裕美回應「安心偷食」惹負評！被網絡欺凌以千字文回應：好多外國藝人都「偷食」但不會影響事業

黃心穎與許志安出軌引起全城哄動，四名當事人已分別作出回應，但「安心偷食」事件的討論度仍高居不下！而沒想到曾和TVB藝人黃子恆傳出過婚外情的裕美，因早前回應「安心偷食」的言論惹來網民的負評，甚至演變成網絡欺凌！

裕美之前出席活動，被問及對事件的看法，她表示：「坦白講，情到濃時，情緒上好多時會因為感覺而做咗啲唔啱Timing嘅事，係由情緒控制你去做一啲嘢。」這一句被網民認為將偷食合理法，又翻出她之前婚外情的新聞，大罵她是垃圾、人渣、想抽水想紅云云〜

而裕美不甘被網絡欺凌，昨日就以千字文回應：

琴日出席活動，接受各傳媒的採訪。被問及到「安心事件」嘅我，就將自己嘅見解做咗一番分享。

之後我見到傳媒嘅標題，係話「情到濃時難控制」。我想講下自己嘅經歷。

依家冇咗多年嘅management，讓我可以更自由地面對自己及輿論。當年我婚姻涉及嘅問題弄到轟轟烈烈，自己係冇好好地講清楚。

一段感情裡面出現嘅問題，外人其實唔會睇到，但其實好多人都經歷過。一段長感情想要維繫好，更是難上加難。

身邊嘅一啲朋友，其實都有複雜嘅感情世界。一齊咗15年、同居了6年、結了婚8年，甚至有埋孩子，才發現關係已降至冰點，兩人毫無感覺、關係，甚至其實唔再彼此關心，卻又因為多年嘅感情、共同生活、習慣，無法一時三刻分開。但其實分開嘅默契早已形成。咁呢個時候，其中一方喺生活中毫無溫暖、甚至被對方冷落、粗暴對待嘅情況下，在外面遇到新的人，自然會產生情愫 - 因為關係裡的對方，其實早已唔care。

外人看來，這自然就是出軌、不道德。但是如果你明白真實雙方的心理世界，你真的覺得那麼的有問題嗎？還是人性而已？

這跟安樂死的辯論有所類似。生命，就真的是聖潔到無論如何都不能終止嗎？當生不如死時，當事人真的不能自己做一些決定嗎？只要是自殺了，就代表有罪、不尊重造物主，或者該協助醫生，就是犯了謀殺嗎？至少，我們不能睇得如此表面及簡單。

我當年，正正就係出於一個死症裡面。婚姻關係實際走到盡頭，兩人不合，各奔東西。分開手續需要過程，但離心已決。法律上或許是夫妻，但精神上呢？對方的一些針對我的動機和言論居心叵測，但從我的角度，面對有名無實的關係，我認為想馬上展開新的生活，無可厚非。當然我地也要盡我地所能去fix段關係，但這也要兩方子努力，不能單方。

我不知道安心事件裡面兩段伴侶之間的關係，也不適宜評論。我只能說，如果他們關係是有名無實，好像我當年一樣，那麼所謂的「出軌」、「偷食」，就和該段婚姻、情侶關係一樣，有名無實。嚴格來說是正確，但是who cares? We know the truth.

其實係外國，有好多藝人都”偷食”但都不會影響佢地既事業無左，點解要將私人個人既事要同工作拉埋一齊嚟講？但香港好多人覺得，係香港做明星就要安份守己，做旁樣，做到聖人咁樣。有幾多有錢人或做高層搵好多錢既人，佢地都有偷食，但因為佢地唔係公眾人物所以無人講，無人知。

我唔係將偷食合理化，係我既角度睇事情，係出於憐憫人既心理，唔係不斷講岩定錯，對錯，大家都明白，錯了就要將人置於死地嗎？ 明知故犯，請問大家人生當中有無試過？

她又決定把這種網絡欺凌的post貼出來，甚至連網民account名也公開，並繼續反駁：

在 Instagram 查看這則貼文

裕美HIROMI? ひろみ?️（@wadahiromi）分享的貼文 於 PDT 2019 年 4月 月 23 日 上午 7:20 張貼

原因有三：

一，香港男女不平等問題實在離譜。將女人看作是要靠攀附另一半成名，咩「食都食個出名啲」- 你以為我地仲喺舊時代？我14歲出道到現在，靠的就是自己，養家糊口。我從未想過同任何富貴人家一齊，係因為我認為女人當自強。係，我冇同過咩大明星、大名人一齊，當年亦冇嫁入豪門，反而係普通一個基督徒家庭，就正正係反映我嘅價值觀。

二，關於自己係咪衰人，我喺之前一段關於「有名無實」嘅分享裡面已經講過：如果該婚姻、情侶關係係有名無實，或者有共識分開、離心已決，那麼所謂的出軌、偷食，也係有名無實，不值得大家批判的。

三，娛樂圈裡面，我算係唔想紅嘅一個。多年來都覺得，自己性格唔適合做呢行。我14歲出道，係因為自己鍾意唱歌而已。出道不久就因為歌同節目小小走紅，也只是時來運到，自己不敢認係靠自己努力。但我從來沒有因此好恨一直紅下去，甚至希望能簡單安定下來，離開呢個圈。我也確實離開過。回來後的我沒有在想爆紅，只是希望可以做好自己的工作，養家糊口，過自己理想的簡單生活。比起娛樂圈很多的人，我覺得自己，才是一直心水清的人。

Text：GirlStyle editorial

Photo Source：instagram@wadahiromi