唯美「花之水滴」靚到似藝術品！黃大仙新式甜品店，打卡必去甜品款款又靚又好味〜

甜品相信係唔少女生至愛！而依間係黃大仙嘅新式甜品小店，佢嘅招牌甜品花之水滴，就絕對值得大家去專程入去Try Try，因為真係靚到似藝術品，打卡必去呀！

80後男店主，創造出好多新式甜品小店，今期，佢就為大家帶嚟幾款人氣之選！

Photo from Presslogic

1)．紫薯胚芽玄米 花之水滴 配乳酪雪糕

相信每一個人嚟到想甜嚐甜，都會好似小編咁俾美美嘅花之水滴吸引！晶瑩剔透嘅水滴啫喱，清晰地可以見到入面嘅櫻花裝飾，真係好靚啊，小編估好多人會因為佢靚靚嘅外表，而唔捨得食啊！

Photo from Presslogic

食落去味道比較清淡，小編覺得口感有D似大菜糕～而碟邊，都有紫薯脆脆做裝飾！無論係近睇定遠睇，都感覺好似睇緊一幅藝術畫咁啊～小編覺得最適合春天嚟食！！！

Photo from Presslogic

2 ）．紫薯焦糖燉蛋
粒粒紫薯份量堆到好似小山谷咁，本身下面係奶凍覆蓋住，最近店家將下面變成焦糖燉蛋，味道更加出色！！！身為紫薯控嘅小編，一見到紫薯就忍唔住打卡～而且用Tiffany blue嘅容器裝住，真係好少女啊！

Photo from Presslogic

Photo from Presslogic

食落去紫薯味都算重，而且好甜！小編覺得整體上都算唔錯～大家值得一試啊！

Photo from Presslogic

3 )．三色芋圓

唔好以為係香港就食唔到台式芋圓，想甜嚐甜最近仲推出咗三色芋圓，有成3隻口味～而且每一隻都好出色。分別係黑糖芋圓仙草、芒芋、同椰芋口味，真係任君選擇～而一個口味內都有接近9種配料！

Photo from Presslogic

人氣之選黑糖芋圓仙草，店主推薦大家先食咗原味嘅黑糖芋圓仙草，隨後加入德國忌廉，可以令成個芋圓仙草天更香滑！

Photo from Presslogic

Photo from Presslogic

而椰芋口味亦都好香椰子味～鍾意食酸酸甜甜嘅朋友仔，都可以揀芒芋口味，一樣出色。

Photo from Presslogic

聽店家講，最近好多日本嘅bloggers都會嚟呢度試下呢個三色芋圓～嘩！所以大家都唔好錯過啦～

Photo from Presslogic

大家唔好以為呢間甜品店面積唔大，得幾張枱，入面真係咩新式甜品都有～而且，內裡裝修係小清新風格，牆上掛上植物同ukulele，可以見到店主用咗好多心機同心思嚟裝飾！自然風格～令每一個客人都覺得好舒服～

Photo from Presslogic

店鋪仲有好多期間限定嘅甜品嫁～大家不妨約埋閨密一齊嚟打下卡食下甜品！

Photo from Presslogic

想甜嚐甜

地址 ： 黃大仙蒲崗村道73號富佑大廈地舖 （港鐵鑽石山站 A1 出口, 步行約10分鐘）
電話號碼： 39564744
營業時間： 星期一至日 13:00-00:15

Text: Holiday editorial

Photo Source：PressLogic