從陌生尷尬變默契！《跑男》顏值擔當嘅陸地夫婦上線，節目中甜蜜互動小細節徹底被佢哋圈粉！

今個星期《奔跑吧 兄弟》第5季最後一集播出後，好多人除咗唔捨得迪麗熱巴嘅離開，最不捨一定就喺顏值擔當嘅鹿晗同熱巴所組成嘅「陸地夫婦」，鹿、迪喺節目中不斷派糖，每次見到「陸地夫婦」嘅甜蜜互動小細節，都即刻融化，徹底被佢哋圈粉了～

#圈粉01

從一開始互不相識，陌生尷尬擁抱，開始拉近小鹿同胖迪嘅距離～兩人第一次見面已經有種害羞感！

到第一集時，佢哋嘅甜蜜互動已經引起一些粉絲嘅關注！

#圈粉02

到後來第三集，應該係最令陸地粉尖叫嘅一集，小鹿同胖迪嘅心跳遊戲環節中，要喺5分鐘內用各種方法令對方心跳上升，心跳數值較低者就為之勝利～

鹿、迪首先都好冷靜咁相視而坐，後來小鹿開始使出殺手鐧，向胖迪溫柔摸頭、揭帽子、戳額頭等等招數，不過胖迪心跳依然比小鹿低！

到後來胖迪突然靠近小鹿臉龐，唔單止令小鹿臉紅心跳，就連一眾粉絲都跟著緊張起嚟呀！

到兩人十指緊扣時，小鹿心跳更直飆到160～胖迪完全掌控著小鹿嘅心跳！而且成個畫面都好有愛呀！

#圈粉03

而另一個環節，鹿、迪要係1分鐘內唔好將口中嘅水噴出嚟就為之勝利！雖然其他成員想盡方法令佢哋笑，但佢哋依然非常淡定互相望著對方，就好似旁若無人咁，完全無畀外界滋擾到呀～

見到佢哋眼中只有對方嘅畫面，好多粉絲都想哩1分鐘一直定格著～

#圈粉04

後來胖迪就被問到對自己嘅partner小鹿打幾多分時，胖迪大讚小鹿係個細心男，非常識得照顧女生～

最後仲畀咗小鹿10分滿分，對胖迪嚟講，小鹿絕對喺完美男神呀～

#圈粉05

小鹿要幫胖迪化個武則天妝時，小鹿都好小心翼翼咁幫胖迪化妝，而且仲識得用手背先試色，為胖迪揀出最合適嘅色調，都真喺幾專業㗎～

除咗小鹿用心化妝加哂分，其實以胖迪嘅高顏值，就算化到點，都一定唔會有失手！

#圈粉06

有時胖迪同小鹿喺車上嘅聊天內容同小互動，都喺好多陸地粉最鍾意睇到嘅一幕，每次佢哋嘅日常對話都已經甜死粉絲了～

#圈粉07

哩集就講佢哋可以揀坐纜車定單車去下一個目的地，胖迪本身揀咗坐纜車，而有懼高症嘅小鹿唔想令胖迪失望，都表示okay～令到其他成員都好擔心！

不過貼心嘅胖迪驚小鹿會怕，最後為咗小鹿，都喺決定改用單車去到目的地～

而節目中，鄧超爸爸都感受到佢哋嘅甜蜜，仲講笑話鹿、迪錄完今期，就已經可以去結婚啦～

#圈粉08

小塵第一次托著胖迪時，就表現驚訝，正想講出胖迪好重時，就畀胖迪強行封口，唔比佢講，哩幕真喺睇幾次都覺得咁好笑呀～

#圈粉09

所有《跑男》成員最懂胖迪嘅人絕對喺小鹿～當胖迪玩遊戲遇到阻礙，唔知點解決時，其他團員不停叫胖迪要點做先啱，搞到胖迪變得好緊張～但小鹿就同其他成員講：「不能喊，這一喊會緊張。」果然喺非常了解胖迪個性～

#圈粉10

上一期鹿、迪同bb玩時，兩個人就好似爸爸媽媽哄bb嘅模樣，好有新婚夫婦嘅甜蜜感呀！(笑)

《奔跑吧 兄弟》今季已經結束啦～雖然冇得再睇到陸地夫婦嘅圈粉互動，但希望下一季胖迪都可以以嘉賓身份登場，繼續派糖畀粉絲啦～

Source：Youtube