大台都有小鮮肉！陽光型仔男主播彭建樺，網民話仲靚仔過一線男明星？

之前就介紹過有線靚仔記者黃浩賢，唔少姊妹都話要即刻轉台睇新聞！相比之下，大台男主播一向冇乜邊個話特別養眼，最為人熟悉嗰幾個，好似葉昇瓚、余浩宗、「柳爺」柳俊江等都相繼走哂，仲有邊個睇得上眼呢？

唔少網民形容彭建樺係大台男主播嘅一股清泉，外表黑黑實實，感覺好陽光但又有啲怕醜仔嘅feel！

係大台在職嘅男主播入面，彭建樺的確算係外表最養眼嘅一個，望落仲有啲似上位小生何廣沛添！

有粉絲仲專登幫佢開左個個人專頁，蒐集哂佢報新聞嘅CAP圖，認真有心思！

唔知大台係咪都鬧緊主播荒呢？有眼利網民睇出成日由朝到晚都係彭建樺報，就連天氣都要報埋！

你又點睇呢？

Text: Girls editorial
Photo Source: 彭建樺FACEBOOK