陸永細女遺傳搞笑基因！人仔細細大爆可愛金句，鬼馬幽默性格似足陸永～
陸永和C君因為幽默搞笑和轉數快的急才，經常發放不少笑彈，只要有他們主持的節目或戲劇的演出，都會有著笑到起腹肌的效果。而陸永兩個寶貝女一個乖巧漂亮，另一個細女就遺傳了爸爸陸永的搞笑本色，不時大爆可愛鬼馬的金句，一言一行都散發著幽默感，人氣不輸《爸爸5》的萌娃們呀！
陸永兩個寶貝女人氣絕不比爸爸低！大女Hannah眼大大，外貌似足媽媽，完全遺傳了媽媽的高顏值良好基因，長大後必定是個美人胚子無誤～而且性格精靈乖巧，疼愛著爸爸，又有家姐風範，常常主動讓著細妹，體諒細心得不禁叫人想好好寵著她。
而細女sim sim 跟家姐正正相反，走鬼馬可愛路線，特別剪了冬菇頭之後，更加適合她搞鬼的性格，從骨子裡散發著的幽默完全是遺傳了爸爸的基因，她更不時爆出驚人金句，超可愛的一面圈粉無數！
在11月農夫舉行了《農夫等錢洗演唱會》，其中一場靚媽Reina帶著Hannah和sim sim到現場支持爸爸和CC叔叔，完場後媽媽問simsim還想不想睇爸爸和CC叔叔，已經累透的sim sim醒目回答：「會好攰喎...你叫埋CC叔叔嚟我屋企就睇到佢兩個啦...」，轉數跟爸爸一樣快！
有次媽媽Reina叫sim sim出廳玩，而當時手拿著零食的sim sim多次拒絕，更大曝金句：「玩仲悶d呀，食野唔悶呀！」，隨後家姐Hannah在後面更扮Do姐手指指著說：「你哋3個低級呀！」，全家人的互動都有趣又帶著愛～
日前媽媽Reina於instagram再爆sim sim的笑料：「前幾日出街，我叫佢去梳下個頭先出門『sim， 你去梳下你個頭啦，成個癲婆咁』佢話：「我覺得癲先得意，我唔梳啦！」。今日，佢唔係問「我癲唔癲？」佢係問「我夠唔夠癲？」，sim sim的癲妹性格的確很可愛。
sim sim的喜感就連爸爸陸永都忍不住笑，一次因為兩女做錯事，本來在嚴肅地訓導兩個女的陸永，因為sim sim又不經意地露出了令人發笑的表情，最終使平日講笑自己都可以忍著不笑的陸永，在教女的時候忍不到笑，更被兩女反問：「你笑咗喎！」。
sim sim 外表可愛之餘，言行又像爸爸一樣古靈精怪，不少網民都追蹤著媽媽Reina的instagram為看她分享sim sim的搞笑日常，隔著電話螢幕也被她可愛融化呢！
陸永娶了一個又美又能幹的老婆，再加上兩個乖巧可愛的女兒，每天都生活在笑聲中，真是很幸福呀！
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
