whatsapp將推新功能！黃金時段5分鐘內可「撤回訊息」，以後唔驚喺群組出現錯group嘅尷尬情況啦！

唔知大家有冇試過WhatsApp時，因為一次過喺太多group講野，而唔小心發錯訊息比群組導致有尷尬情況出現？不過以後哩種情況都可以解決啦！有指WhatsApp將推超強「訊息撤回」功能，只要係5分鐘內發嘅訊息都仲有機會「被撤回」！

早前其實哩個功能已經係測試階段，但近日英國independent網站報導就話，撤回功能已經安裝咗喺目前iOS嘅2.17.30版本，只係暫時WhatsApp仲未開放畀大家用，但估計大家好快會受惠！

Photo from © Erik Tham/Demotix/Corbis

WhatsApp將推出嘅最新功能，無論係訊息、圖片、影片、GIF檔等，都可以有撤回嘅機會！用法好簡單，只要喺點按訊息來選取訊息，就會多咗一個「撤回」鍵，用戶可以選擇撤回就已經令訊息完全消失！

Photo from WABetaInfo

Photo from WABetaInfo

不過撤回訊息後，會出返「此訊息已被撤回」嘅字眼，所以其他人一樣知你曾經撤回過訊息

Photo from WABetaInfo

Android同iPhone用家用法有少少唔同！如果你係Android用家，可直接點按訊息來選取訊息，再按下 「選單鍵」，然後「撤回」就能把訊息刪除！而iPhone 及 Windows Phone 用家，則可直接點按訊息來選取訊息，再按下 「撤回」便可！

其實WeChat就一早已經有訊息撤回嘅功能！相信大家都一樣期待WhatsApp可以快啲成功推出，絕對會更方便到一眾「大頭蝦」嘅用家啦（笑）～

Source：Google/WABetaInfo/Whatsapp