坦率剖白內心世界!張敬軒《軒仔與他的產地》細說當年,網民:「一個鐘真係唔夠睇!」

坦率剖白內心世界!張敬軒《軒仔與他的產地》細說當年,網民:「一個鐘真係唔夠睇!」

Trendy 人氣熱話
By GirlStyle on 07 Jan 2019

張敬軒近年多多搞作,除咗扮女聲以「降兩度」身份開Concert之外,最近亦都同TVB合作拍攝《軒仔與他的產地》,講述佢出生、成長嘅地方-廣州~噚晚播出嘅第一集,一開播就引嚟網民熱話,唔少Comment仲大讚軒仔添!

Screen Shot 2019-01-07 at 10.30.11 AM

張敬軒喺一個充滿壓力嘅家庭成長,細細個六年級已經學識自己煮飯俾全家食,考試成績唔好亦都會俾呀媽打,其他小朋友睇卡通嘅時候,佢就要練琴!直到而家37歲人都未試過俾媽媽讚過⋯⋯而軒仔之所以踏上音樂呢條路,亦都係靠張爸爸嘅栽培~

Screen Shot 2019-01-07 at 11.07.10 AM

好多人以為做明星好風光,但軒仔心入面都感到好對唔住媽媽,因為佢自覺冇做好「兒仔」嘅責任~張媽媽曾經講過:「我唔想你做明星,我寧願你做消防又好、公安又好,剩係想你定時定候返屋企飲湯食飯

Screen Shot 2019-01-07 at 10.39.47 AM

軒仔嘅明星之路唔係一開始就一帆風順,17歲嘅時候軒仔曾經拎住3萬蚊,同一間公司簽約,但一個禮拜後個騙子就一走了之!因為俾人呃完,佢就決定退居幕後,仲做咗錄音室嘅學徒,之後仲升咗做「音頻製作部主管」,只可惜公司因為經營困難又倒閉~最後佢喺2003年帶著3000蚊嚟香港,喺尖沙咀二、三星嘅酒店住足9個月~好彩之後得到唔少曝光機會,成功得到香港人嘅喜愛~

Screen Shot 2019-01-07 at 11.42.02 AM

相信唔少觀眾都對張敬軒間百年古屋非常有興趣,充滿格調嘅大屋令人完全好似置身外國嘅古堡之中!喺節目入面真係Feel到軒仔嗰種個人品味絕對唔係扮出嚟,亦都好識得珍惜舊屋主嘅心血、重視保育,超有心!

Screen Shot 2019-01-07 at 11.31.32 AM

Screen Shot 2019-01-07 at 11.31.52 AM

雖然而家嘅中港矛盾鬧得好僵,但係網民亦都大讚:「一個人嘅出身地冇得揀,軒仔嚟香港唔係只想拎著數,佢真係出力出錢保留好多文化嘢,可能佢明白大陸有幾差,先咁珍惜香港」、「好鍾意佢好有內涵 同埋尊重長輩 懷舊事物嘅態度 好多人去到某啲位置就會變咗 但佢靠努力行到今日呢個位 都繼續出錢出力保育文化同音樂」

Screen Shot 2019-01-07 at 10.31.28 AM

而且大家睇個節目嘅時候都覺得聽軒仔講嘢好舒服:「字正腔圓,好溫柔,好有內涵嘅感覺」

Screen Shot 2019-01-07 at 11.44.50 AM

睇完呢個節目真係會由衷地佩服佢經歷咁多事,都仍然堅持落去、不斷自我增值嘅精神~雖然佢唔係土生土長嘅香港人,但佢比起好多香港人更加識得點樣去保衛香港文化,呢樣都係我地好需要學習嘅事啊~

Text:Girls Editorial

Photo Source:TVB

 

【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: girls@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girls.presslogic


張敬軒

Share to Facebook