搞笑互窒！《Do姐再Shopping》繼續相愛相殺，網民：最好睇係Do姐同農夫癲埋一份～

TVB喺2015年製作嘅《Do姐去Shopping》好受大眾歡迎，Do姐同農夫嘅互動更加係節目嘅亮點！所以Tvb繼續添食，萬眾期待嘅《Do姐再Shopping》終於播出第一集啦！

第一集Do姐帶埋黃翠如＋農夫一齊去東京食玩買！不過佢地嘅節目都唔係Sell旅遊，睇佢地之間嘅爆笑互動先係重點～

首先一開頭Do姐去參加韓星朴敍俊嘅Fan Meeting，農夫隔住個Mon都已經忍唔住要窒下Do姐「20幾歲仲搞哩啲嘢」

然後去到秋葉原玩高卡車，雖然翠如話「（高卡車）好舊啦喎！」，但因為Do姐一句「我鐘意呀」就決定去玩！C君就話「佢遲啲返明朝拉人力車添啦！」

陸永：「有冇搞錯呀！舊！食飯唔舊咩？你咪又係食」；C君臨尾仲要補多句：「佢自己都舊啦！」真係笑死！！

之後去銀座行街，C君同陸永又想氹Do姐買嘢送俾佢地～

試完衫出嚟叫陸永360度轉身比佢睇！陸永諗住整個側手翻比Do姐望真啲件衫（笑）！

翠如話自己就黎生日，點知Do姐就轉身話去睇T-shirt！

佢地又係度笑Do姐「好唔尊重人地生日，但佢自己又⋯⋯佢都有生日，佢多過我地好多次咖啦，所以佢覺得唔重要」係Do姐背後咁樣笑佢，會唔會比Do姐鬧呀～

C君嘅自嘲都好搞笑！！！

去到二手市場，翠如就講咗個連Do姐都唔想笑嘅爛Gag，仲叫翠如唔好學農夫佢地搞哩啲爛Gag！

陸永就即刻話：「哩個Gag似我地？哩個剩係爛咋喎，都唔叫係Gag」

去到戶外運動場，Do姐講錯話去「睇運動」，即刻比佢地三個窒！C君仲要扮Do姐把聲講：「你而家挑戰Do姐呀？」

玩攀石嘅時候，Do姐想扶翠如，又比陸永笑「你以為你有好多鈣質咩」，係咪又想笑Do姐個鈣質舞先！？

當Do姐唔小心跌落嚟嘅時候，以為陸永會講啲安慰說話，點知都係寸Do姐生命力強到好似曱甴咁！真係勁衰！！！

仲有笑Do姐個動作似驅魔人！其實佢地真係煩得黎又好搞笑～

去到買戶外用品嘅地方，Do姐拎起個「鈴鐺」考下佢地哩舊嘢叫咩名，C君即刻反應勁快話：「鄭裕鈴鈴」，轉數快到勁誇張！！

小編覺得農夫佢地勁假咁俾反應Do姐都好好笑，成日都扮笑／扮附和！

未睇嘅朋友記住睇返呀～佢地幾個真係好搞笑！！！

Text Source：Girls Editorial

Photo Source：TVB