再次與影后擦身而過！阿SA感激一班好友暖心安慰：「心裡好感動，但更多嘅係唔好意思」

噚晚舉行嘅第38屆香港電影金像獎2019已經完滿結束，所有獎項嘅得主已經出爐！當中令大家大呼可惜嘅，相信係三度入圍金像獎最佳女主角嘅阿SA～雖然阿SA失落金像影后，但係亦都因為一班好朋友嘅支持，令佢表示「笑死我又感動死我」！

阿SA今年憑住電影《非分熟女》三度入圍香港電影金像獎，雖然最後不敵大熱嘅曾美慧孜，但係阿SA都冇唔開心，仲喺Instagram大方表白今次參與嘅感受‌‌！「禽晚現場收唔到電話，完咗一出去 就睇到呢一堆msg，笑死我又感動死我」仲Tag咗「人生有一班真正朋友的確好極」，表示好感謝個天，俾佢識到咁多咁錫佢嘅人～

其實佢講緊嘅就係未能在場嘅阿嬌、容祖兒、Kenny、Steven都替佢感到緊張，隔空支持好朋友而影低嘅相！好似阿嬌就話「緊張到食拳頭」～

Kenny就話自己緊張到食蕉！

Steven就食飯！

最搞笑嘅都係Joey！

仲有Yumiko囡囡梁浸浸仲錄咗段Video同阿SA講：「契媽加油！契媽加油」真係冧死人啦～～

然後阿SA又繼續分享自己嘅心情：「坦白講，我一啲都唔緊張，因為我心裏有數。反而見到啲屋企人同埋好朋友仲有fans為我咁緊張，心裏面真係好感動，但更多嘅係唔好意思」

雖然阿SA失落影后，但是佢也得到了「最佳衣著獎」！阿SA噚晚穿著深V裸色透視洋裝，性感又搶眼，盡顯溫柔女人味～～

唔少網民都留言鼓勵阿SA，仲話「身邊嘅BFF已經係最好嘅獎！」、「你永遠都係我地嘅影后」、「下次再黎過 期待好作品！永遠支持！」希望阿SA繼續努力，Keep Rolling！

Text：GirlsStyle Editorial

Photo Source：Instagram