同軒仔著情侶衫？Kenny玩濕身誘惑性感眼神取勝，網民：「好羨慕張敬軒！」

Kenny關智斌出道以嚟都以斯文靚仔Look形象示眾，已經踏入38歲嘅Kenny近年「佬味」越嚟越重，真係超吸引！！近排佢喺社交網站Post咗一輯濕身照，引來網民大量迴響！

呢排「佬味」越來越濃嘅Kenny仲大曬濕身照，憑著渾身健碩嘅肌肉成功吸引網民眼球！相中Kenny著住白色超貼長袖T-Shirt，成個人浸喺浴缸入面，性感誘惑嘅眼神加上佢若隱若現嘅胸肌，真係令人好想佔有佢呀！！

梳著個All-Back頭嘅Kenny，濃眉大眼＋高挺間尺鼻，完美嘅五官真係會令人想問「點解佢可以咁靚仔！！」

呢輯相理所當然地成功引起網民注意！唔少網民都表示：「好羨慕張敬軒」、「軒仔都Like咗！」

除咗一班網民之外，唔少明星都有留言！好似佢嘅好姊妹阿SA就話：「唔准你咁誘惑人呀」、阿Kay謝安琪都忍唔住留咗個心心Emoji～

喺最新Update嘅相片入面，Kenny著住一件皇室風嘅西裝褸擺出唔同嘅型仔Pose～

不過有眼利嘅網民就話呢件衫原來同張敬軒撞咗衫！網民仲話：「呢件衫咁眼熟嘅？係唔係軒叔嗰件丫？」、「張生同款Jacket」、「聽人講Kenny好慳家，所以同一件褸兩份著唔出奇」

仲有網民估Kenny呢輯相係張敬軒間「仙后餐廳」度拍攝嘅，大家又覺得似唔似呢？

今次Kenny呢輯相真係好正又勁吸引！！大家真係可以盡情期待一下Kenny下星期嘅新Project，相信嚟緊會越嚟越多靚相睇呢～

Text：GirlStyle Editorial

Photo Source：Instagram@Kennyjr、@Hinschenu