自細就是美人胚子！12位港台韓女星童年照大公開，溫柔氣質高顏值就是她們！

眼見咁多女明星個個都好似複製到同一個樣，冇咗自己嘅特色，究竟有幾多仲喺純天然美女？原來圈中都仲有好多女明星細個就已經喺美人胚子！有啲同而家仲一個餅印添～以下一次過整合12位中港台韓女明星童年照，你哋最LIKE邊個張童年照？

香港女星

# 01  呀嬌 鍾欣潼

呀嬌五官真喺冇得挑，細個時已經有圓滾滾嘅大眼睛加櫻桃小咀～

剪咗個短髮嘅佢，更顯標誌面孔～

讀書期間就已經開始兼職模特兒，主要拍平面模特兒相片～

以TWINS一出道仲紅遍香江大街小巷，深受歌迷歡迎，成為當紅的偶像，相信喺華人地區真喺無人會唔識佢～而呀嬌喺組合入面以顏值擔當，呀SA則喺可愛型美女！

# 02 唐寧

細個有睇開TVB同電影都一定有睇過童年童寧飾演嘅戲！8歲已出道做童星嘅佢，最經典一定喺佢喺電影《縱橫四海》飾演童年版鍾楚紅嘅「紅豆妹」，一直都令人印象深刻～

童年嘅唐寧就已經好生鬼，表情多多，非常有演戲天份！

不過好多粉絲都發現唐寧唔單止喺素顏美女，而且外貌就好似20年如一日咁，除咗冇咗BABY FAT，基本上完全冇變過，簡直喺最強嘅童顏女星！

# 03 張栢芝

細個嘅外貌已經靚到無可挑剔，因為爸爸喺上海人，媽媽喺中英混血兒，所以佢擁有四分之一英國血統，細個時時頭髮就已經自然金色，完全喺個濃眉大眼嘅混血小美人！

1998年，啱啱喺澳洲畢業返港嘅栢芝，喺經理人安排下，就接拍咗陽光檸檬茶廣告，當這個廣告片出街後，因為其清純外貌引起大家注意，仲迅速風靡華人世界，各大小雜誌、電影公司同廣告公司！

之後就已經順利咁成為咗電影圈嘅紅人，喺1999年仲畀周星馳於賀歲片《喜劇之王》欽定張栢芝做電影女主角！初次演出引起廣泛好評，2001年仲首度進軍國際，接拍韓國電影！

中國女星

# 04 迪麗熱巴

出生喺新疆烏魯木齊嘅迪麗熱巴，喺維吾爾族人，細個就已經有咁高嘅顏值，鼻高眼深、輪廓分明、皮膚白哲，果然大個咗真喺不得了！

大家有睇《跑男》都一定會知佢自細就已經學習舞蹈～而受新疆歌舞團獨唱演員父親嘅影響，迪麗熱巴自小就對藝術類感興趣，除咗舞蹈，佢仲有學習鋼琴、小提琴、吉他等，絕對喺藝術造詣極高嘅人！

熱巴參演電視劇《三生三世十里桃花》隨即爆紅，期後仲有份暫代做《跑男》其中一位MC，令到更多人認識佢真個性，開始令更多人都鍾意佢～

# 05 楊冪

小冪冪細個就已經做過兒童演員，4歲就出演電視影集，仲曾經喺周星馳電影《武狀元蘇乞兒》中露臉！

相信好多人睇佢細個嘅樣都覺得同而家同一個餅印，又喺另一位不老嘅童顏女星！

2003年正式出道，之後因飾演《神鵰俠侶》嘅郭襄而開始引人關注，2009年以《仙劍奇俠傳三》中唐雪見一角人氣急升，之後仲參與好多高人氣嘅影視作品令佢繼續知名度增高～

