細妹神似苟姑娘？湯洛雯IG捧紅21歲細妹，清純鄰家VS陽光性感完全唔同feel！

近排晚晚8點半都係電視睇到靚湯湯洛雯，唔少網民都話靚湯終於捱出頭做到女主角，被封為第一代女神之餘仲好「gfriendable」！原來靚湯仲有個21歲嘅細妹，仲頻頻係instagram叫人快啲follow細妹instagram添！究竟係咪真係一屋都有遺傳到爸爸媽媽嘅強大基因呢？

香港小姐競選出身嘅靚湯之前唔算係大台力捧小花之一，不過都算係幾有觀眾緣！今次係《燦爛的外母》做女二，唔少網民話終於有種「捱出頭」嘅感覺。

靚湯眼大大又夠水汪汪，個鼻又夠高，笑起嚟仲好sweet添！難怪唔少男仔女仔都覺得佢望落自然又順眼～

前排湯洛雯就係instagram upload咗一段「一秒變索女。無聊時，有妹真好。」 嘅8秒短片，內容係同靚細妹一齊將頭髮撥埋一邊變abc feel索女，仲hashtag埋細妹個instagram，睇得出兩姐妹感情應該勁好，唔通靚湯呢排上位都想順手捧紅埋細妹？

R O X A N N E 湯 洛 雯（@roxannetong）分享的貼文 於 2017 年 9月 月 12 12:46下午 PDT 張貼

大家又覺得佢地兩姊妹似唔似呢？真係唔講都唔知靚湯收埋個靚細妹，有網民留言話細妹似林嘉欣同埋苟姑娘，咁梗係要禁入去細妹instagram睇真啲啦！

同靚湯相比，細妹比較走abc歐美風，仲有種淡淡嘅古典美，兩姊妹完全走唔同風格～

側面望落又真係幾似苟姑娘，大家都有種mix mix地嘅鬼妹仔感覺～

原來細妹湯樂瑤Cassandre來頭都唔小，而加讀緊中文大學法律系LLB，又靚又讀得書～

兩姊妹感情超好，細妹Cassandre亦都不時post佢同靚湯嘅合照！

明明分開獨立睇就覺得佢地兩姊妹完全唔似樣，但係企埋一齊又有種好似嘅氣場喎，特別係大家唔笑嗰陣！

嘩～靚湯同細妹同媽咪直頭成個餅印一樣，而爸爸睇落亦都十分有型，成家強大基因絕對無得輸～

Cassandre instagram仲成日會post靚靚啲旅遊照，仲毫不吝嗇咁大show好身材添！同靚湯嗰種「gfriendable」、超級鄰家女孩嘅風格相比，同細妹Cass嘅陽光性感有極大對比！定係其實靚湯都有呢一面不過我地睇唔到？（笑～）

而靚湯就話細妹而加仲讀緊大學未有計劃入娛樂圈，但係就放風話細妹幾有興趣做KOL！

一個就清純鄰家，一個就陽光性感，睇落細妹Cass咁out-going咁陽光嘅性格好似都幾啱做學事學非喎！（笑）

唔少網民都話兩姐妹各有各靚，不過都係靚湯嗰種鄰家女孩襟睇啲！你又覺得兩姐妹邊個靚啲呢？

Text: Girls editorial
Photo Source: instagram @cassandretong、@roxannetong