download GirlStyle 女生日常 app
「豪俾你啦」冧到爆!送水輝大小姐今集甜到糖尿,群姐完美助攻,送水輝確認大小姐心意!

「豪俾你啦」冧到爆!送水輝大小姐今集甜到糖尿,群姐完美助攻,送水輝確認大小姐心意!

Trendy 人氣熱話
By Cynthia on 30 May 2018
Digital Editor

送水輝同大小姐嘅愛情線絕對係觀眾最愛收睇嘅情節,雖然一開始送水輝只係將大小姐當作客人看待,之後日久生情,漸漸發現原來大小姐都有好多值得欣賞嘅一面~噚晚播出嘅《愛回家之開心速遞》「初戀無限Loop」入面,再次突顯送水輝對大小姐肯定有意思,究竟兩人幾時先肯喺埋一齊呀?

廣告
廣告

噚晚播出嘅「初戀無限Loop」一開始就上演送水輝同大小姐嘅床戲!以為只係大小姐FF?又唔錯得哂,其實係大小姐又幫襯送水輝嘅「初戀無限Feel」其中一篇~

Screen Shot 2018-05-30 at 11.38.01 AM

大小姐遞張咭俾送水輝嘅時候發覺只係得返5個空格,即係代表「龍小蓮」同「牛頭角輝Dee」嘅故事好快就要叫停!

Screen Shot 2018-05-30 at 11.39.40 AM

大小姐因為怕星期六冇得再用「龍小蓮」嘅身份同送水輝出街,所以呢幾日都顯得心事重重~見到送水輝都會迴避,因為怕自己會忍唔住約佢見面(笑)~

Screen Shot 2018-05-30 at 11.40.40 AM

公司入面嘅群姐因為太想見到歐陽震華而偽造公司印咭,打算去呃歐陽震華見面會入場券(網民話想睇歐陽震華同群姐感情戲,好重口)!被揭發之後,群姐上咗大小姐Office自辯,當講到:「想見一個人但又無法擁有嘅心情」,大小姐同群姐都忍唔住攬住一齊痛哭!大小姐同群姐都真係七情上面、流哂眼淚出嚟㗎!

廣告
廣告

dScreen Shot 2018-05-30 at 11.44.56 AM copy

見到群姐整假咭,大小姐有樣學樣,走去印刷公司整假咭嚟呃送水輝!大小姐喺門口講暗號嗰度真係超搞笑~

Screen Shot 2018-05-30 at 11.48.09 AM

送水輝喺街上撞到明珠(馬蹄露飾)用假咭呃佢,仲要比送水輝即場揭發!送水輝即刻嬲爆:「之前大把女人想用呢招呃我,所以我先係張咭度整咗防偽標籤保障自己!你已經觸碰咗我嘅底線,已經被列入黑名單,無論如何我都唔會再為你提供服務!」正式同明珠劃清界線!

Screen Shot 2018-05-30 at 11.52.55 AM

係呢件事之後,大小姐拎張假咭出嚟俾送水輝吸印仔,但係當送水輝發現大小姐嗰張係假咭,唔單止冇發脾氣,反而甜笑勁Sweet咁同自己講:「算啦,當豪俾你~」呢句真係Sweet到小編睇到嘴角上揚,完全Feel到佢哋嗰種戀愛感覺!

Screen Shot 2018-05-30 at 11.58.27 AM

其實送水輝諗起群姐同佢講過:「大小姐同我坐埋同一條船,大家都愛上一個只係當自己係客人、而唔屬於自己嘅男人」相信群姐呢個助攻,對於佢地日後嘅關係都好有幫助呀!

Screen Shot 2018-05-30 at 11.56.35 AM

大小姐同送水輝呢個組合已經成為觀眾必睇嘅單元,而佢地喺Instagram亦成日Po出合照~雖然兩人已經名花有主,但係觀眾都勁Enjoy睇佢地做「大小姐」、「送水輝」嘅角色!

Screen Shot 2018-05-29 at 6.22.19 PM

好期待嚟緊初戀套餐嘅「棒打鴛鴦篇」、「求婚篇」呀!雖然好想佢地快啲係埋一齊,但佢地真係拍拖又好似會冇咁搞笑~

Text:Girls Editorial

Photo Source:TVB、Instagram

 

 

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載