SAMMI曾主動祝賀心穎生日！黃心穎、許志安被發現IG高調傳情，黃心穎：服務第一。。。有機會嗎？

已婚人夫許志安被爆偷食黃心穎，呢單新聞絕對係令人感到非常憤怒！唔少網民都發揮佢地嘅偵探精神，竟然比佢地喺Instagram搵到唔少傳情嘅留言～根據網上消息更指，黃心穎同許志安已經偷偷噠著2年！一齊嚟睇吓網民嘅發現！

網上有消息根據知情人士爆料，喺黃心穎主動出擊，透過許志安工作人員認識～而兩人第一次合作就係《星光熠熠耀保良》入面拖手合唱～合唱完之後黃心穎就喺Instagram PO咗相，仲話大讚許志安好Nice不斷同佢綵排！

而許志安2月PO相話為演唱會開會：「演唱會第一個Meeting」，心穎竟然留言話：「服務第一。。。有機會嗎」再加上幾個笑喊樣！

許志安PO自己健身成果，黃心穎亦都有留言笑稱：「蓮藕人」頻頻留言但許志安都冇回覆，難怪有傳聞話係心穎自己痴埋去！

之後亦喺Instagram上載許志安演出片段：「好的音樂，好的歌聲、就是百聽不厭」以小Fans身份接近許志安～

雖然佢地各自有伴，但大時大節都會抽空同對方見面！例如今年1月1日，兩人一齊慶祝元旦，仲要頭貼頭痴得勁埋合照！

黃心穎今年生日同完馬明＋一班藝人朋友慶祝之外，亦都有同許志安一齊慶祝！而今次許志安亦都係企心穎隔離！

令網民最心噏嘅係，正印Sammi都有喺相片下面留言，祝心穎生日快樂，仲大讚心讚睇落似20歲⋯⋯

心穎PO自己健身成果照時，Sammi留言「女超人」，心穎就回覆：「u r bigger superwoman」相信Sammi都好失望！

唔少網民都留言鬧爆佢地，甚至連佢地身邊嘅友人、親人都唔放過，仲有網民話好想佢地兩個消失幕前！許志安方面就話會喺今晚7點開記招，大家就拭目以待睇佢點解釋啦～

Text：Girls Style Editorial

Photo Source：Instagram