孖曾樂彤唱歌被嘲災難!張敬軒提攜後輩不遺餘力,網民大讚:「真心為香港樂壇付出嘅好歌手~」

孖曾樂彤唱歌被嘲災難!張敬軒提攜後輩不遺餘力,網民大讚:「真心為香港樂壇付出嘅好歌手~」

Trendy 人氣熱話
By PressLogic on 02 Jan 2019

香港樂壇並唔係大家講嘅一潭死水,仲有好多人不斷喺背後默默努力,做好本地音樂俾香港人!要香港樂壇繼續發光發熱落去,唔少得嘅就係傳承~今年《2018年度叱咤樂壇流行榜頒獎典禮》兩位樂壇新人獎得主洪嘉豪、曾樂彤都齊聲喺台上多謝張敬軒,令大家驚覺原來張敬軒一直都默默提攜後輩上位,仲大讚佢係「真心為香港樂壇付出嘅好歌手」添!

Screen Shot 2019-01-02 at 5.03.45 PM

噚晚頒獎禮入面,「叱咤樂壇新力軍」銀獎得主曾樂彤點名多謝同公司嘅張敬軒:「呢一年嚟,佢好多表演都帶咗我出嚟,呢啲對佢嚟講都係唔必要嘅,但我都知道佢為咗幫我,承受咗一啲不必要嘅壓力

Screen Shot 2019-01-02 at 4.53.46 PM

相信曾樂彤講緊嘅就係幾個月前《星光熠熠耀保良》入面,張敬軒同曾樂彤以歌舞劇形式表演,軒仔獨唱《點解我鐘意你》然後同曾樂彤合唱《你回來吧》,呢個表演一出街就負評不斷,網民仲話呢個表演係災難級,更有網民唔明點解咩表演都要帶埋曾樂彤出嚟!

Screen Shot 2019-01-02 at 5.02.13 PM

然後叱咤頒發「叱咤樂壇新力軍」金獎,由洪嘉豪奪得!洪嘉豪上台致詞嘅時候亦都感激張敬軒對佢嘅賞識,原來佢哋兩個超有緣份,因為當年帶軒仔嚟香港嘅就係洪嘉豪嘅媽媽,所以洪嘉豪都話張敬軒係「由細睇到我大!」

Screen Shot 2019-01-02 at 4.56.49 PM

洪嘉豪除咗多謝環球唱片嘅前輩之外,亦都多謝張敬軒:「不得不多謝由細睇到我大、默默喺背後關注我嘅張敬軒先生,多謝你,如果冇咗你,我冇機會做音樂

Screen Shot 2019-01-02 at 4.59.09 PM

洪嘉豪推出自己作曲嘅出道作《半天空檔》時,張敬軒喺Instagram上面大讚呢位新人!兩個份屬唔同經紀公司,但軒仔亦都跨越呢個隔膜向大家推薦佢嘅音樂,仲搞笑地講:「我鄭重向各位樂迷誠意推薦  #歡迎轉會 」,然後仲要好貼心Tag埋KAHO嘅IG、Hashtag歌名等等!


View this post on Instagram

A post shared by Hins Cheung 張敬軒 (@hinscheung) on

其實喺張敬軒澳門演唱會彩排時,軒仔就叫洪嘉豪幫手代唱《櫻花樹下》,令佢可以去台下聽吓人聲同樂隊嘅比例!點知洪嘉豪一開聲就一鳴驚人,令到軒仔忍唔住大讚:「那一刻,我就知道他終於會有那麼一天,會在音樂裏開辟一片屬於自己的天地。

Screen Shot 2019-01-02 at 4.44.53 PM

早幾年張敬軒亦都超大方地叫大家投票俾陳柏宇:「近年頒獎禮因為古巨基、陳奕迅、李克勤淡出,所以我們先有機會,我都是受益者,更加想同後輩分享。我自己想攞獎,不過都想有新面孔上台,Jason為人禮貌,已入行十年,值得更多人給予肯定。」

Screen Shot 2019-01-02 at 5.15.44 PM

樂壇的確有好多唱得、跳得嘅歌手,但真正想樂壇有良性競爭、令香港人聽到唔同嘅聲音,一心一意為香港樂壇付出嘅,張敬軒絕對表表者!

Text:Girls Editorial

Photo Source:叱咤、Instagram

【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: girls@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girls.presslogic


張敬軒

Share to Facebook