蕭正楠寵妻無極限！蕭正楠：「我生日，你快樂」，網民：「蕭生又提高好男人標準！」

蕭正楠、黃翠如一向愛得甜蜜，每次睇佢地嘅閃光彈都會有種「再次相信愛情」嘅感覺！近日蕭正楠迎來42歲生日，兩人第一次以「蕭生蕭太」身份過生日，當然唔會放過呢個放閃嘅好機會！

蕭正楠第一次以人夫身份過生日，身為老婆嘅翠如當然有表示啦！翠如喺Instagram Post咗張下廚照，寫住「致我大爺，在你生日的好日子，我仍然停留在煮早餐的程度。」

眾所周知，翠如成日自稱「廚藝BB班」，之前接受訪問時都有講過「婚後主要由Edwin下廚」～今次為咗老公生日而親自下煮，或者未必好好食／好完美，但誠意絕對滿分！

之後翠如繼續講：「在你生日的前一日，我仍然要你排隊幫我買珍珠奶茶。
在你生日的後一日，我還需要你早上五點車我返工。
我為你感到幸福，因為聽說施比受更為有福。
我還聽說，以後你的生日，也變成你太太的生日。
所以每年3月23日，請好好為我慶祝。
生日快樂   你大爺上」

蕭正楠仲有喺翠如個Post度留言回覆：「只要是你煮⋯餐餐食早餐也是幸福，和一班中小學同學仔一齊排隊買珍珠奶茶可以讓我變年輕，早上五時的空氣最好⋯遊車河一流！我生日你快樂」

言語之間都透露著蕭正楠對翠如嘅寵愛！即使係生日前都仲會排隊幫老婆買珍珠奶茶、平時都會晨咁早車佢返工～翠如仲搞笑咁話，每年嘅3月23號（蕭正楠生日）都會成為翠如嘅生日！兩人之間互相都係對方嘅「大爺」，雖然只係佢地嘅相處日常，但亦都可以Feel到佢地兩個有幾相愛啊～

其實蕭正楠真係超錫翠如，知道翠如最近忙住拍戲，仲會為咗佢而學煲湯！煲完仲裝一壺俾佢拎返工飲，真係絕世好老公啊～～

網民睇完呢個Post之後仲話：「蕭正楠又係度提高好男人標準！」、「閃到個芒都爆」、「蕭生蕭太詮釋了關於愛情最美好的樣子」

佢地真係完美嘅夫妻示範啊！

Text：Girls Editorial

Photo Source：Instagram