繼續萬聖節Cosplay！SM家族萬聖節派對少時只剩4個參加，Jasper無奈俾刀劈頭網民：「求Jasper心理陰影面積」～

每年一次嘅萬聖節係大家扮鬼扮馬狂歡嘅好機會，好多明星都係專登喺萬聖節好好打扮一下，唔少得嘅當然仲有一班Cute爆嘅小朋友啦！

#小朋友篇
應采兒同Yumiko不嬲Friend過夾Band，咁啱Jasper同梁浸浸都用「刀劈頭」嘅造型～睇返相片背景，相信佢地係出席同一個Halloween Party嘞～不過Jasper個樣顯得非常無奈，網民仲話要「求Jasper心理陰影面積」～

梁浸浸化身小小士多啤梨，圓碌碌嘅身型真係Cute到爆！

年輕靚媽昆凌化身忍者，帶埋囡囡Hathaway扮成小蜜蜂應節～

仲有林志穎都大Show孖仔扮賽車手嘅Cosplay相～三個仔仔都同老豆有共同興趣，唔知長大後會唔會同老豆一樣做個賽車手呢？

黎諾懿囝囝小春雞變身成為小南瓜，肥嘟嘟嘅小春雞實在太可愛啦～

# 香港篇
香港嘅Artist都唔輸蝕，係Halloween當日出去狂歡一下～袁偉豪、胡定欣、姚子玲等人扮成五星戰隊，蒙住面去到鬧市都唔怕比人認得出，尋晚大家係街上遇到嘅五星戰士可能就係哩班明星啦！

A post shared by Benjamin Yuen (@benontheroad) on Oct 31, 2017 at 7:23pm PDT

陳貝兒哩個鬼新娘妝扮真係好神似，化到咁真係冇人認得出呀～

仲有呀Sa超得意嘅孖潤腸造型～

麥明詩亦都化身成為Jasmine公主～不過個妝好似濃咗少少

# 海外篇
韓國嘅SM家族萬聖節有最新嘅相片流出，終於有女藝人嘅裝扮啦！允兒扮《這個殺手不太冷》嘅Mathilda入型入格，泰妍就今年扮《海底奇兵》嘅Mo仔～最受矚目嘅係少時由8位成員得返4個參與今次嘅Party，有網民好傷心咁話：「以後都見唔到徐賢、秀英同埋Tiffany參加哩個年度盛事⋯⋯」

Gigi Hadid同男朋友Zayn Malik分別扮成貓女郎同埋蜘蛛俠，Zayn仲要拍埋片真係超神似呀！倆小口咁Sweet，唔知會唔會好快傳出婚訊呢？

A post shared by Zayn Malik (@zayn) on Oct 31, 2017 at 5:39pm PDT

見到一班明星悉心打扮嘅裝備，真係非常期待下年佢地會有咩新搞作呀～

Text Source：Girls Editorial
Photo Source：Instagram、Weibo