擦出超爆笑火花！《兄弟大茶飯》Mean爆對話觀眾勁Buy，兩位助手成為新一代女神BB！

如果想知一對好兄弟係點相處？睇TVB綜藝節目《兄弟大茶飯》就會知道啦！蕭正楠同曹永廉一向都老友鬼鬼，兩個成日喺社交網站互寸互窒，完全Feel到佢地嘅兄弟情～喺《兄弟大茶飯》入面，佢地兩個亦都大講有味笑話，將真實兄弟相處嘅情況盡現觀眾眼前！網民仲話：「佢兩個做就唔洗睇煮嘢，講嘢就夠曬笑料啦！」

《兄弟大茶飯》周圍煮嘢慰勞同事係其次，重點一定係睇蕭正楠同曹永廉擦出嘅火花！而且節目仲有得去外地探班，又可以睇埋其他拍攝中劇集嘅幕後小故事，真係幾有新意～

網民大部份都留意到蕭正楠同曹永廉成日踩界開黃腔，大講有味笑話，例如喺噚晚播出嘅第三集入面，蕭正楠北上去橫店探班！成日聽到演員話去橫店拍劇，今次終於可以睇到演員拍劇嘅幕後小花絮～今集仲要大開黃腔，而且呢啲出位言論竟然出自嘉賓姚子羚！

當蕭正楠同曹永廉揭開專門為姚子羚製作嘅「意大利松露飯」時，姚子羚第一句竟然話「諗起第二啲嘢」，好似某個器官！

姚子羚仲話「但呢個器官會唔會細咗少少」、「係唔係按照阿廉嘅Size嚟做？」

蕭正楠亦唔輸蝕地講咗句：「我唔知你平時食開咩Size喎！」踩界嘅程度真係令人咋舌，難怪今集節目開始之前有個「成人情節」嘅警告啦～

不過觀眾就話：「估唔到佢地2個講咁多露骨嘢，仲咸過公公出埠時4條友講的嘢，但都幾好笑」、「阿蕭加上阿廉這組合真係爆笑保証，有佢地既節目我一定睇，睇完再睇都仲係好好笑」

除此之外，佢地仲有兩位公司女藝員做助手，就係余思霆同胡美貽啦～佢地兩個都係選美出身，同樣擁有又長又幼嘅美腿，連身為女生嘅小編都勁羨慕佢地雙美腿啊T^T

A post shared by Stitch Yu 霆霆 (@yutingting94) on Jul 29, 2018 at 10:40pm PDT

來自紐約嘅余思霆（霆霆）係2016年美國華裔小姐冠軍，同時亦係國際中華小姐冠軍！

A post shared by Stitch Yu 霆霆 (@yutingting94) on Nov 19, 2017 at 7:18pm PST

雖然霆霆講廣東話仲有少少口音，不過人哋啱啱先加入TVB年幾，相信未來會有好多機會比佢慢慢磨練嘅！

A post shared by Stitch Yu 霆霆 (@yutingting94) on Jul 23, 2018 at 6:41am PDT

另外一位受到網民熱烈關注嘅就係胡美貽（Nicole）！雖然舊年選美十強止步，但係佢就加入TVB成為藝員～

A post shared by Nicole Wu 胡美貽?糕糕 (@nicolewmy) on Jul 11, 2018 at 10:50pm PDT

因為身材出眾而成為網民熱話，而且佢除咗喺《兄弟大茶飯》擔任助手之外，喺觀眾好鐘意嘅《愛回家之開心速遞》入面都擔任Abby一角！遲啲仲會有好多機會見到Nicole啦～

A post shared by Nicole Wu 胡美貽?糕糕 (@nicolewmy) on Jul 25, 2018 at 3:43am PDT

呢個綜藝節目笑料百出，深受觀眾歡迎，仲有媒體預測《兄弟大茶飯》將會有機會得到《最佳綜藝》添！

Text：Girls Editorial

Photo Source：Instagram，TVB