唔駛再捱叮飯！必學2個燜燒罐無火煮食食譜，Thermos可愛大哂冷別注版45折就換到喇！

• 而加天氣咁熱，返工放lunch都真係唔係好願行出街食......有時屋企冇煮飯但又覺得叮叮飯太頹，除咗嗌外賣之外仲有咩新選擇？其實自己煮始終最健康，而加只要一個燜燒罐就可以輕鬆煮出無火美食，以後就唔洗再捱叮叮飯啦！

#《鮮果排毒水》食譜

久坐office唔想淨係飲水飲到口淡淡，但又唔想飲咁多現成飲品？出面啲Detox Water起碼都幾十蚊先有交易，但係其實自己DIY鮮果排毒水一啲都唔難，只要有一個燜燒罐就OK！

健康易整又可以順便排下毒，日日飲都OK啱哂成日缺乏運動嘅OL們啦～

材料：
西瓜　　　　½ 碗（舀出球型後冷凍成西瓜冰）
温室青瓜　　½條（切片）
青蘋果　　　½個 （切片，去籽）
水　　　　　280毫升
楓樹糖漿　　1茶匙
薄荷　　　　適量

做法：
1）先注入冰水冷卻燜燒杯，加蓋，略搖晃，靜置1分鐘，倒去冰水。
2）放入所有材料，加蓋，略搖晃，靜置約15分鐘至冰透，完成！

#《雞絲薑汁無麩質長通粉》食譜

其實想keep fit唔一定要食得好寡，自己煮就可以控制好調味料嘅份量唔怕太肥膩啦！一路都做開「無飯」少女嘅妳，一諗到要煮西餐就好頭痕？不過有燜燒罐幫手，保證地獄廚神都可以輕鬆煮出美食，包保連男友都畀妳突飛猛進嘅廚藝嚇親啊！（笑）

材料：
無麩質長通粉　35克
鹽　　　　　　適量
雞肉　　　　　75克 （切幼條）
紅甜椒　　　　20克（切幼條）
火箭菜　　　　適量
核桃碎　　　　適量
薑蓉　　　　　適量

做法：
1）燜燒罐內加入熱水預熱，加蓋，略搖晃，靜置1分鐘，倒水。
2）放入無麩質長通粉和少許鹽，注入熱水蓋過表面，加蓋，略搖晃，靜置燜焗8分鐘，瀝去水份。
3）再次注入熱水蓋過表面，拌勻後加蓋，略搖晃，靜置5分鐘，瀝去水份。
4）加入雞肉和紅甜椒，注入熱水至罐內八分滿，拌勻後加蓋，略搖晃，靜置燜焗3分鐘，瀝去水份。
5）最後，加入火箭菜、核桃碎和薑蓉拌勻，完成！

今次 Thermos x SANRIO CHARACTERS 香港別注版 換領活動，一系列推出6款Thermos皇牌產品，包括保溫瓶、手斟壺同燜燒罐，除咗有可愛嘅卡通人物點綴之外，仲特別加入香港特色建築物嘅元素，得香港先換到㗎咋，極有收藏價值！大家快啲來萬寧換購啦~

Featured For: Thermos
*本文章的圖片均經其本人或其公司授權，其他媒體不得轉載