download GirlStyle 女生日常 app
事隔18年再出現樂壇頒獎禮!古天樂憑半首歌奪「最喜愛男歌手」,開金口唱《男朋友》歡呼聲不絕!

事隔18年再出現樂壇頒獎禮!古天樂憑半首歌奪「最喜愛男歌手」,開金口唱《男朋友》歡呼聲不絕!

Trendy 人氣熱話
By Cynthia on 02 Jan 2019
Digital Editor

嚟到年尾又係香港樂壇派發成績表嘅時候啦!講到今年樂壇最為網民津津樂道嘅,就一定係已經好耐冇唱過歌嘅古天樂同謝安琪合唱《(一個男人)一個女人和浴室》!歌曲一推出,網民又即刻話要推古天樂成為「最受歡迎男歌手」~結果喺噚晚嘅「叱咤樂壇流行榜頒獎典禮」入面,古天樂眾望所歸,成功奪得「最喜愛男歌手」獎!

廣告
廣告

Screen Shot 2019-01-02 at 11.01.07 AM

噚晚司儀林海峰宣佈古天樂獲得「我最喜愛男歌手」獎時,全場尖叫聲不絕之餘,台下歌手都企哂起身以示尊敬!古仔喺台上亦笑稱:「我真係好鐘意唱歌,但唔識唱歌,好怪,有奇迹出現!行到上台攞呢個獎,真係冇嘢好講!

Screen Shot 2019-01-02 at 10.42.50 AM

上年接任成為「演藝人協會會長」嘅古天樂,對於香港娛樂圈發展不遺餘力!但古天樂亦都非常謙虛,喺台上表示:「多謝投票嘅人,你哋唔駛企起身啦,大家最鐘意唔係我嘅歌,上年我做咗演藝人協會會長,第一個職責就係想幫樂壇,用僅餘時間同歌手食飯,了解樂壇嘅變化同困難,但佢哋團火係未熄過,我好開心,作為新人要記住,夢想每一日每一刻都唔好忘記,無論成功與否,做人要蝕底,記住要去試,就已經係成功嘅一半!我哋香港樂壇、廣東歌就靠你哋!」

Screen Shot 2019-01-02 at 11.04.01 AM

然後少不了嘅,就梗係叫古仔上台開金口唱歌啦!容祖兒、謝安琪、張敬軒同麥浚龍等等都推波助瀾,成功令呢位「樂壇王者」開金口唱咗幾句經典金曲《男朋友》,全場仲一起為佢打拍子,真係滿滿嘅回憶感呀!!

Screen Shot 2019-01-02 at 10.36.42 AM

古天樂曾經喺2000年至2004年期間發行過4張唱片,經典歌曲有《男朋友》、《今期流行》等等!古仔亦都有為佢主演嘅電視劇唱主題曲/插曲,對小編嚟講最深刻嘅就係《天命最高》,一見到呢4隻字真係有聲!(笑)

Screen Shot 2019-01-02 at 10.46.36 AM

唔少觀眾都喺電視機前面睇住頒獎禮,網民對於古仔獲獎+喺台上開金口唱歌都表示驚喜!但都有部分網民認為古天樂全年只係唱咗半首歌就可以入圍,對其他歌手唔公平,更講話「香港樂壇已死」!唔知大家又有咩睇法呢~

Text:Girls Editorial

Photo Source:903商業電台

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載