download GirlStyle 女生日常 app
「民選冠軍」翻版李若彤之稱Kelly三甲不入,下午IG發文:得到了支持我的人的認同,我已經好滿足!

「民選冠軍」翻版李若彤之稱Kelly三甲不入,下午IG發文:得到了支持我的人的認同,我已經好滿足!

Trendy 人氣熱話
By Sammi on 04 Sep 2017
Senior Editor

噚晚有睇港姐決賽應該都會覺得選舉制度有問題,而令賽果出現不公平現象!好多網民都覺得伍樂怡Kelly一直都係大熱港姐冠軍人選,由第一日面試就已經被媒體定為翻版「李若彤」嘅稱號,而一路走嚟,係賽前絕對係呼聲最高嘅一位,可惜噚晚嘅不公平少數人選舉制度而令到原本大熱嘅Kelly未能打入三甲,只係到五強就止步!

廣告
廣告

sssartist08

Kelly見有咁多人支持,今日下午就係IG發文講出自己賽後感言:「一大早起來看到很多窩心的留言和信息,好多謝大家一路以來的支持。這趟旅程總算完滿結束了。雖然未能獲獎,但對自己整體的表現總算有所交待了。能有這機會穿上這麼華麗的晚裝,感受過台前幕後的所有,認識了這麼多朋友,還得到了支持我的人的認同,我已經好滿足。 人生就是要不斷這樣為自己迎來挑戰才有趣味。我都好期待為自己人生繼續寫上精彩的故事」

sssartist01

好多支持Kelly嘅網民都激動表示,Kelly先係大家心目中嘅冠軍!「賽果唔緊要, 明知有人的因素影響, 我們明白, 你應該是冠軍,香港人心中的冠軍。」

sssartist05

大家對Kelly更係讚口不絕:「民選的話你是冠軍@ngkelly_而一位好的演員就是要有觀眾緣,再加上你的才華與美貌,相信將來定必成成為成功的藝人!」當然的確有觀眾緣嘅港姐先更重要,因為哩個決定你將來係演藝圈條路可以去到幾遠!

sssartist04

廣告
廣告

雖然Kelly係加拿大出生,但後來佢選擇返香港讀中學,之後又再次去多倫多讀大學,到上年畢業後就決定要返香港搵工!未參選港姐時,佢就做人力資源文員,後來佢表示想增廣見聞同埋豐富自己人生,所以就決定放棄咗份有穩定收入嘅工作,決定參選港姐啦~

sssartist14

除咗有一定嘅學歷,外表甜美,加上有少少混血味道嘅感覺,令到Kelly更受到矚目~其實係賽前就已經奪得過港姐贊助商莎莎嘅「我最喜愛佳麗」同「最佳莎莎KOL大奬」兩個獎項,絕對係大熱門人選!而噚晚Kelly嘅表現非常大方得體,相當淡定,回答有理,最終都成功順利晉身到五強!

sssartist15

不過即使佢奪冠呼聲最高,但最後都係大熱倒灶,一個獎都拎唔到之餘,仲要三甲都入唔到,睇到觀眾都為佢抱打不平!

sssartist10

雖然Kelly就好似好睇開哩件事!不過選舉制度咁戲,得8位評審投票,而do姐更一個人手持兩票決定賽果,咁選出嚟嘅港姐相信都已經冇咩公信力~

sssartist09

廣告
廣告

而私底下嘅Kelly係一個愛心滿滿嘅女生,自己屋企就已經養咗5隻狗,一有時間仲不時陪狗狗出去散步㗎~

sssartist05

鍾意影相嘅佢仲好識擺女神POSE,簡直係仙氣盡現!

 

sssartist13

Kelly Ng(@ngkelly_)分享的貼文 張貼

相信大家睇完港姐嘅賽果都係得啖笑,雖然最終Kelly未能打入三甲,但極有觀眾緣嘅佢相信未來係演藝圈一定好似千雪bb咁得到更多觀眾支持!

sssartist06

Text: Instagram@ngkelly_/TVB screen cap

Photo Source: ig weibo

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載