龔水戀後續！水水出POOL後遇痴心曹總，水水狠心拒絕：你唔好再等我啦～～

相信對於一班《愛回家》嘅Fans嚟講，噚晚播出嗰一集真係滿足哂一眾觀眾嘅心願！龔水等咗咁耐終於有進展，令到一班Fans都喺討論區度表示：「Sweet到尖叫」！不過龔水CP成真，有一個人就最唔開心，佢就係《愛回家》嘅「痴心長情劍」曹總啦～水水出Pool之後喺街度撞到曹總，仲即刻狠狠咁拒絕咗佢添！！！

龔燁同熊若水呢條線已經玩咗好多集，編劇玩極唔厭地令佢地兩個中間不斷出現誤會，搞到遲遲都未能夠一齊，好彩今次編劇終於有返少少良心，噚晚嗰集佢地終於上演世紀之吻一齊，成為全城話題！

喺呢集播完之後，熊若水喺Facebook同IG Post咗段片，就係講述脫單成功後竟然喺電視城撞到曹總！曹總以佢一向「痴心長情Style」咁講咗一句「水水，我終於等到你啦」，但熊若水就已經勁淆底咁嚇咗一跳！

之後勁直接咁同曹總講：「你有冇睇噚晚嗰集㗎？你唔好再等我啦！曹總～～」

跟住仲要話：「我覺得你應該要去返Mytv Super嗰度Loop多幾次，清醒下～Bye」留返低嘅就係一臉傷心嘅曹總，真係覺得曹總又慘又好搞笑呀！！唔少網民仲講笑話，可以叫編劇寫返條線俾曹總同群姐～

其實曹總一直都喺《愛回家》入面力追熊若水，搞出唔少笑料！之前佢喺IG出Post仲吸引咗好多觀眾留言支持佢繼續追水水：「曹總你要堅持啊，用誠意感動阿水，阿水係好女仔唔好輕易放棄！」、「曹總 我覺得你同水水都幾襯呀」

噚日嗰集一播出，就已經有好多觀眾留言話：「正呀！！我都喺屋企嗌咗出嚟，搞咗咁多集終於一齊啦媽呀！」、「平時唔睇tvb既我 都覺得今集真心高質 呂慧儀真係演到好有feel」

今集真係Sweet到糖尿呀～～～愛情入面總會有人犧牲，相信編劇遲啲一定會為曹總搵個好女仔㗎！！！

Text：Girls Editorial

Photo Source：TVB、Facebook