首次獲提名最佳女配角！「大小姐」林淑敏勇敢戰勝乳癌，與「送水輝」感情線被讚有驚喜～

TVB嘅處境劇《愛．回家之開心速遞》每晚都陪住大家食飯，一班演員成功入屋！最近喺《開心速遞》飾演「大小姐」嘅林淑敏（Mandy）成功被提名「最佳女配角」最後20強，係繼2005年被提名「飛躍進步女配角」後，第2次被提名！

平時係《開心速遞》入面盡顯巴辣本色、尖酸刻薄嘅大小姐龍力蓮，最近同送水輝嘅愛情線受到觀眾喜愛，被網民大讚哩條線好有驚喜，趣味性十足～

劇中大小姐不停發起攻勢，猛烈追求送水輝，唔比其他人蝦送水輝，對佢呵護備至～

又唔畀送水輝拎薯片，又唔畀佢遞界刀！哩頭鬧完人，對住送水輝個樣又勁溫柔～

不過因為送水輝囝囝「飛立」嘅出現，令一向好憎小朋友嘅大小姐發惡夢，個個網民都話哩條線充滿笑點！

真係好好奇兩人究竟會唔會係埋一齊呀～

網民特別鐘意大小姐大吼大叫發脾氣個樣～

「不懂撒嬌的大小姐」嗰集都好好笑！！

飾演送水輝嘅許家傑、小秘書Mandy都為大小姐能夠提名最佳女配角感到開心～

大家可能只係睇到Mandy飾演大小姐巴辣嘅一面。現實中Mandy曾經不幸患上第二期乳癌，一夜之間甩哂啲頭髮！

好彩有老公一直陪伴扶持、積極接受手術同化療，抗癌成功！因為曾經患重病嘅關係，Mandy都好明白健康嘅重要性，所以都成日提醒身邊嘅朋友要注重飲食～

Mandy喺2013年抗癌成功後就同老公拉埋天窗，成日喺社交網站放閃～已經相愛17年嘅小倆口真係非常恩愛！

好鐘意小朋友嘅Mandy，同老公商量過之後，以佢健康為主題，決定放棄生育～

其實Mandy係2000年嘅落選港姐，仲拎咗「網上最奪目小姐」獎項！入咗TVB之後，雖然一直都係擔任綠葉，直至《開心速遞》哩個角色成功入屋，令大家睇到佢出色嘅演技～

之前喺《真相》裡面飾演性格瘋癲嘅闊太Emily，被網民瘋狂改圖～

最近人氣勁爆，網民亦都話大小姐應該提名「最佳女主角」，因為成套戲大小姐先係重點！網民都話Mandy演繹大小姐哩個角色真係好成功，好想佢拎獎咁話！

小編覺得最Warm嘅係Mandy會親自覆每一個粉絲嘅留言，作為一個生活忙碌嘅藝人嚟講真係好難得有哩顆心～

Text ： Girls Editorial

Photo Source：Weibo、TVB