男人味爆燈！爆肌Kenny擺脫文質彬彬形象，大騷Man爆型男造型追擊女心～

關智斌 Kenny 近日推出新歌〈習慣說謊〉MV，MV中Kenny揮別以往斯文形象，以紋身爆肌造型示人，迅即成為話題。著住背心同皮䄛都完全遮蓋唔到佢fit爆嘅肌肉，令觀眾大飽眼福。

近年Kenny轉戰內地密密吸金，身價三級跳，可謂人氣爆燈！Kenny早前參演嘅網絡電影《血濺銅鑼灣3》即將推出，而呢首<習慣說謊>就係電影嘅主題曲，MV以係剪輯自電影片段，率先披露Kenny喺喺入面嘅Man爆造型，等觀眾先睹為快。

聽聞Kenny同MV女主角將會於戲中有一段虐戀，叫觀眾帶定紙巾咁話喎！

平頭+留鬚+紋身，真係Man爆呀！小編完全被迷倒（心心眼）

Kenny原本只係為咗健康而勤力做gym，點知越練就越有男人味，一身fit 爆肌肉更加係新戲同MV入面大派用場！（MV下面有得睇～）

見到而家佬味咁重嘅Kenny，再睇番佢以前啲相，就發覺...佢真係好靚仔。（笑）大家一齊嚟重溫下佢以前嘅靚仔Look啦！

係以前迷過嘅Boy'z呀！

唔知大家又鍾意以前定而家嘅佢呢？點都好～希望Kenny會多啲留喺香港發展啦，香港都有好多Fans掛住你架！

<習慣說謊>MV

Source: <習慣說謊>，《血濺銅鑼灣3》，Weibo