《愛．回家之開心速遞》Mandy終於同博士一齊啦！你覺得劇中最正CP係邊對？

大家有冇追大台嘅處境喜劇《愛．回家之開心速遞》呢？八點鐘食飯時間，所以唔多唔少都會睇過下，而前日播出個集，大小姐的秘書Mandy（謝芷倫飾）終於都同秦博思（馬貫東飾）一齊啦！唔少網民都大讚依條感情線好睇，仲正過熊若水同龍力士，而劇中更有多對人氣CP，你地又鍾意邊對？

雖然秦博思（博士）一直暗戀青梅竹馬嘅熊若水（Mary），但奈何人地已經同左富二代龍家大少一齊，唯有一直擔當守護天使嘅角色！後來同Mandy假扮情侶，雖然Mandy已經暗暗鍾意左博士，但男方個心始終都放唔低Mary...

特別係Mandy為左博士，肯開始慳錢逼巴士、唔買名牌、食大排檔，唔同曬之前拜金女嘅形象，令人刮目相看，網民都好想佢有個好歸宿，同博士成為真正嘅一對〜

而前幾日個集，Mandy為左討好熊家人，又「包餃子」又買何首烏煲中藥俾熊樹根飲，但熊若水就成日覺得Mandy係呃博士嘅，用左好多少手段想佢地分手，而博士為左令若水唔好再唔開心，就同Mandy提出唔再假扮情侶！

Mandy衝動之下同博士表白，後來仲因為掛住博士而成日做錯野，激嬲大小姐搞到要一個人夜晚去巡樓！而博士聽左大家姐熊尚善的勸導：「點解唔俾個機會Mandy既同時都俾個機會自己試下呢？」，就買埋宵夜探Mandy仲話希望同佢正式開始拍拖！

幾經波折，終於一齊啦〜希望第時唔好熊若水最後發現自己鍾意博士，再黎個三角戀啦....

除左博士同Mandy，劇中KC同Terry絕對係另一人氣CP！每次出場都笑料百出，戇直一心追求演藝事業嘅Terry，同外表嚴厲但其實好錫Terry嘅KC，真係充滿火花令人笑到肚痛〜

仲上演過男男SM、扮盲等搞笑橋段，而且兩人嘅落力演出都令人印象深刻！

另一好睇嘅組合就係金城安同朱凌凌！兩個人老友鬼鬼Fd過打Band，雖然各有女神Venus同女友Bonnie，但不時都Fd都令人覺得有D HeHe 〜（笑）

岩岩個集金城安偷睇朱凌凌去廁所，其實係因為包皮發炎痛極唔舒服，仲話要朱凌凌陪佢做手術，後來又一輪誤會，最終都係打死不離兩兄弟，兩個後生仔嘅演出自然又有新鮮感，所以唔少觀眾都鍾意睇佢地加！

你又最鍾意睇邊對嘅劇情？小編就幾期待袁文傑同滕麗名依對新組合啦〜

Text：Girls editorial

Photo Source：TVB