少女味極濃！42歲真天然美魔女鄺文珣，逆天凍齡顏值連素顏都靚翻天！

唔知大家仲記唁記得鄺文珣？可能講名未必會令你記起，但一睇樣一定會記得佢係邊個！琴日就係陳美詩同孫耀威嘅大婚日子，除咗兩位新人係當天嘅主角，而好耐冇出現幕前演出嘅鄺文珣受到網民嘅注視，好多網民見到鄺文珣都大讚佢係真女神！

其實以前有睇TVB嘅80、90後絕對會記得鄺文珣，以前佢都演過唔少戲，雖然唔算受到大台重用，但飾演嘅角色都有發揮空間～

鄺文珣為人熟悉嘅戲劇角色，絕對係1995年處境劇《真情》所飾演嘅安仔（劉愷威飾）女朋友Joan～演咗哩套劇後，亦多咗人認識，令佢都得到更多演出電視同電影嘅機會！

因為樣子甜美聲音輕柔，所以佢所演嘅大部分角色都係較溫柔！喺後嚟嘅電視劇《鹿鼎記》飾演可愛郡主沐劍屏、《聊齋(貳)》之綠野飛仙的閑靜鳥仙秦吉鳥、《洗冤錄》所飾演嘅溫柔郡主趙心如、《洛神》所飾演嘅桑柔都好得人鍾意！

雖然佢做嘅都係女配角多，但因為亮眼嘅外貌同演出都令到唔少人注意到佢！

到咗2002年拍完《洛神》之後，佢就約滿離開咗大台～亦都少咗係公開場合出現！

不過唔講可能唔知，原來鄺文珣都有唱歌夢，喺離開大台後，佢喺2002年7月於台灣發行第一張專輯《幸福後樂園》，唔知你哋又有冇人曾經聽過佢嘅歌呢～

到咗2006年平安夜就同商人應德榮結婚，做幸福少奶奶！結婚11年同老公依然咁恩愛，生咗兩個仔仔後，而家更成功造人，以42歲高齡佗第三胎！

就算佗B已經有差唔多7個月，但臉型同手腳依然都咁瘦，就連外貌都仲散發緊極濃嘅少女氣質，絕對稱得上凍齡美魔女！

而美魔女素顏都依然咁靚，完全有著逆天嘅顏值！

Source：Weibo/TVB cap screen