而家嘅佢已經喺內地知名嘅花旦，亦喺電影嘅票房保證，由佢參演嘅《轉生術》、《小時代》系列、《分手大師》等電影均獲得了亮眼嘅票房佳績～

# 06 劉亦菲

細個時就已經有著古典美貌～2002年，有著演戲夢想嘅佢因美籍華人留學生嘅身份同從小嘅舞蹈和聲樂基礎，成功畀北京電影學院破格錄取，成為咗班上最細嘅學生～

後來因參演《天龍八部》王語嫣、《仙劍奇俠傳》趙靈兒同《神鵰俠侶》小龍女等知名角色而令佢積累了大量人氣

# 07 高圓圓

唔知睇哩張相你哋又會估到佢喺邊個呢？

1996年，仲讀緊高中嘅佢，因為一次同同學到王府井買書，被廣告公司發掘，佢介紹咗高圓圓拍攝咗一支冰激凌嘅廣告，就造就咗佢踏入演藝圈～

之後幾年拍攝大量嘅廣告，喺廣告圈中成為咗嶄新清新面孔！甜美嘅鄰家女孩樣而贏得更高嘅詢問度同人氣

2003年，憑藉古裝武俠愛情劇《倚天屠龍記》受到廣泛關注，近年仲活躍於電影圈～當然咁靚嘅女生都已經名花有主，2014年同台灣人氣男演員趙又廷結婚，步入咗人生另一個階段～

台灣女星

 # 08 林依晨

林依晨細個就剪咗個男仔頭，有著秀氣嘅鄰家小女孩樣子～

18歲嘅林依晨為咗幫細佬換新電腦，就參加咗自立報系《台北捷運報》第一屆「捷運超美女」競賽，令佢奪得第一名嘅殊榮～

大學時期正式進入演藝圈，相信大家最最最印象深刻一定喺《惡作劇之吻》湘琴哩個極具代表性角色，亦因為哩個角色，令佢吸納更多各地粉絲，而且自然不做作嘅佢，

# 09  林心如

林心如小時候齊陰+大眼，可愛嘅呆萌樣相當討喜！

中學時因為一次義氣幫同學賺外快填模特公司表格，就咁畀星探發現，17歲嘅心如就咁成為咗兼職做廣告模特兒，開始自己嘅演藝生涯

之後仲憑著演出電視劇《還珠格格》中紫薇一角爆紅，成為紅遍華人圏嘅女星～

上年同霍建華結成夫婦，今年仲產下女兒，相信佢個囡囡都佢一樣都咁靚女！

# 10 大S 徐熙媛

細個時大S有著可愛小女生模樣，而佢後來喺華岡藝校就讀時，因為突出嘅美貌，就已經受到好多人嘅關注～

當然好多人都會將大小S作比較，好多人都會認為大S有種脫俗嘅美，而小S則喺愈大愈靚！

17歲以一首《十分鐘的戀愛》出道，2001年，演出《流星花園》中杉菜一角，入圍金鐘獎最佳女主角獎，而令佢一炮而紅！

2011年同汪小菲舉行結婚典禮，之後仲生咗一女一仔，亦少咗出演劇集，做咗幸福少奶奶嘅佢，相信有好多粉絲都仲期待你嘅新作呀～

韓國女星

# 11 宋慧喬

宋慧喬細個就有一對水汪汪大眼睛，而且面容清秀，同與而家嘅宋慧喬幾乎冇太大變化！

之前宋慧喬就喺拍攝緊《太陽的後裔》嘅時期，就曾喺自己inatagram同粉絲分享佢嘅童年照，立體嘅五官配上完美鵝蛋臉得到一眾網民盛讚為天然美女！

# 12 宋智孝

其實韓國女星好多人都有整容，要數到全天然女星一定喺非智孝莫屬，細個仲喺短髮嘅佢，雖然少咗女人魅，但就多咗份小男孩嘅可愛感～

相信大部分人都喺因為《Running man》而識得佢～喺節目中表現率真、大方，而且一啲都唔顧忌自己形象，玩遊戲時七情上 面，仲大方以素顏上鏡，重點喺素顏都一樣咁靚！

宋智孝嘅可愛個性俘虜咗唔見觀眾心，於節目中經常大展真性情，所以都有著唔少可愛花名，如「不良智孝」、「素顏女神」、「懵智」等！

除咗個性好，觀眾緣佳，佢嘅彎彎笑眼充滿著溫柔嘅少女感，難怪會得到咁多人鍾意啦～

睇完小編真喺好羨慕佢哋可以由細靚到大呀！以上12位中港台韓嘅女明星，你哋又最鍾意邊個嘅童年照呢？

Text: GirlStyle editorial

Photo Source: Instagram, Weibo, Pinterest