觀眾緣VS演技！6個大台力捧新一代男一，你又最鍾意邊個？

網民成日都話TVB一代不如一代，啲有叫座力或是好戲之人都走得七七八八！但係其實有唔少由二線成功轉為一線嘅男演員都幾有觀眾緣同埋入到屋丫！6個近年大台力捧嘅新一代男一，你又最BUY邊個？

1. 王浩信

因為《EU超時任務》、《不懂撒嬌的女人》成功成為少女同師奶殺手嘅王浩信，大家睇佢好似紅得好快咁，但其實人地係大台已經捱咗8年先出頭！

開頭由唱歌小星到轉戰大台，都落咗唔少苦功！不過憑住靚仔有型嘅外表，加上自然生動嘅演技，又真係抵佢紅嘅！

2. 洪永城

係有線做開無腳雀仔、自由自在嘅旅遊節目，之後同緋聞女友翠如BB一齊過檔無線，而且仲兩個都有唔錯嘅成績添！

雖然洪仔成日都畀人話啲戲麻麻，不過勝在性格夠真夠自然都成功入屋，而且做旅遊節目功力真係唔係個個都比得上！

3. 袁偉豪

由07年香港先生冠軍開始，開頭都係做下閒角咁一直都紅唔起。

但係慢慢戲份多咗同演技成熟咗之後，又靚仔又大隻嘅袁偉豪都好快上到位，好快仲成為TVB力棒嘅小生添！

4. 黃浩然

開頭係亞視發唔到圍，同06年同田蕊妮一齊轉投大台！

自從入咗無綫之後人氣急升，仲幾乎套套劇都擔正做男一添！一早有演戲經驗嘅黃浩然演技唔洗質疑，加上好男人形象同個靚仔樣，點會入唔到屋丫？

5. 蕭正楠

開頭大家對蕭正楠嘅印象都係－歌手，歌星仔！但係慢慢係唔同嘅劇入面見到咗佢亮相，係《師奶madam》、《倩女喜相逢》、《風雲天地》等都係演啲喜感正派的討好角色，要入屋其實唔難！

加上有翠如BB嘅加持，名氣同曝光率都大增！

6. 陳展鵬

同樣來自亞視嘅陳展鵬，其實一入大台就受到無綫電視力捧！

雖然有唔少人話佢始終洗唔甩陣「亞視味」，亦有唔少網民話佢戲屎，不過觀眾係善忘嘅，慢慢開始就好似接受咗！近年嘅《城寨英雄》拳佬仲好受歡迎添～

6個入面，你又最鍾意邊個先！