download GirlStyle 女生日常 app
陪跑17年依然痛失視帝!馬明10次提名最佳男主角都無緣獲獎,網民:「咁努力都係得呢個豬肉獎」

陪跑17年依然痛失視帝!馬明10次提名最佳男主角都無緣獲獎,網民:「咁努力都係得呢個豬肉獎」

Trendy 人氣熱話
By Sammi on 22 Jan 2018
Senior Editor

唔知大家琴晚有冇坐定定係度睇TVB嘅《萬千星輝頒獎典禮2017》呢?無論有冇睇嘅你,相信都一定係好多唔同社交平台得知頒獎賽果,最後視帝同視后寶座就分別落咗係王浩信同唐詩詠手上~不過好多網民得知結果後,除咗送上祝福,同時又戥入行17年,係演藝路上一直默默耕耘嘅馬明唔抵,有網民就翻抄過往馬明嘅被提名獎項嘅紀錄,就發現到原來馬明之前就曾被提名10次最佳男主角,可惜多年來都只係陪跑!

廣告
廣告

ssstvb04

根據以往被提名視帝紀錄,馬明之前已經有10次提名最佳男主角,而其中3次更成功晉身最後五強,但係最終都係無緣摘下視帝寶座!曾被提名視帝紀錄如下:2005年《同撈同煲》、2006年《愛情全保》、2008年《律政新人王II》、2011年《紫禁驚雷》、2012年《On Call 36小時》(最後五強)2013年《On Call 36小時II》(最後五強)、2014年《寒山潛龍》、2015年《梟雄》、2016年《為食神探》、2017年《降魔的》(最後五強)

ssstvb03

好多網民都戥馬明唔抵,紛紛留言表示:「真可惜,每年都是差少少!」、「馬明,公司唔重用你,唔駛咁忠心留底,離開大台啦。咁努力都係得呢個豬肉獎。」更有網民出聲表示力撐馬明,叫馬明唔駛灰心:「我覺得馬國明先生是視帝」、「你才是我心目中的視帝」、「 馬明加油...撐你」、「好想馬明攞視帝!」

ssstvb10

不過有人就話因為馬明係得民心,所以先拎到最受歡迎男角色獎,而唔係視帝,「這就是最受歡迎男角色和最佳男主角的分別,就如電影的最佳男主角也不是選最受歡迎的人。」、「這個絕對不是豬肉獎。是表示受觀眾喜愛的大獎!馬明,恭喜你!」

ssstvb08

廣告
廣告

雖然馬明一向有觀眾緣,而且近乎零負面新聞,也因為踏實乖仔嘅個性令大家都喜歡他,之前係《萬千星輝頒獎典禮2012》宣布黎耀祥當選「視帝」後,被鏡頭捕捉到馬明O嘴率真呆樣,亦因為佢「天然呆」嘅真個性而令網民都更鍾意佢為人,所以近哩幾年來好多網民都想推舉佢做視帝!

ssstvb01

可惜多年來雖然接拍嘅戲都唔少,但始終一直都得不到大台重視,即使近年多次被提名最佳男主角獎,但最後都只係屬陪跑一角,無緣獲獎!

ssstvb05

其實馬明自2003年開始至今,就已經係各個獎項獲得過26次提名,不過都只係獲獎3次~第一個獎就係於《萬千星輝頒獎典禮2006》獲「飛躍進步男藝員」,當時更係首次被提名「最佳男主角」相信2006係佢嘅上位年 !

ssstvb02

第二個獎就係於2012年因《On Call 36小時》一劇而獲「我最喜愛的電視男角色」,大概係佢事業嘅高峰期~

ssstvb07

雖然今年依然無緣視帝寶座,不過馬明都依然好珍惜每個獎項,獲獎後發表感言時都依然謙卑有禮:「無諗過會拎獎,要多謝《降魔的》編審同監製,我都講過一生人未必遇到好多好劇本,《降魔的》絕對係其中兩三個。我已經唔知講咩喇,雖然今日公司講咗唔準多謝某啲人,不過咁多女藝人都唔理限色令,所以我都唔理咁多喇!多謝樂小姐,我唔太聽話你都對我咁多,多謝珍姐,我喺度17年你鬧足我咁多年。多謝《降魔的》台前幕後,TVB所有工作人員!」

ssstvb12

唔知大家對於視帝賽果又點睇呢?

Text: Girls editorial

Photo Source: TVB screen cap, tvb.com

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載