok」同埋超哂班嘅廚藝呢～（笑）

細囝Quintus夠哂青靚白淨，真係好期待大個咗會變成點！

柏芝同兩個囝囝感情超好，為咗多啲同囝囝相處嘅時間都放棄咗好多演出嘅機會～不過可以見證囝囝成長真係無價嘅！

而柏芝亦都成日會帶兩兄弟一齊去玩，享受家庭樂～

雖然一直受到好多緋聞困擾，係大家眼中柏芝未必係一個乖乖女，不過就一定係一個好媽媽！

source: weibo、internet