8月必睇電影清單！6部人氣賣座好戲推介，暑假梗係要瘋狂睇戲〜

暑假一向係猛片聚集嘅檔期，小編就為大家Mark定8月好戲清單，動作、催淚、搞笑片都有齊，更有唔少大家熟悉嘅明星主演，邊一套岩你嘅心水？

1. 出貓特攻隊  （17/8上映）

泰國過億票房猛片紅出國際！口碑票房同樣好的泰國校園電影，講述家境一般的Lynn憑屈機成績考入名校，IQ爆棚的她想出連串超乎想像的出貓方法，生意自此愈做愈大變跨國犯罪生意！

這個橋段非常引人入勝，配上型男索女年輕演員，好啱暑假睇！

2. 軍艦島 （10/8）

宋仲基主演已經係必睇嘅理由啦？這部韓國影壇年度旗艦級史詩戰爭動作大片，上映24小時突破百萬觀影人次，成為韓國影史上最高的開片票房紀錄，仲勁過《屍殺列車》！由最強導演柳昇完執導，蘇志燮、宋仲基與黃晸玟等最強卡司主演，講述日本殖民統治時期，被日軍強制徵用的400多位百姓重返自由，逃離軍艦島的故事〜

宋仲基飾獨立軍人領袖，決心潛入軍艦島把400多名絕望礦工一起拯救出來，展開大逃亡！超熱血！

3. 銀魂 （17/8上映）

未上映已引起熱話，只因人物造型和場景還原度都超高！雲集當紅明星：小栗旬飾坂田銀時、菅田將暉飾新八、橋本環奈飾神樂等等，大家都好期待點神還原《銀魂》搞笑抵死又莫名熱血嘅Style！

千年一遇美少女橋本環奈今次可謂不顧形象，反眼挖鼻挑戰顏藝！

原著粉絲眾多堪稱神著，相信Fans都會捧場吧！

4. 再見亦是狗朋友 （24/8上映)

感人催淚之作，入場前預備一盒紙巾吧！故事講述狗仔貝利一生出來就對自己的存在意義感到困惑，經歷四次輪迴冒險，由男孩伊雲救回來收養的金毛尋回犬，變成幫助警察執行任務的德國牧羊犬，再變成萌爆的小哥基，又變成大型的混種犬，50年來牠都全心教人類笑和愛〜

一次次的生離死別，讓牠終於也懂得自己的真正使命……淨係睇簡介都覺得感人！鍾意狗狗嘅朋友必睇〜

5. 打死不離3父女（ 24/8-2017 上映）

相信大家都睇過《作死不離3兄弟》同《來自星星的PK》啦？印度首席巨星阿米爾罕又有新作啦〜今次《打死不離3父女》全球票房高達2.7億美元，成為史上最賣座印度片！

電影改編自印度首位女摔跤冠軍的傳奇故事，講述3父女一條心，為夢想打破男尊女卑的社會觀念、各種攻擊性的輿論及歧視重男輕女的傳統枷鎖，誓要用一面金牌

6. 殺破狼．貪狼（25/8上映）

時隔12年，2005年的《殺破狼》原班人馬打造續集！導演由葉偉信回歸執導，並由洪金寶擔任動作導演，演員找來古天樂、林家棟，還有國際武打巨星Tony Jaa、大陸武打演員吳樾等等，延續首集的獨特武打風格！

故事講述香港警察李忠志（古天樂 飾）得知女兒芝（陳漢娜 飾）於泰國旅遊間莫名失蹤，即親赴泰國報警求助，後發現案中有案，並開始意識兇手背後神秘勢力非他們能對付，展開連場追截搏鬥！

Source：pinterest/wmoov