袁偉豪被網絡公審？睇戲被斥態度差兼自以為天王巨星，商台DJ阿檸爆薯片先生「大大聲問候人」！

前晚（25日）就是電影《復仇者聯盟3：無限之戰》（Avengers: Infinity War）正式上畫，而袁偉豪跟其他幕後人等前晚分別獲邀看特別場，本來看戲應該是一件開心事，不過當晚卻因為有幕後宣傳人員一邊看戲一邊吃薯片而最終掀起一場網上罵戰！該名幕後宣傳人員先在FB揞名揶揄某TVB男artist，後來袁偉豪於FB承認自己是此事的主角，同時發文指控對方爆粗無禮，這事也引來一眾網民「食住花生等睇戲」！

事源是有一位幕後宣傳人員前晚看完《復仇者聯盟3：無限之戰》的特別場，凌晨在fb留言簡單提及電影好看，之後就說出在看戲時遇到一件不愉快事件，更網絡公審某TVB男artist：「遇到一個自以為天王巨星嘅TVB男artist，從好多tvb前輩口中都聽過呢位上位中的小生態度非常差，今日親歷其景……我在吃電影院購買的薯片，他竟然用極差的語氣同我講『你細聲點！』」就此事，他再斥該TVB男artist：「你咁驚聽到任何電影以外聲音，你點解唔自己包個戲院睇，咁咪冇聲咯……坐得喺呢個area嘅都係行內人，你要覺得自己有幾紅先會用咁冇禮貌嘅語氣同人講嘢？真係火都黎」

雖然該名幕後宣傳人員並沒有提及袁偉豪的名字，但是袁偉豪還是大方的在FB上向大家承認這幾位行內人所說的人正是他，本來可以靜心去欣賞一場好戲，但後來變成如此收場要讓幾位同行留下不好印象，要讓大家有個不愉快的晚上！

袁偉豪續說：「首先我表示歉意！但我要澄清一點，我並沒有用不友善的眼神望著你們，我只有對著當時正在進食nachos時把包裝發出聲響的那位朋友在他耳邊輕聲説聲：『唔好意思，可否細聲一點？』這位朋友就回應我一下並且表現得很合作，直至電影最後出字幕的一刻，這位nachos 先生旁邊的朋友就向我連聲說道：『咁x巴閉包場睇戲呀嗎！未聽過人講話睇戲不准進食！什麼大明星！咁X巴閉,點解要攞免費飛睇呀？』等等⋯⋯人之常情，我當刻真的有點火起，但我只有回頭跟這幾位行內人正面説：剛才真係唔好意思，我已經好有禮貌而且在你耳邊細聲說吧！（沒有讓大家失儀的意思）對方説：得！我一定（將事件）擺上網，總之坐咗係你隔離嘅就唔係二打六！我跟他點頭之後我便跟我幾位圈中朋友離場！」

「我想再搞清楚一點，我冇唔準你進食！只係想你能為他人設想，進食時細聲一點！讓大家可以專心觀賞電影而已，而且我們都是主辦單位邀請來的賓客更是沒有分高低你我！最後，我不是想和你們有什麼口舌之爭，只是想為我自己做過的事負上責任，無論你是『行內行外人又或者是什麼人也好』只是希望大家可以説一點道理和給大家一些基本專重！多謝」

有很多網民都留言表示力撐袁偉豪：「撐你呀牙佬(天堂哥)」、「Ben放心啦，香港仲有好多有有眼睛之餘還有腦袋的～」、「公道自在人心」、「你應該化身為美國隊長好好教訓條友」、「撐你~~因為我睇戲都同你一樣~唔想俾人騷擾~~噪音太多真係好難投入去睇一部電影」

不過原來事件還有後續，商台DJ阿檸也分享了袁偉豪的文章，表示當晚自己正正就是坐在這位薯片先生（該名幕後宣傳人員）的正前方，並發文去敘述了整件事的經過！阿檸大概內容是說當晚自己有看到肉緊情節，自己不小心坐高了5cm，竟已經被薯片先生叫他坐低，之後完場等彩蛋的時候，薯片先生就開始說「有人啤佢又剩」，當阿檸以為薯片先生在說他時，原來才發現是在對袁偉豪說！

阿檸在FB表示；「即係原來都係咁啫，真係純粹因為你真係nobody，網上公審人就點講都得，大明星問你少少嘢又講晒唔好意思又剩都係一種冒犯，套戲都未完場大家等緊彩蛋嘅時候，你係咁喺度話識人老鼠，又好騷擾咁大大聲問候人又點計？就因為你真係nobody就唔洗負責任囉，都啱嘅，都幾符合marvel電影嘅精神吖，能力越大責任越大，你要負嘅責任咁細，所以能力咪細囉，叫人因住嚟，你都係出個post啫下嘛？唔好詼諧啦，講到咁大～差啲以為你要搶人粒寶石～」

而袁偉豪就有在阿檸的文章下留言：「我也見到！」阿檸也回應道：「如果俾你攞到時間寶石，返番尋晚，你會點應付」

現在這件事也引起了很多人的討論，大家都在坐定定食花生，這次有阿檸出來把事件說出來，力撐袁偉豪，同時也令更多網民好奇到底誰是「薯片先生」，大家都想把「薯片先生」揪出來～

Text: Girls editorial

Photo Source: Facebook, Weibo