放閃放到葡萄牙！岑麗香與老公強強影超甜蜜放閃相，靚人靚景Sweet到暈〜

擁有甜美笑容嘅岑麗香（香香），絕對係TVB最有觀眾緣嘅女星之一，自去年12月和Joshua Ngo（強強）結婚後，有愛情滋潤嘅幸福人妻，自然更靚更甜啦！早前香香去葡萄牙為TVB劇集《溏心風暴3》拍攝外景時，老公強強更飛黎陪老婆，仲趁空檔期間影左一輯超Sweet放閃相！

兩人搵左葡萄牙當地一個專影結婚、情侶相嘅攝影師，以葡萄牙街景作背景，影左一輯靚相〜冇華麗堂皇嘅背景，冇奢華嘅高級禮服，卻洋溢著平淡生活中嘅溫馨甜蜜幸福感，只要愛人係身邊，就足夠啦！

只見香香身穿休閒風的白色恤衫同牛仔褲，casual得黎又好睇，幸福人妻流露著青春少女感！而強強則著住印花白色恤衫配搭黑色短褲，滿滿的悠閒度假風又不失型格，兩人襯到絕呀！

取景游走於葡萄牙的大街小巷，每一處舊街角都洋溢著異國風情，配上香香同強強溫馨甜蜜嘅互動，令人完全感受到佢地之間嘅愛呀！

而且親密舉動更係閃死人！攬攬錫錫仲有公主抱，望住香香幸福嘅甜笑，同強強深情嘅目光，真係羨慕死人〜全世界都知道你地幾Sweet幾幸福啦！靚人靚景，真係好襯！

就算只係坐長椅欣賞風景、去Cafe睇下食咩、Share食杯雪糕...簡簡單單，就已經係幸福！見到佢地咁甜蜜，即刻有戀愛嘅衝動〜（笑）

夕陽底下浪漫嘅愛侶身影，耳邊真係響起：「陪著你走，一生一世也不分，天天編出兩雙足印，過千山過千海

。」

連攝影師都大讚佢地夠Sweet！係一對有趣快樂、充滿活力同熱情嘅夫妻：「Eliza and Josh! What a couple. These two were such a fun, happy, energetic and passionate duo! Seeing them together was inspiring and got us to re-define our own relationship goals .」

香香同強強話咁快就結婚接近一年，好開心香香搵到佢嘅Mr.Right，要繼續幸福落去，不停放閃呀！

我好感恩終於可以同大家宣佈，上帝畀我搵到我嘅Mr.Right 喇！多年前我哋喺溫哥華因為工作關係而認識，但自此並冇聯繫⋯估唔到多年之後，喺朋友嘅介紹下，我哋再次遇上⋯強強 (Joshua) 由朋友變成我男朋友，而到今日，成為我未婚夫！ ?能夠同自己嘅心靈伴侶結婚，係一種幸福，我哋好期待踏上人生另一個階段，可以一同經歷神一齊成長。感謝我嘅家人、朋友、弟兄姊妹、同事一路幫我哋保持低調同保守秘密，多謝觀眾同粉絲朋友們一直嘅支持同祝福！感謝傳媒朋友一路以來對我嘅關心同鼓勵，拍拖之後你哋都好照顧強強? 大日子快到了，宜家忙於準備，請體諒我未必可以完全回覆到大家?。好感謝大家?你們的祝福我哋完全收到晒???！ 主祝福你哋?

Eliza Sam 岑麗香（@heungheungeliza）分享的貼文 於 2016 年 12月 月 2 12:07上午 PST 張貼

Text：Girls editorial
Photo Source：Instagram，yourstoryinphotos.com