蔡思貝係成個MV入面最靚！5位港姐化身韓國女團性感大跳《到此一遊》，網民：「嚇死本尊了！」

明明TVB上個月先話要實施「禁奶令」，令一眾女藝人喺台慶冇得再Show胸。事隔一個月，TVB為咗宣傳《勁歌金曲》總選，搵嚟5位港姐合唱TVB超Hit劇集《降魔的》嘅主題曲《到此一遊》！

5位港姐分別係黃心穎、蔡思貝、馮盈盈、邵珮詩同埋張寶兒，5位都係超哂班咁靚嘅港姐，令到哩個MV養眼度十足呀～

喺哩個MV入面，以黃心穎嘅衣著最性感～

心穎BB化身紋身女郎，穿著一身寶藍色背心同林師傑埋身肉搏，仲露出咗大大條事業線，大Show美好身材～

除咗心穎BB之外，最多鏡頭嘅就係蔡思貝啦～蔡思貝今次無論係妝髮定係衣著都係最有韓味！

所以都獲網民盛讚「無諗過個MV覺得最靚竟然係蔡思貝，個妝好襯佢」、「平時唔覺，今次講句公道說話，真心幾靚！」

MV入面同周志康又攬又壁咚～

另外獲得網民大讚嘅係馮盈盈！身穿黑色皮質低胸露腰小背心，外加一件粉紅色皮褸，性感程度都唔輸蝕！

網民仲話馮盈盈係世界級咁靚！

只係唔明佢拎住把電据殺喪屍做乜⋯⋯

張寶兒相對其餘4位港姐，喺MV入面只係獲得好少鏡頭！專門負責玩蛇＋蜥蜴，條裙都只係露咗少少腰，難怪被比下去～

邵珮詩喺入面都係負責行行企企，穿著唔算太性感，又冇乜特別～

反而成日登大對眼扮Cute，同哩個MV主題好似唔太夾！

不過張寶兒同邵珮詩就比網友負評，覺得張寶兒零存在感、邵珮詩太格格不入，覺得唔應該揀佢地去演繹哩隻歌～

其實佢地5個跳舞都唔算話勁齊整，如果夾硬要同韓團比較，編舞略嫌太簡單，令網民認為「好似睇緊進階版ffx」

而且隻歌Remix到好像90年代咁，唔會想聽第二次

又有網民話：點解唔搵啤啤（劉佩玥）拍！如果有埋啤啤就Perfect！

今次個MV對TVB嚟講都算係一個突破，但係想抄韓團真係要再花多啲心機啦～

Text ：Girls Editorial
Photo Source：YouTube、Instagram